| |
u uudz katunoob II
|
| ea40 |
u kahlay u miatz naatil ichil u anahteil
uay cu hokzabal tu luumil Ni Tun Dzala
Chactemal, Tah Uaymil, Holtun Itza, Chichimila
ca utzac yoheltabal u cuch u ximbal katun
ca bin kuchuc tu kinil u cumtal hun hun dzit katun, u cuch katunoob |
| ea45 |
licil u naatabal uabal u cuch numya tzolaan tac ti u talel ti kin
licil u binel dzacab kin cu talele
halibe, ocliztubaob u maxil katun
coc ix u katuniloob
oklem ix u uichoob |
| ea50 |
ua utz ua lob yani
bay dzibaanil tumen ah kulem dziboob
u than u yumil caan yetel luum
colop u uich kin tal caanal
lay dzabi tiob ---noob tu chun luum, tu chun c’ uinicile |
| ea55 |
---h tohil than tu kulem dzibil, tu yuunil reportorio
minaan zipaani
ti cici ilabi tu dzabal ti yuunil
heklay tumeneloob cantul cħibaloob taloob ti caan
ah kab caan, ah itz caan |
| ea60 |
u halach uinicoob, yahauliloob cab
Zacal Puc, Holtun Balam
Hocħtun Poot, Ah Mex Cuc Chan
he ichil uuc kal haab ococ cristianoile
ti u humul hum ahauobi |
| ea65 |
u chuclum dzidz katuni
ti ix u chacaanpahal ah miatzi
ti ix u kat naat katuni
otzilhom u uich Chac Chuen coyi
ca bin uluc u yumil kulna yan chumuc cah ti Hoe |
| ea70 |
ulom tal ti lakin, tal ti xaman
tal ti chikin, tal ti nohol
u yub u thanil u cristianoil tu uuclahun tune
uchebal u hach nacal cristianoil
ulom u padreil, ulom u obispoil, sancto inquisicion |
| ea75 |
u than dios bin beeltabaci
mamac bin hauzic lae
Buluc Ahau Katun
|
| e050 |
Buluc Ahau Katun u yax chun u xocol katun, u hun dzit katun
Ich Caan Ziho u hedz katun ti buluc Ahau Katun
ti lakin u talel ca uliob uay tac luumile
u dzuliloob cab, zac uinicoob
chac u mex u mehen kin zac uinicoob, chac uinicoob, ah mexoob
bay okba coon ti taliob |
| e055 |
u chun nicte uah u uah, nicte ha u yaal
bey cħaaba Ah Itza
elom ti cab
ti tali zac petahom caanal, ti tali zac uaom che caanal
ti yulel zac tun lah pal ti caan, u zac ibteil caboob
hun lub, hun auat u talel |
| e060 |
a uiliceex yahal cab, a uiliceex mut
ulicoob hunac ah mol cheob, hunac ah mol tunichoob
mol tun u can, mol tun u than; hun zipil u can, hun zipil u than
okliz u than hahal ku ta uoleex, yet yulel u yumil c’ pixani
lay bin yet kalalpahac ti baalcah tuzinil, u than kulil ku caanal |
| e065 |
lay u dzaic ti mazcab, lay ti hokzic ca u kaxtic, ca u hadzab
ti tali a uidzineex, a zucuneex
kameex a uulaex, ah mexoob, ah puloob tu chicul ku
ti tali a zucuneex, ah tan tunoob
hopom kak tu ni u kaboob |
| e070 |
hoppom hicħ cali, yet ulic u zabanoob yetel u taboob yokol baalcah
coil bin u katunil, coil bin uchuc lob
mac to uil ah kin, mac to uil ah bobat
ualac u talel tan cah maya patan tu Chi Cħeen Itza
tu patan tac yax cul, he ix tac puleex yalan patan |
| e075 |
zamal, cabe ti tali mehenexe
cħaabaex a manzeex u cuch numya, u katunil cal ya, cal numya
lic u talel yam a cahalexe
he katunil tu culhi lae; u katunil numya, u katunil u tza cizin
ti culhi ichil buluc Ahau Katun |
| e080 |
lay tu bin katic u ziyan ku teex yetelobe
he ix u kaba yah kinobe; ah miznilac pe, coil u uichoob
tu kinil u talel ta tanexe tu yabal numya mehenexe
ma tuzbil u than ku; hach al u cuch katun
lic u talel u betah baali; u than u yumil caan yetel luum |
