| |
lic u ximbal Ah Itza |
| |
| h080 |
ca tun yanhi u numteil cab Dze Cuzamil
u ciil cab yetel u luchil cab
yetel u yaxcheil cab yetel u chululil cab
Ah Kin Pauahtun yah kinobi
lay mektanmail u picul katun
lay cananmail ah hulneb tan tun Cuzamil |
| h085 |
Ah Yax Ac chinab Kinich Kak Moo
Ah Itzam Thul Chac u mektanoob Ich Caan Ziho
Uayom Cħicħ yah kinoob Ich Caan Ziho
Ah Canul yetel Ix Poop ti Balam u catul ah kinoob Chable
u yahauob Cabal Xiu yah kinoob Uxmal |
| h090 |
Hun Uitzil Chac u mektanoob Uxmal
lay yah kinoob cuchi
ca ulzabi Hapay Can tu chem chan
lay huli, ca uchi kikil pak te Uxmal
ca colabi u canhel Chac Xib Chac |
| h095 |
ca colabi u canhel Zac Xib Chac
ca colabi u canhel Ek Yuuan Chac
ca colabi u canhel Kan Xib Chac
Ix Zac Beliz u kaba u chichoob Chac
Ek Yuuan Chac u yumoob |
| h100 |
Hun Yuuan Chac u thupiloob
Uooh Ppuc u kaba
lay dzibtabi uooh tu tan u kab
ca dzibtabi uooh yalan u cal
ca dzibtabi uooh tu tan yoc |
| h105 |
ca dzibtabi uooh ichil u ppuc u kab ti Ah Uooh Ppuc
ma kui chacoob
hayli hahal ku c' yumil ti diose
u kuiloob tu than tu yidzatil Mayapan,
Ah Kin Coba, ah kin te ich paae
Zulim Chan Yah Canul tu uol paa ti chikin |
| h110 |
Nauat Yah Canul tu uol paa ti nohol
Couoh Yah Canul tu uol paa ti lakin
Ah Ek u lak Yah Canul tu uol paa ti xaman
he yahauobe
Ah Tapay Nok Cauich u kaba u halach uinic Hunac Ceel |
| h115 |
u pulben Ah Mex Cuci
ca u katah hun tuliz nicte
ca u katah zac poop
ca u katah cappel u tan nok
ca u katah yax ulum |
| h120 |
ca u katah u le
ca u katah zac homaob.
Ti likuloob, ca kuchoob Ppole; ti ppolhoob yala Ah Itzai;
ti tun u nayintahoob Ix Ppoli.
Ca kuchoob Ake; ti zihoob ti Ix Akei; Ake u kaba uaye cu thanoob. |
| h125 |
Ca tun kuchoob Al Ha; Al Ha u kaba uaye cu thanoob.
Ca taloob Kan Hol Ha.
Ca taloob Tix Chel; ti chelhi u thanobi, ti chelhi u canobi.
Ca tun kuchoob Ti Num;
ti numhi u thanobi, ti numhi u canobi Ah Itzaobi.
Ca tun kuchoob Chikin Dzonot; ti chikintanhi u uichobi; |
| h130 |
Chikin Dzonot u kaba uaye cu thanoob.
Ca tun kuchoob Tzuc Op; ti tzucahubaobi yalan opi;
Tzuc Op u kaba uaye cu thanoob.
Ca tun kuchoob Cahcab;
ti u huytah cab Ah Itzai; ca uki tumenel ix koh takin;
ca huytabi ti cab; ca yukahi u cabil ne ba u kaba. |
| h135 |
Ca kuchoob Kikil;
ti u canahoob kik naki; Kikil u kaba uaye cu thanoob.
Ca kuchoob Panab Ha; ti u panahoob hai.
Ca taloob Cucuchil Ha; u cuchoob tu tamil hai.
Ca kuchoob Yal Zihon; Yal Zihon u kaba uaye; caah lic cah.
Ca kuchoob X-Ppitah; cah xan. |
| h140 |
Ca tun kuchoob Kancab Dzonot.
Ti likuloob, ca kuchoob Dzula.
