| |
U Kahlay U Xocaan Katunoob II |
| |
| g200 |
Can Ahau u kaba katun uchci u zihiloob pauah; hean zuu u yahauoob.
Oxlahunte ti katun lic u tepaloob;
lay u kabaob tamuk u tepaloob lae.
Can Ahau u kaba katun emciob Noh Emal, Dze Emal u kabaob lae.
Oxlahunte ti katun lic u tepaloob, lic u kabaticoob.
Ti ualac u cutoob, oxlahun cuthi u cutoob lae. |
| g205 |
Can Ahau u katunil uchci u caxaanticoob u Chi Cħeen Itza.
Ti utzcinabi mactzil tiob tumen u yumobe.
Can tzuc lukciob; can tzucul cab u kabaob.
Likul ti likin; Kin Colah Peten bini hun tzuci.
Likul ti xaman; Na Cocob hoki hun tzuci. |
| g210 |
Ti chikin hoki hun tzuci;
Canhek Uitz, Bolonte Uitz u kaba u luumil lae.
Ti nohol hoki hun tzuci; Holtun Zuyua.
can ahau u katunil uchci u payaloob tu can tzuciloob
can tzucul cab u kabaob ca emiob ti yumtaloob
ca emiob tu Chi Cħeen Itza; Ah Itza tun u kabaob |
| g215 |
oxlahunte ti katun lic u tepalobi
Ca oci u keban thanobi tumen Hunac Ceeli.
Ca paxi u caboob, ca biniob tan yol che, Tan Xuluc Muul u kaba.
can ahau u katunil uchci yauat pixanobi
oxlahunte ti katun lic u tepalobi yetel u numyaobi |
| g220 |
Uaxac Ahau u katunil uchci yuleloob yalaob Ah Itza u kabaob
ca uloob ti, ca ualac u tepaloob Chakan Putune
oxlahun ahau u katunil u hedzcoob cah Mayapan; maya uinic u kabaob
Uaxac Ahau paxci u cabobi, ca uecchahi ti peten tulacal
uac katuni paxciob ca haui u maya kabaob |
| g225 |
buluc ahau u kaba u katunil hauci u maya kabaob maya uinicoob
cristiano u kabaob tulacal u cuchcabal Roma
San Pedro yetel rey ah tepale |
