| |
u uudz katunoob III
Oxlahun Ahau
|
| f001 |
he u than Oxlahun ti Ku
tu tzolah ah kin chilam
lay bin cu talel u kin ca yalah lae
uien, uien, bin a man uah |
| f005 |
uken, uken, bin a man ha
tu kin ppuzlum pach
tu kin thuchlum ich
tu kin naclah muyal
tu kin naclah uitz |
| f010 |
tu kin chuclum dzidz
tu kin hubul hub
tu kin codz yol cħelem
tu kin edzel edz
tu kin ox dzalab u nak yaxche |
| f015 |
tu kin ox cuchlahom yal max
tu kin ox cħuylah xuthen
tu kin pan cħin cħin
banhoob yalan che, yalan aban
emom chacmitan uiih |
| f020 |
can pathom u bel katun
mizbom tali ti chikin, tali ti xaman
manebal yal u mehen ku
zathom yalan che, yalan aban
tu chactun numya yal u mehen Ah Num Itza |
| f025 |
elom u chi zuz, elom u chi kaknab
nacom ti che ah mazuy
elom dzidz tu yax tzol poop ah dzidzomtun uale
oxlahunte u cuch
cħabom u numteil cabi, u tzucteil cabi tumenel Lahun Chan |
| f030 |
paxnom chac tenel ahau
haxbom kak tu teel chacil yoc
cħachom u kab yaxche
cħachom u kab nicte |
| f035 |
cħachom u xik mucuy
tu kin lelem caan
auatnom chac tenel ahau
paxnom zac tenel ahau
tu kinil Oxlahun Ahau uale |
| f040 |
he Chi Cħeen Itzae, oxlahunte u cuch
mizbom u petenil tu chi cħeen
hopom kak tan chumuc cah
ti uchom u thantamba ah kinobi
lay yubal ah bobatobe yetel yubal tut |
| f045 |
hele ix u kin ha tu thanobe ah kinobe
ti ma ix kaxal hai, yaal cie
lay u yubahoob u pec u xik mucuy te kul lakine
pec u caah u kab nicte
pax u caah zac tenel ahau |
| f050 |
tu kin yan u chek be katun
xoypahom tu chakanil
Ix Kan Itzam Thul, Zulim Chan
ti tali u katabal u cuch katun
oxlahunte u cuch chakan |
| f055 |
ti kaxi u puczikal peten
lay u kin u katal u cuch ah Emal
ti tali u codz poop
ti tali numon tu cal ya
auatnom ek tenel ahau |
| f060 |
ti uil uchom multun tzeki
emom chacmitan kuch, chacmitan uiih
hoybom u uich ti ualac yahaulil
tu kinil maya cimlal
ti uil uchom ahau canil |
| f065 |
zinic balam haabil yetel hun co yol yaabil ti u hedz katun
ti tali auatnom chum kin uoo
lay u munal ah Emal, bay ix Holtun Zuyua
auatnom chac tenel ahau, paxnom zac tenel ahau
lay u mut katun Oxlahun Ahau lae |
| f070 |
Oxlahun Ahau u lubul u cuch katun ti Ah Emal
bay ix Holtun Zuyua, bay ix Ho Tzuc Chakan
ti uil uchom zalam koh cheil tu cuch Ho Tzuc Chakan
uchci u numya Ah Canule |
| f075 |
uchci u cħohlam cħoh
uchci u numya Ah Canule uay tan Bitun Canule
ti ix u lukzah u ppicil u cuch
uay Zaclactune cumlic ah ek uilu
uay ix kalahi yaabhi u cuch u ni uitz |
| f080 |
uucte u ppicil u cuch yan uaye
uay u dzocol u than katun tulacale
uucte uil uaye kintunyaabil
uucte ti haab katun ya uaye
uucte ti haab maya cimlal |
| f085 |
uabal bin hedzbal dzocebal u cuch katun
uay cananaan uucppel u catil uah
tumenel ix Zaclactun, bolon cħocħ
lay culaan tu puczikal peten, cuzamil
ti ulah ti u xul u than ah kin uooh |
| f090 |
ti ah lauac lauac, ti ca ti cheki yoc
ah muzen cab yetel ah zabac na
tu lah yahaulil Oxlahun Ahau, Hun Ahau
u kin ti ca bin nupptambanac kin yetel :U: yetel akab
ti ca tali u yahal cab ti Oxlahun ti Ku tumen Bolon ti Ku |
| f095 |
ti ca zihi cħab, ca zihi Itzam Cab Ain
xotebal u cuxtal baalcah
ca haulahi caan, ca nocpahi peten