| e085 |
bey hach al u cuch katun ti culhi ichil cristianoil
ualac cu talel ppentacil than, ppentacil tunich, ppentacil uinic
he ix halach uinicoob; ah ca kin dzamoob, ah ca kin poopoob
ichil u uayab haab ti yan u coil kinilobi
bulucpiz u luch, mol yam u mut u uich ti yahaulili |
| e090 |
bineex cimic, bineex cuxlac;
he ix ca naateex u than cuxul uooh lae
ah Mayapane u mehenuba tu hunal
ca tun tac ti cultal; ca yalah u xicin u mehen
ti yan u ppoc tu hole, ti yan u xanab ti yoce
ti yan kaxaan u tab tu nake; he ualac u talele
bolon Ahau Katun
|
| e130 |
Bolon Ahau Katun u ca dzit katun cu xocol
Ich Caan Ziho u hedz katun ti bolon Ahau Katun
yuklahom baalcah tuzinil uay tac luume
ti ix u hoppol u pakal kuna yan chumuc cah ti Ho
u kakal na, u xiuil xitel na dios citbil |
| e135 |
ban meyah chumuc cah u cuch katun, u numya baalcahi
hoppom hicħ cali, yet ulic u zabanoob yetel u taboob yokol baalcah
hopom kak tu ni kaboob u zac ibteil caboob
ti tali alan idzinil ichil u cal tza, u cal patan
ti ix u noh ocol patani, ti ix u noh ocol cristianoil |
| e140 |
ti ix u kamah u patanobi u dzuliloob cabi
ti ix yulel u yumil c’ pixani
ti ix hun molhi cahi ti tzucentzucil ti u hol u poopobi
ti ix u hoppol tu caanal cristianoil
ti ix u hoppol tu caanal santo ok olali |
| e145 |
ti ix u hoppol yocol ha tac poloob
ti ix edzlahi u chun uucppel sacramentoil
ti ix u uatal catul p---
lic u than kui; xanomi tali tu chi dios citbil
ti ix yulel zac tun lah pal ti caan |
| e150 |
zuhuy cħuplal u kaba u na uucppel chachac ek
u chucma tu bolonpiz haabil ah bolon Ahau Katun
tu taninah cristianoil
tu bolon dzacab tun te caanale, oxlahun Edznab u kinil te ti caane
bay ix uay ti luume |
| e155 |
ti caanal xol, ti caanal ual
emom tab
bolonpiz u lac, bolonpiz u luch
bey cħaaba Ah Itza
kameex a uulaex, talel u caah c’ zucunobe |
| e160 |
ma tub a dzaic a uulaex
bin a hanteexoob, bin ix u hanteexoob xan; ti tali lae
uucil Ahau Katun
|
| e190 |
uuc Ahau Katun u yox dzit katun cu xocol
Ich Caan Ziho u hedz katun ti uuc Ahau Katun
Yaxal Chac u uich ti yahaulil, ti yah miatzil
tan u pax cabal, tan u zoot caanal
nicte uah u uah, nicte ha u yaal |
| e195 |
ti u hoppol u tzuc achil ah miatzobi
ti u hoppol u becħkab nicteil, u becħkab katunil
ti u hoppol u tzintzin loc katun
codzbal u uich, kuy u cal, kuy u chi, mudz u uich, pudz u tub
nicte u buc, nicte u uich, nicte u pol,
nicte u xanab, nicte u ximbal |
| e200 |
tu xiblalil, tu cħuplalil,
tu batabil, tu justiziail, tu chunthanil,
tu escribanoil, tu ah camzahil, tu nohochil, tu chanchanil
lay bin hun yuklahom ti balcah
yumyah u netzil uit kuk yetel yaxum
Amayte Kauil u uich |
| e205 |
bin u tuz coil than
coil u uich ti yahaulil, tu halach uinicil, tu chac uen co
balam ochil, balam cħamacil
ma tub u dzalab u than katun
minaan to nohoch caan |
| e210 |
ti u hach zatal caan yetel luum tiobi
ti u hach zatal zubtali
ti u hicħil u cal u halach uinicil cahi,
yahaulil cabi, u bobatil cahi
yah kin maya uinicobi, banban hicħ cal u cuch katun
zatal tun u naat, zatal tun u miatz |
| e215 |
bey cħaaba Ah Itza
a meheneexoob toh bin ilic u hidzib te katun, u baxal katun
uucppel u lac, uucppel u luch
kameex a uulaex, ti talel ichil a cahalexe
