| rj001 |
ti colel cab
en el nombre del padre y del espiritu santo
in yum, desde noh kaba santo gloria |
| rj005 |
tu noh santo cruz, tu noh kaba cichpam colelbil maria santisima
ti behlae kin in kat xan tu tan santo gloria xan in yum
tuux cu yantaben paulino tec yetel u hokol u puczikal xan
cu kubic xan humppel santo edzebal santo cab yacumoob
in yum kat tun ti xan beyoritas xan ca anac u yantaloob xan |
| rj010 |
men santo cu dzabal xan tu nohol u kab xan cichcelem santo cristo
tu nohol u kab xan cichpam colelbil maria xan
he u kubul xan u edzebal xan las diez de la mañana,
cuatro de marzo
cu kubul humppel santo edzebal macalmac u kaba |
| rj015 |
dios yumbil, dios mehenbil, dios espiritu santo
ti cichpam colel maben santo u mama le santo cab kahzabcoob xan
likil cu nu bete santo meyah tu nohol u kab cichcelem hahal dios
cin kubic xan yetel u poder jose tec yaab u voluntad xan |
| rj020 |
yan u yalak xan u kubic tu tan cichcelem maben
utial xan u cuxlantoob
yetel utial oracio xan
cu kubul xan tu nohol u kab xan cichpam colelbil xan
yetel yaab u voluntad xan u kubic santo edzebal pascual basto xan |
| rj025 |
cu kubic xan ti u noh u kab cichpam colelbil
yaabcach u voluntad xan ti u noh kab cichcelem santo cristo
yaabcach u voluntad xan mulchucbaloob u hijo xan
tu nohol u kab cichpam colelbil cin kubic xan le santo edzebal
ti teresa poot cu kubul xan ti cichpam colelbil maria xan |
| rj030 |
yetel yaabcach u voluntad xan u kubul humppel santo edzebal
cu kubic xan yetel yaabcach u voluntad
ti u noh kaba cichcelem santo cristo tuux ca anac u tzentaloob xan
cichpam calaan caboob cichcelem yum
ricardo cutz u kaba xan u nohol u kab xan |
| rj035 |
cichcelem colelbil maria maben
cu kubul xan uay tu tan xane santo cah u kubul xan
uacbalen xan in kube ti macalmac dios yumbil dios espiritu santo
uacbal xan u kubul ti cichpam colelbil xan
dios yumbil, dios mehenbil, dios espiritu santo |
| rj040 |
in cichcelem señor san bernabe in katic tech xan beyoritas
yokol u cahil santo ixil xan milagrosoech tu noh kab xan
cichcelemech u yumil gloria xan
yetel a acompañante cichcelem colelbil xan in yum
in cichcelem colelbil concepcion ti cichpam colelbil xan |
| rj045 |
tu noh cah ixil xan yum
uay cin payal thantic ti u mesao dios espiritu santo
ti culucbaloob caano
ti dza santo ukul xan ti cichpam colelbil cab xan
tan katoltic, tan okol thance ca antacoob xane
tumen cichpam colelbil |
| rj050 |
anac u yancoon xan santo chac in yum
ti macalmac dios yumbil, dios mehenbil, dios espiritu santo
ti macalmac u calaanticoob chikin, ti u calaanticoob xaman
ti u calaanticoob nohol, ti u calaanticoob lakin
ti cahi cacabil santo xaman, ti cacabil santo nohol |
| rj055 |
ti cacabil santo lakin, ti cacabil santo chikin
ti macalmac tuux u tzentaloob tialac u caxtoob u cuxtaloob
yetel yaabach u voluntad don paulino tec
mulchucba u palaloob tu pachoob
yetel yaabach u voluntad cin kubic diez de la mañana, |
| rj060 |
cuatro de marzo
ti u cichcelem santo cruz verde cin kubic xan
yan u santo u yacuma xan
yetel yaab u voluntad u dzamoob cichcelem hahal dios
okol thanco xan |
| rj065 |
u nohol u kab santo gloria xan
ca anac u yan toon otziloon toon ti caxtic cuxtal ti col caboob
ti noh kaba xan ti bacan ah kinil xan yum san antonio
leti thanbil xan, leti tu hea le beo
leten tan'c betic |
| rj070 |
in cichcelem señor san isidro leti tu holbezah santo be
ti macalmac ezic santo meyah ti tulacal otzil col caboob
ez bin xan u caxtal le santo cuxtalo can titz caan xan
santo gloria
ti señor santo kin, ti cichpam santo mama luna u kubul xan |
| rj075 |
he cin kubic xan bey ca dzic ten humppel santo permiso xan
dos horas ca dzic ten humppel santo in yum
utial u cħocħah le santo mesa, tial u lukzah le santo edzebal
u noh u kaba in yum
ti kaxe bacan santo coloob tial bacan le santo ukul xano |
| rj080 |
u kubul xan ti santo luum ca anac u tzencoob le santo gracia
kahzahloob xan ti cichpam colelbil maben xan in yum
ti macalmac ma manen in thani tu noh u kaba
thancoob tumen h- men xan tuux ma man thani tu horae
thancoob tumen santo ikoob |
| rj085 |
dzoci in payal thantic xano tu nohol u kaba cichcelem yum xan
ti can titz santo caan dzoc in payal thantic xan
yetel yaab in voluntad
he bin yan in kubic xan
bey cin in kubic cuentai tu tan cichcelem hahal dios |
| rj090 |
hayppel santo edzebal dzoc in dzic yokol cab
toh in uol tu nohol u kab
uacbalen in servirte xan in thanoob xan
in ohil dzanen in ohete in yum
bey in yume |
| rj095 |
u kaba dios yumbil, u kaba dios espiritu santo, amen |