ca ix hoppi u hum Oxlahun ti Ku
ca tun uchi noh haycabil |
| f100 |
ca ix liki noh Itzam Cab Ain
ca uchi dzocebal u than u uudz katun
lay hun ye ciil bin dzocebal u than katun
uaxaclahun tuc bak u haabil catac uuclahun pizi
dzocebal u than katun
ma ix yoltah Bolon ti Ku |
| f105 |
ca ix xoti u cal Itzam Cab Ain
ca ix u cħaah u petenil u pach
heklay ah uooh ppuc u kabae
ma ix u tohpultah u kaba tiobi
ti kaxaan tun u uich ualac yahaulil lae
|
| f110 |
buluc ahau
ti hach kabet u bel yoczabal ti ol
lay u tunil tu ppatah c’ yum citbil
lay u kam chi lae balche |
| f115 |
licil ca tzicic uay coon ah tepal uinicoob
hach paybentzil u kultabaloob hahal kuob
lay tun cumlahi hahal ku, c’ yumil ti dios
u yumil caan yetel luum, hahal ku
bacac ix yax kuobe, hauay kuob |
| f120 |
dzoc u than u kultabaloob
kazpahiob tumen u cicithanil u yumil caan
ca dzoci u lohol baalcah
ca dzoci u caput cuxtal hahal ku, hahal dios
ca u cicithantah caan yetel luum |
| f125 |
ti kazpahi a kul maya uinicexe
xeth a uol ta kuleex lae
u kahlay cab tu kinil lay tumen dzibaan lae
tumen ma kuchuc tu kin u meyah
lay picil huunoob lae; lay picil thanoob lae |
| f130 |
utial katabal u chi maya uinicoob
uay yoheloob biix zihaaniloob edzlic cab uay ti peten lae
ti peten
ichil buluc ahau ca liki ah muzen cab |
| f135 |
kaxic u uich Oxlahun ti Ku
ma ix yoheltahoob u kaba
cilich citbil yetel mehenbil
lay u kaba yalahoob ti
ma ix chicaanpahi u uich tiob xan |
| f140 |
tu chii ix ca dzoci yahal cabe
ma ix yoheltahoob binil ulebal
ca ix chuci Oxlahun ti Ku tumenel Bolon ti Ku
ca emi kak, ca emi tab
ca emi tunich, ca emi che |
| f145 |
ca tali u baxal che yetel tunich
ca ix chuci Oxlahun ti Ku tumenel Bolon ti Ku
ca paxi u pol, ca lahi u uich
ca tubabi, ca cuchpachhi xan
ca colabi u canhel yetel u hol zabac |
| f150 |
ca cħabi ix kukil, ca cħabi ix yaxum, ca cħabi ibnel
u ppuyem uiil yetel u puczikal
u ppuyem zicil, u ppuyem topp, u ppuyem buul
u teppah u yinah Yax Bolon Dzacab
ca bini tu oxlahun taz caan |
| f155 |
ca culhi u madzil yetel u ni bacalil uay yokol cabe
ca tun bini u puczikal tumenel Oxlahun ti Ku
ma ix yoheltahoob binci u puczikal uiil lae
ca hutlahi ix ma yumoob yetel ah numyaob
yetel ix ma ichamoob |
| f160 |
cuxaanoob ix ti minaan u puczikal
ca mucchahiob tu yam zuz, tu yam kaknab
hun uadz hail, ulom hail
ti uchi u col canheli
ti homocnac caanal, ti homocnac cabal xan |
| f165 |
tu katunil u nupp u uudz
cimci u thupil mehen tumenel u zucunoob
lay u uudz u katunil, oxil oc u kinil ulci uaye
Hun Cimi u kinil dzoci u than katun
ca ualci cantul ku, cantul bacab |
| f170 |
lay hayezoob cab lae, tu chii tun ca dzoci haycabile
ca ualhi chac imix che tu lakin peten
lay u yocmal caan
lay u chicul haycabil
lay u coycinah u che bacab |
| f175 |
culic chac tan pixoy, chac xib yuy, chac oyal mut
ca ualhi zac imix che tu xaman peten
lay u yocmal caan; lay ualic zac chic
lay u chicul haycabil
lay zac imix che; ualic cu chic |
| f180 |
culic zac tan pixoy, zac xib yuy, zac oyal mut
ca ualhi ek imix che tu chikin peten
lay u yocmal caan
lay u chicul haycabil
culic ek tan pixoy, ek xib yuy, ek oyal mut |
| f185 |
ca ualhi kan imix che tu nohol peten