talel u caah u kat a cristianoilexe tu tan kin uale
hoil Ahau Katun
|
| e250 |
Ho Ahau Katun u can dzit katun cu xocol
Ich Caan Ziho u hedz katun ti Ho Ahau Katun
u tepal u maxil katun; chich u uich, chich u mut ti yahaulil
ti u yuchul cħuy tab ti baalcah
ti u yuchul hicħ cali tu nucil uinicoob |
| e255 |
ti u cimil noh cħibali
banban hicħ cal u cuch katun
ua cu hicħil u cal batabil cah tela
ti u hoppol chibil al, chibil mehen, coco al, coco mehen
concon al, concon mehen |
| e260 |
ti tali u binel u uich ku, u uich Kauil
tu can helebil caan, tu can helebil be
ti u hoppol u tza cizin ti baalcahi
ti ix u yulel u kin chac uezili
ti u hoppol uiih, yukchahom ti baalcahi |
| e265 |
ti u likil u cal holil och ti chibali
ti u likil u cal chac ahau can ti chibali
nicte u kanche; culic tu dzam ti u chaan tan kiuic, tan poop
ah ca kin dzam, ah ca kin poop
balam och, balam cħamac, pek u mut |
| e270 |
batab och, batab cħamac, batab ah pic,
ah dzudz, u dzutanil cahobi
machom u caah u puczikal
pan u ca dzic uinicil
otzilhom u uich ti kinil uil u cuch katun |
| e275 |
ti tali, ti ix emi u hol chamal cħaabci u yumil baalcah
tu kin yan bin yubah okot bobat ox chac nicen chac xulab
Chac Uayab Cab
u balic u zoot yah dza ul c’ puczikal
ichil patan tu cal ya, tu cal tza
cum u tal; xin ca in lahab ix a pax,
cech uidzin, zucun ah xaclam pat
tech u uichile, ix tolil och u katunile |
| e280 |
tu tabzah ca haan
uchi u balamil cab tu catuli, batab och yetel ah xaclam pat
maya cimlal bin dzaicoob; u chun u xob ee dzedzecil cuchie
tu kakatah tuni Ah Itza hele lae
tu chicchic u zoot katun, tu keban than katun tan cah Mayapan |
| e285 |
chac xuyua patan
tu lachlam pach balam ah cab coh tu chibal katun, tu chibal haab
zidzil yahaulil, u xul u numya, maya cimil
ti u zeb talel ah uaymiloob u cħaic u toh ti baalcahi
u than ku caanal uchom uale
Oxil Ahau Katun
|
| e320 |
Ox Ahau Katun u ho dzit katun cu xocol
Ich Caan Ziho u hedz katun ti Ox Ahau Katun
ek cocay mut u uich ti yahaulil, ti yah miatzil
cib yan u uich, muk yan u uich, pat yan u uich
zidzil dzutal dzut u tza cizini |
| e325 |
ti yemel ox ualah u le zilili
ti tali u cuch katun
uchi uucppel haab u chibal ox ualah u le zilili
zakil haabil, balam haabil, zinic balam haabil
zac patay chacil, thul caan chacil, bohol caan chacil
cħuhum caan chacil, caanil chacil, kuch caan chacil |
| e330 |
thelen chacil, cehil chacil
pan cħin cħin
ox cħuylah xuthen
ox cuchlahom yal max
ulom ix uezil ti baalcahi |
| e335 |
hopom kak tu xulub yuc Ich Caan Ziho
haulahom u keulel chac bolay tan kiuic
ox multun tzekil
ix pom kakil
banban hicħ cal u cuch katun |
| e340 |
ti tali u cuch numya
codzbal u uich ah ca kin poop, ah ca kin dzam
okom bulcum, okom yaxcach tu can xay be
ti taliob tan yol che, ti ual tu kamic u matan ah uuc yol zip uale
pek u mut |
| e345 |
la u tahoob katun, auatnom u pixan tu hol baalcah
he ten cen Ox Ahau Katune; cumtal in caah Ich Caan Ziho
he ten cen Caesar Augusto
cumtal in caah in kamic in matan tan yol che, tan yol aban
u dzoc u than katun;
ma tuzbili u than kulil ku caanal ceex uidzinexe
Hunil Ahau Katun
|
| e420 |
Hun Ahau Katun u uac dzit katun cu xocol.
Emal u hedz katun ti Hun Ahau Katun.