lay u yocmal caan
lay u chicul haycabil
culic kan tan pixoy, kan xib yuy, kan oyal mut
ca ualhi yax imix che tu chumuc peten |
| f190 |
lay u yocmal caan
lay u chicul haycabil
culic yax tan pixoy, yax xib yuy, yax oyal mut
cumtal u caah u lac, u luch, u poop, u dzam, u yanal katun lae
ah pay kab tu yum, ah pay oc tu yum |
| f195 |
cumtal u caah Chac Piltec tu lakin cab
ah pay kab tu yum, ah pay oc tu yum
cumtal u caah Zac Piltec tu xaman cab
ah pay kab tu yum, ah pay oc tu yum
cumtal u caah Lahun Chan, Ek Piltec tu chikin cab |
| f200 |
ah pay kab tu yum, ah pay oc tu yum
cumtal u caah Kan Piltec tu nohol cab
ah pay kab tu yum, ah pay oc tu yum
cumtal u caah Yax Piltec tu chumuc cab
he ix u uol cab ualic Ah Uuc Chek Nale |
| f205 |
tali tu uuc taz cab
ca emi u chekebte u pach Itzam Cab Ain
ca emi u muk u xuk luum can
ximbal u caahoob tu can cib, tu can taz ti ek
ma zazil cab; ti hun minaan kin |
| f210 |
ti hun minaan akab, ti hun minaan :U:
ahubaob ti ix tan u yahal cab
ca tun ahi cab
ualaci to yahal cab
oxlahun pic dzac tu uuc u xocaan yahal cab |
| f215 |
ca tun ah cab tiob
ci uba ca kin dzam, ox kin dzam
ca ix hoppi yokol Oxlahun ti Ku
okol u caahoob ti yahaulil
chacaan tun tepal, chacaan ix poop |
| f220 |
chacaan u yaxcheil cab
chacaan u numteil cab tumeneloob uuc yol zip
ma ix tu kin u tepal, lay lic yokticoob Bolon ti Ku lae
ti ca tali u tzol yol poop
chac ix u poop culic Bolon ti Ku |
| f225 |
dzut polbil ix yit ti culic tu poop
ca emi zidz tali tan yol caan
lay u zidzil tepal, u zidzil ahaulil
ca cumlahi chac edz ti lakin
ca cumlahi zac yedzbil ahaulil edz ti xaman |
| f230 |
ca cumlahi ek edz ti chikin
ca cumlahi kan edz ti nohol
ca cumlahi chac tenel ahau, ah ten poop, ah ten dzam
ca cumlahi zac tenel ahau, ah ten poop, ah ten dzam
ca cumlahi ek tenel ahau, ah ten poop, ah ten dzam |
| f235 |
ca cumlahi kan tenel ahau, ah ten poop, ah ten dzam
ti ku ix tu than, ti ua ix ma ix kui
ti minaan ix u uah, ti minaan ix yaal
hun xeli
|
| f240 |
ox ahau
he Bolon ti Ku lae
bolon chan u uich ti yahaulil uinicoob
ah ca kin poop, ah ca kin dzam
lay tali ichil ox Ahau Katun |
| f245 |
ti ix bin yanac u yanal u yumil peten
yah culcinah ul u than u yanal katun
ca bin dzococ u than ah ox Ahau Katun
tu kinil u concon mehen
lay bin yanac yokol u numil Ah Itza |
| f250 |
hun ua chuen, hun ua celem
hun dzit tunil u kex u keban u numil Ah Itza
lay Bolon ti Ku
lay bin dzocebal u than ah ox Ahau Katun
ti ix u naatal naat yahaulil cabobi |
| f255 |
dzocebal u than katun
ti ix u chacanhal u cħibal al mehenobi, u cħibal batabobi
yetel u yanal ah cux olaloob yetel u cħibal bataboob
lay mucchektabi luum tu uichobe
ca mabalhiob tumen u coil kin, u coil katun |
| f260 |
u mehen kaz, yal ix buyuk
lay zihoob ca ahi cab ichil ah ox Ahau Katun
bay bin dzocebal u tepaloob ah cappel ichoob ti c’ yumil ti dios
he ix ca bin dzocnac u than katun lae
|
| f265 |
lic ualic u mul uiihtic
ma ix tab u tal u yalab lic u yancuntic cal u mut
ti culic cal kin, cal numya
ti tali tamuk yahaulil, ca kuchi ti culic tu poop
top caanal hopaan u kak colop u uich kin |
| f270 |
tocaan ti cab, lay u buc ti yahaulil
lay u chun licil yoktic u tepal
tu kin numen chuen, numen celem
tu kinil u naatal naat ahauob
can ualic u cħic che |
| f275 |
mol tu kin zatay babaalili
can ualic u cħic che ah muc
tu hol can be, tu hol can heleb okom bulcum
tu kinil momolhi pepen
ti tali chacmitan numya |
| f280 |
lic u talel ox uinkeh
u kin Ox Ahau Katun, ox tuc ti haab
lay bin nuppuc ichil Ah Ox Ahau Katun
ca bin cumlac u yanal katun
oxil uah u uah, oxil ha u yaal |
| f285 |
cupil uah u uah, cupil ha u yaal
lay cu hantic, lay cu yukic
ix batan cħincħin chay cu hantic
lay culhi uay tu cahal numya yume ichil u bolon tun
tu kin yan dzulili |
| f290 |
katal u caah u cuch katun tu lah yaabil Ah Oxlahun Ahau
Buluc Ahau
ti ca hekcah yoc Ah Buluc Ahau |
| f295 |
u kinil u yemel u than ah bolon dzacab miatz
ti tu uudz zuput tu katunil
ca emi u katal u cuch katun, bolonte u cuch
ca emi ti canil kan u kinil uale
ca hau u cuch ca emi |
| f300 |
ti tali tan yol caan u caput zihil
bolon aban u yotoch, yet emci bolon mayel
cħahuc u chi, cħahuc u ni yak, cħahuc u dzomel
ca emi catul Chac Uayab Zodz
lay dzudze u kabil nicte |
| f305 |
ti ca hoki ix chac hoch kom, ix zac hoch kom
ix ek hoch kom, ix kan hoch kom
ix hau nab, ix hudz nab, ix kuk nab
hoki tun ix ho yal nicte yetel ix ho nicte
ix ninicħ cacau, ix chabil tok, ix bac nicte |
| f310 |
ix macuil xuchit, ix hobon yol nicte, ix laul nicte
ix kouol yoc nicte
lay hoki nicte lae, ah con mayeloob; lay u na nicte
ca hoki yudzub ah kin, yudzub ahau,
yudzub holcan, yudzub halach uinic
lay u cuch nicte ahau |
| f315 |
ca emi u cuch nicte katun, minaan u yanal than
ma ix uah u cuch katun; ti tun ca hoki ix haulah nicte
oczic u keban Bolon ti Ku oxte ti haab
ma ix kuchi cħabnaci ku metnali, Bolon Dzacab
ca emi u cħab nicte Ppizlim Tec |
| f320 |
yax bac dzunun ix u uayinah
ca emi, ca u dzudzah u kabil nicte, Bolon Yal Nicte
tu ichil tun ca cħa yichamil Ix Ho Yal Nicte
ca tun hoki u puczikal nicte; u ximbaltezuba
can hek ix u lac nicte |
| f325 |
ti ix culaan Ah Kin Xocbil Tun chumuc
ca uchi u hokol Oxlahun ti Ku
ma ix yoheltah yemel u keban u poop
ti kuchi tu than cuchi
nicte ix u poop, nicte ix u kanche |
| f330 |
zauin u culic, zauin u ximbal
zauin u lac, zauin u luch
zauin u puczikal, zauin u naat
zauin u tucul, zauin u chi
hach coil u than ti yahaulil |
| f335 |
tu kin auat uiil, auat ukul
tu xay u chi lic u hanal
tu pach u xau lic u uiil, auat ukul
u chicma che, u etma tunich
chac u co ol yan ti Lahun Chan u uich |
| f340 |
ti culic zip u uich
zip u than, zip u can, zip u naat, zip u ximbal
kaxaan u uich
ti culic cħa u caah, tza u caah u poop
ti culic tamuk tu yahaulil |
| f345 |
tubaan u yum, tubaan u na
ma ix yohel u yum ti mehente
ma ix yohel u na ti alinte
thabaan u puczikal tu hunal
ichil ix ma yumil ah pocħ yum |
| f350 |
ichil ix ma nail bin ximbalnac
calaan u mut, zatal u naat yicnal u yum, yicnal u na
minaan tibil ti, minaan utz tu puczikal
halili yan tu ni yak dzedzece
ma yohel biix bin dzocebal |
| f355 |
ma ix yohel baal yan tu dzoc yahaulil
lay ca bin dzocnac u kinil u tepale
|
| f360 |
U hauat cuchma u matan ti Bolon ti Ku.
Emi Ix Uuc Zatay.
Ca ix zati yol, ca ix zati yik.