Tu kinil yemel ix puc yol ha, ix ual icim, ix ual cuy
emom zum, emom tab
ox kaz u than, ox kaz u ton, ox kaz u tucul |
| e425 |
ox kaz u yol ti yahaulili, ti yah miatzili
Amayte Kauil u uich ti yahaulil
ti yulel u yanal thani, u yanal cani
bin ix okomac yol baalcahi tuzinil
bin ix okomac yoloob u halach uinicil baalcah |
| e430 |
dzedzec ocaan ti yol, ma ix ocaan ti yol xani
pecnom u xik cab, pecnom chumuc cab, pecnom chumuc luum
ti yemel u justicia kulil ku ti caanil, u than hahal ku
u koch baalcah yokol nicte, yokol zac ibteil cah, yokol chac uen co
ti yulel hun pic ti ax ti chibali, ti yulel Canul ti chibali |
| e435 |
ti yulel balam ti chibali
uucppel haab u chibal hun pic ti ax, uucppel haab u chibal Canul
ti yemel u koch tulacal tal ti caan
u koch baalcah tuzinil, u koch chakani
likom chaan ti bateel, likom ho tzuc chakan ti bateel |
| e440 |
u chaan katun hun Ahau Katun
ti yemel u tzicil ah ben tenal dzuli
ox mucħhom yala, hunkalhom yala ah canaan zuz, ah canaan kaknab
ah Uaymil bey ah Emal ox mucħhom yala tan kaknab
ti yemel u ma xul ahaui, xotom ahaui, u xot u tabil u cuch numya |
| e445 |
ti yemel ah mektan
ca zihi hoyic u uich u maxil katun, u zuyil cab
xotic u yicħac cħuyum thul, ah cab coh, u cħamacil cah
maya cimlal, chetun cimil tumen uiih, chacmitan uiih, xe kik
oc na kuchil u cuch hun Ahau Katun |
| e450 |
okom yaxcach, okom bulcum tu hol can be, tu hol can heleb
ti u mucul nicteil, cuxul muc u cuch katun
ti tali chac zidzil
u dzoc zidzil, u dzoc cotz,
u dzoc numya ti baalcah, ti ah dzutul dzutoob
he ix ma tac kul uinicobe |
| e455 |
minaan toc lukzah, minaan zidzil yetel pocħil
ti ix yemel u cuch patani, ti ix yemel u cuch tzai
ti ix u hidzil u tza cizini
lom tok tza, hoc muc tza, dzon bacal tza,
cum tan tza, pucħ tun tza
pek u mut, ah kuch u mut |
| e460 |
pan u ca dzic uinicil
och u uich ti yahaulil
yah chi ul uiil, yah zatul kauil,
u bobochil uiil, yah zatul hanal
ma ix tan yoczicoob ti yol maya uinicobi |
| e465 |
bin kayac ichiloob u than dios, u yumbil caan
ca u tohcintubiloob
ca u pacħint tu lobil u beloob u nuucili ti maya uinicoob
ma u kat yuboob u than diose ena yumbiloob ah xotkinobe
bala ta thane hun lukul ah cici olal u balamil cabe
haxom kak tu chicul maya zuhuy Hunab Ku, tu zuhuy hunab iglesia |
| e470 |
ti yauati; lay u yub u than u yumil caan, u yumil yokol cab
ti ix yemel noh katun yokol u zac ibteil cahi
oheltabal ua halach chich yoc yolalobi
kintunyaabil tu pach yan to tu kin hunac tzuc ti cab
u dzoc katun bey yili u beeltabal tu kuchul u uudz katune |
| e475 |
ti ix u chaan ua pani
u hidzib te katun lae tan yol che u kamic u matan Caesar Augusto
alan idzinil; dzidzi al, dzidzi mehen tali ti baalcahi
ti ix yulel ahau ti naatal naat
ti nacom u uich u mehen kui |
| e480 |
ti ix yulel obispoi, santo inquisicion u kaba, yetel Xau Ul
u kat yoc olal yetel cristianoil
he ix bin dzocebal u thanile noh katun
kakal mozon chac u cuch katun
tzolen chacil, thul caan chacil, u lobil katun |
| e485 |
hun cħic xulil yoczah
ti ix u katabal probari yetel uuc zap yibnel cab
ti u hach chichhal u tantabal diosi
u dzoc u kamic u takin antacristo; ma tali antacristo
ma u kat c’ yumil ti diosi |
| e490 |
ma u zatal katun lae uay tac petenil
tumen c’ zihnail lay peten lae
he u chun lay antacristoil lae, dzutul dzutil
tu kikel ulak uinicil tu mukya, tu numya
tamuk cu hanal hun huntuli
he cu talel hoppel uich che tu hanal cab cohi, ah ben tenal |
| e495 |
bey lay tun ya tu yol u yumil caan
ix pom kak u dzoc u than katun
likom katun habana oxlahun bak chem lae
lahcabil Ahau Katun
|
| e550 |
Lahcabil Ahau Katun u uuc dzit katun cu xocol
Zaclactun u hedz katun ti lahca Ahau Katun
Yaxal Chuen u uich ti yahaulil
buleb caan chac u uich ti yahaulil
okom yan tu caanil kin, yan tu caanil akab |
| e555 |
cuchpachhom holil och
ti yemel chactun uezil
hoyic u uich u maxil katun
cicilnac, papalnachom u puczikal yah belnalil cabi
tumen u zaual katun
katun tepal, katun ahaulil, katun than |
| e560 |
katun hanal, katun ukul, katun ximbal, katun belnalil
ti tali u katun noh xib, u katun ix nuc, u katun palal
u katun holcan, u katun tancelem
ti tali zidzil belnalil, zidzil batabil
hun kin, hun uay u dzam, u poop
u alcab katun, u oc yail tepal;
ti u likil che yetel tunich ti bateeli |
| e565 |
tancoch katun utzi, tancoch katun lobi
uacppel haab lobi, uacppel haab utzi
latulah ca dzacab katun ti u katal ok olal ti yah belnalil cabi
ti u katal uuc dzacab yibnel cabi
ti u katal u libroil cahi ti yah belnalil cabi |
| e570 |
lic u talel, kameex a uulaex; hun auat, hun lub u talel
hun pic ti ax u cuch katun
ox kazap yol, ox kazap u than
bin u tza u yum yetel u na tu zaual katun kekex yum, kekex na
Hunab Ku cu tzai yokol kanche |
| e575 |
u caah tu poop Lahcabil Ahau Katun, ayikal katun.
Bay heli xan punob cab, punob peten, punob tan chumuc cab.
Zutnom halal tan chumuc peten.
ti tali u yanal yahaulil baalcahi
ti yuchul ban meyahi |
| e580 |
ti u baxtabal yah belnalil cabi
ti culhi alcab katun, hul katun, dzon katun
bin yanac u dzon coco al, coco mehen tu tza katun
zatnom yal ix titibe
ti tali patanhali |
| e585 |
ti yemel ahau, cappel u poli
ti u baxtabal yah belnalil cabi
ek patay u uich tumen u zaual katun
ti ix u hatzal u cuch baalcahi
ti u katabal u takin ahaui hunac ah menil, hunac ah idzatil |
| e590 |
ti tali u hokol ichil u luumil che, ichil u luumil tunich
xotom ahau xotic u yicħac ah cħuyum thuli
ti u lachlam pach cab cohi yetel cħamaci
elom yactunil
manaan tun cħamac, manaan tun cab coh ti chibali |
| e595 |
noh uah u uah katun, uahal uah u than katun
ayikal haab, ayikal katun
cici batabil, cici halach uinicil,
cici olal bin yanac ti baalcah tuzinil
tu chi kaknab u cħaic u yoch tan yol che tu hedz u katunil uale
kintunyaabil, xe kik, u dzoc cici olal |
| e600 |
ti u katabal naatal naat ti hanali
manaan tun numya; cici olal tu kin, tu katunil uale
bin ayikalac ah numya uinicil
balbahali xan yutzil katun
yutzil ix chacoob bin meyahnacobi |
| e605 |
ti ix u hokol ich luumil tunich ti cristianoil; yet tal diosi
ti tun u katal ok olal ti yah belnalil cahobi
yetel u puertail takin
yetel u casamientoil cah ti can kaz na
ti u katabal c’ xanab ualac licil c’ cristianoil
heklay ti ahi cab tumeneli |
| e610 |
heklay c’ ualic helelae
he ix bin dzocbal nicte katun lae
conbil bin dzocbal
ulel u than yahaulil
ti ca bin uluc uuc utzil chac ek yetel tupem caane |
| e615 |
paa hol chace tu uuclahun tune
Lahun Ahau Katun
|
| e640 |
Lahun Ahau Katun u uaxac dzit katun cu xocol
Lahun Chable u hedz katun ti Lahun Ahau Katun
Zaclactun u hedz katun
ti yuleloob tu cahaloob