Ca cħaci u cal, lay u hicħ u cal tuba tu hunal.
zip u than ah bobat lae, zip ix ah kin lae |
| f365 |
zip ix ahau, zip ix holcan lae
ti haulahi u thanoob
ti noclahi u chimaloob, ti noclahi u nabteob
lahun yal yah ual uinicoob ix ca ualhi cuchi
ma ix tu yoheltahoob u talel u dzocol u than katun |
| f370 |
holcani uil likciob cuchie
u cħuymaob ix tab tu kab cuchie
ma ix kaxaan u uich katun cuchie
tu dzahoob ix u tan ti lomol
nicte ix cimciob ah kinoob, ah miatzoob |
| f375 |
yetel ahauob yetel holcanoob
hokaanoob ix u than ichil u yanal katun, ichil bolon tune
ti uil uchom u xotom batabil ti yahaulil
yal u mehen Ah Kinchil Coba yetel Ah Mizcit uale
u than Oxlahun ti Ku, ma tin than |
| f380 |
ca uchi ox uadz ti uinicil uale yokol cab
ca uchi ox uadz katun uale
tu kin naclah uitz
tu kin chuchul chuch uale
tu kin chactun numya ti yal u mehen Ah Num Itza |
| f385 |
ma cetel bin dzocbal nicte uinicil, nicte katun
ichil cristianoil uale
Uaxac Ahau
Uaxac Ahau u kin u miz kiuic ix chaan cab |
| f390 |
ca emi u than Oxlahun ti Ku
Uaxac Ahau tu chi cħeen, Oxlahun ti Ku u uich
ox tezcun lay hi u tepal
ti tali u than Oxlahun ti Ku
ca dzibtabi u yahau Ah Uxmal |
| f395 |
ca tali u chekeb u pach Chac Xib Chac te Chi Cħeen
tumenel Ah Nacxit Kukul Can
ca emi u katlam Ah Itza
ca tali hoc muc tza, homol tza, dzon bacal tza
ti ca oci keban uli tumen ah Uaxac Ahau xane |
| f400 |
lay ca uchi chul yaxche
bay ca uchi tu caten tumenel Ah Chac Xib Chac tu Chi Cħeen lae
hi uil baal u cuch
tu kinil uale hun uadz, hun dzon hi uale
Uaxac Ahau ca uchi Ah Ulil Itzmal |
| f405 |
lay ix tun u kinil ca uudz ni
ti ca tabtabi tumenel zipci Ah Ulil Ahau
ti cħuplal yatan yet ahaulil
lay u hedz katun uchi ichil uaclahunpiz katun
u than u tepal Ah Kul Itzam Caan |
| f410 |
hoki ahau canil yetel Hapay Canil
ti tabtabi Ah Itzam Ulil Ahau
ti uchi u patantic u mehen kul Itzmal
uchebal u tzentabal Hapay Can lae
ca hoki u tah katun |
| f415 |
ti uchi u tepal Itzmal, u tepal Ah Ulil Ahau
tu chii ca dzoci Hapay Can lae
tamuk u numya Ah Itzam Thul
ca uli Yax Bolay, ca uli kuch tan yol caan
yetel Chac Bolay yetel Chac Xib Chac |
| f420 |
ox num ti ya u pixan Ah Itzam Thul
tamuk u manzic u numyail uay Itzmal
tabtabi tumenel u keban yahau Canule
lay tumenel u patantic u mehen Hapay Can lae
tu chii ca naatabi tumen Ah Kukul Can lae |
| f425 |
ca xoti u cal, ca cimzabi tumenel Ah Kukul Can lae
u yiloob, u yuboob tulacal u yal u mehen Itzam Thul
cu patanticoob u luk Hapay Can
lay ah cuchteeloob u cuchah u keban yahauob
ca tun hoppi u tumtic Ah Itzam Caan |
| f430 |
ca tali yocol u keban Ah Canul
ca hoki ahau can tu Chi Cħeen
uay Max Canul tu chi caan ti hoki ahaui
oxlahunte u cuch ca zihzabi tumen u yum
lay hun co yol yaabil, zinic balam haabil |
| f435 |
calam koh che ah cup chan tokil
oc na kuchil, maya cimlal, kintunyaabil
hoc muc tza, dzon bacal tza
ah cotz, ah zidzil
lay u cuch katun |
| f440 |
tu kinil cristianoil, tu kinil nicte uinicil
tu kinil u numya Ah Num Itza
u hau u uudz katun tu yoxlahunte ah Uaxac Ahau uale
u lubul u than yokol u halach uinicil, u yahaulil Ah Num Itza
ma cetel bin dzocbal nicte uinicil |
| f445 |
lay bolon ahau
ti paki chimal kal yetel halal kal
lay bin uchuc tu nupp katun, hun dzon uale |