can uathom u kax eb cheob yokol yahaulil cabi |
| e645 |
elom dzidz, elom zuz, elom mucuy tu chi kaknab
elom u ku cħicħ, uakom chaltun
oxil uah u uah
kintunyaabil u cuch katun, u ye katun
u than ku caanal yetel u colel caan |
| e650 |
bin dzoc u lukuc tac pach, tac tan uale
mamac bin hauzic u than c’ yumil ti dios mehenbil
u yumil caan yetel luum lae
ma manomi bin u chuc tu cal ti baalcahi tuzinil
bin uluc santo cristianoil |
| e655 |
pulic u kin ca u ualkezubaob ah numoob tu lobil u beloob
mamac bin hauzic lay tun kintunyaabil
chabil u than yokoloob maya ah kinoob lae
uaxacil Ahau Katun
|
| e670 |
Uaxac Ahau Katun u bolon dzit katun cu xocol
Itzmal u hedz katun ti bolon Ahau Katun
Kinich Kak Moo u uich ti yahaulil, u hedz katunil uale
ti yuleloob tu cahaloob tu ca uadz
emom chimal, emom halal yokol Chakan Putun tu pach yahaulil cabi |
| e675 |
pakom u poloob ich paki Ah Chakan Putunoob, u dzulil cabi
u dzoc zidzil, u dzoc numya ti baalcah
banban katun ya bin beeltabaci tumenel ah otochnalobe
Uacil Ahau Katun
|
| e700 |
Uac Ahau Katun u lahun dzit katun cu xocol
Uxmal u hedz katun ti Lahun Ahau Katun
ti uchom okliztuba
chic u uich, chic u than ti yahaulil
bin u tuz u coil than u tzuc achil |
| e705 |
ca emom u koch
xotic u caloob tumen u keban thanaloob
ca tun caput cuxlacoob
u paktoob u xotkin c’ yumil ti dios
latulah yocoloob ti cristianoil yetel u cuchteeloob |
| e710 |
he bahun zihaan uay yokol cabe bin ococoob ti cristianoil
lay u cuch uac Ahau Katun lae
canil Ahau Katun
|
| e730 |
can Ahau Katun u buluc dzit katun cu xocol
Chi Cħeen Itza u hedz katun ti canil Ahau Katun
ulom tu cahal Ah Itza
ulom kuk, ulom yaxum, ulom ah kantenal
ulom xe kik tu can uadz |
| e735 |
ulom Kukul Can tu pach Ah Itza tu caten
u than katun uale
cabil Ahau Katun
|
| e750 |
cabil Ahau Katun u lahca dzit katun cu xocol
maya uaz cuzamil, maya tzuc pom u hedz katun ti ca Ahau Katun
tancochhom yan u uah, tancochhom yan u yaal
tancochhom yan u templo ti yahaulil
tu katunil cabil ahau uale |
| e755 |
u xul u than dios lae
Oxlahun Ahau Katun
|
| e790 |
Oxlahun Ahau Katun u yoxlahun dzit katun cu xocol
Kinchil Coba u hedz katun ti Oxlahun Ahau Katun
Cabal Ix Bach Can u hedz katun
etlahom ual, etlahom udzub yahaulil cabi
nocpahom u uich kin, nocpahom u uich :U: |
| e795 |
emom u kikel che yetel tunich
elom caan, elom luum
u yuk xotkin yokol cuxaanoob, yokol cimenoob
cuxlahom cimenoob uchlahom caanal
naclahom ti tibil beob caanal, emom ti lobil beob tu dzu luum |
| e800 |
bin minaanac u muk caan yetel luum
bin ococ ti cristianoil nucuch cahoob
u cahal mac naloob, u nohochil cah, max u kaba
tu yukul mehen cahoob, tu yukul petenil, maya cuzamil, maya patan
licil ca kin uinicil tu cal coil dzidzi mehenil |
| e805 |
tu xul ca zatmail yetel zubtalil cux yol c’ mehenoob tu nicteob
minaan yutz kin toon lae
u chun cimil tu lobil kik
tu hokol :U:, tu bin :U:, tulizil :U:
uchac cuchi tuliz kik |
| e810 |
bay tu utzul planetasobe ilabal yutzil lae; u xul u than dios
bin tac yokotoob yaalil caput zihil santo pixan
u kamoob santo olal
ma dzalbil u pachobi tal ti dios
hach manal bin cristianoabaloob tu santo oc yolal
Ah Itzaob yetel balamoob |
| e815 |
u xul u hidzib te katun, u than u yumil caan yetel luum
lay yan u cuch ah Oxlahun Ahau Katun tu kin u dzoc katun uale |