ca ix taloob Pibhaal Dzonot
ca tun kuchoob Tah Ac; Tah Ac u kaba uaye cu thanoob
ca taloob Ti Coh u kaba;
ti u manahoob than cohi, ti u manahoob can cohi |
| h145 |
Ti Coh u kaba uaye
ca kuchoob Ti Kal; ti u kalahubaobi; Ti Kal u kaba uaye
ca taloob Ti Maax; ti u maaxtahuba katunobi
ca kuchoob Buc Tzotz; ti u bucinahoob u tzootzel u polobi
Buc Tzotz u kaba uaye cu thanoob |
| h150 |
ca kuchoob Dzidzomtun;
ti hoppoob chuclum dzidzi; Dzidz Holtun u kaba
ca kuchoob Yob Ain; ti u uayintahoob aini
tumen u mamobi ah yamazi yahaulil tu chi kaknab
ca kuchoob Zinanche; ti u uayintahoob cizin; Zinanche u kaba uaye
ca kuchoob ti cah Chac |
| h155 |
ca kuchoob Dze Uc; ppizilba u caahoob u lakoob
ca kuchoob u mamoob, u lakoob, ti u mul dzemlah yolobi;
Dze Muul u kaba
ca kuchoob Kini yicnal Ixkil Itzam Pech; Ix Dze Uc u lakoob
ca kuchoob yicnal Ixkil Itzam Pech yah Kiniob
ca tun kuchoob Baca; ti bacchahi ha tiobi; Baca uaye cu thanoob |
| h160 |
ca tun kuchoob Zabac Nail yicnal u mamoob
u chun u uinicil ah Nae, lay Chel Nae u mamoob
ca tun kuchoob te be nae; ti kahi u na tiobi
ca taloob Ixil
ca tun binoob Chulul |
| h165 |
ca kuchoob Chichicaan
ca tun binoob Holtun Chable
ca taloob Itzam Na
ca taloob Chubul Na
ca kuchoob Caucel; ti ceelchahobi; caucel u kaba uaye cu thanoob |
| h170 |
ca tun kuchoob Uku; ti yalahoob ya ukul
ca binoob Hunucma
ca kuchoob Kinchil
ca binoob Kan Na
ca kuchoob Tix Petom Cah |
| h175 |
ca kuchoob Zahab Balam
ca kuchoob Tacun Chakan
ca kuchoob Tix Balche
ca kuchoob Uxmal
ti tun likuloob, ca kuchoob Tix Yub Ak |
| h180 |
ca kuchoob Muna; ti munhi u thanoob, ti munhi u canobi
ca binoob Ox Loch Hok
ca binoob Chac Akal
ca binoob Xoc Ne Ceh; ceh u uayintahoob
ca kuchoob, ca binoob Ppuz Tunich |
| h185 |
ca binoob Puc Nal Chac
ca binoob Ppen Cuyut
ca binoob Pax Ueuet
ca kuchoob Ti Xaya
ca kuchoob Tiztiz u kaba |
| h190 |
ca kuchoob Tu Chi Can
ca kuchoob Tix Meuac
ca kuchoob Hunac Thi
ca kuchoob Titzal
ca kuchoob Tanuz Bul Na |
| h195 |
ca kuchoob Tix Can
ca kuchoob Lop
ca kuchoob Chemil Uanuan
ca kuchoob Ox Cah Uan Ka
ca binoob Zac Bacel Can |
| h200 |
ca kuchoob Cetel Ac
U kaba cah macaloob yetel u kaba cħeenoob
ca utzac yoheltabal tuux manoob tan u ximbalticoob yilahoob
ua utz lay peten lae, ua u nahma u cahtaloob uay lae.
Tzol peten u kaba tu thanoob c' yumil ti dios. |
| h205 |
Lay u tzol peten; lay zihez yokol cab tulacal;
lay ix tzol xan, heob lae:
kabanzah peten u caahoob, kabanzah cħeen u caahoob
kabanzah cacab u caahoob, kabanzah luum u caahoob
tumen mamac kuchuc uaye, uay Yucal Peten ca kuchoon uay lae. |
| |
| h210 |
Zubinche, Kaua, Cum Canul; ti Emtun ti emoob tuni
Zizal, Zac Ii; Ti Dzoc ti dzoc u than katuni
ti Mozon Poopola ti haylic u poop katuni
ti Pixoy, Uayum Ha, Zac Bacel Can
Ti Num ti numchi thantahobi |
| h215 |
ti Macal Poopola ti tzolahoob u poop katuni
Tix Mac Ulum ti u macchahoob thani
Dzit Haaz, Bon Kauil, Tix Mex, Kochila, Tix Xocen
Chun Pak, Pibahul, Tun Kaz, Haltun Ha, Kuxbila
Dzidzilche, Ti Cool, Zitil Pech |
| h220 |
Chalamte ti chalhi yolobi
Itzam Thulil; ti pakab ti paktehobi
Ti Ya, Kan Zahcab
Dzidzomtun yetun u mamoob ti chechoc dzidz;
Dzidz Holtun Poopola tu nohol Zinanche |
| h225 |
ca taloob Muci, Zac Nicte, Zodzil
uay tu multuntahoob katune; mutulmut u kaba uay Mutule
Muxuppipp, Ake, Hoctun ti u cumlahoob tu chun tuni
Xoc Cħel, Bohe, Zahcab Ha, Tzanlahcat
Human ti humi u than yokolobi, ti humi u pectzilobi |
| h230 |
Chalamte, Pacax Uah u kaba uaye cu thanoob
Te Kit ti kit yala Itzaobi yokol cħeen
Ppuppul Ni Huh; huh u uayoob.
Ca hokobi Zodzile, Ti Ab, Bitun Cħeen uchci yocoloob.
Tippikal u kaba cħeen uchci u tippiloob. |
| h235 |
Ca binoob Poc Huh u kaba cħeen uchci u pocicoob huh.
Ca binoob Mani ti u manakahi than tiobi.
Ca kuchoob Ti Dzam, ox kin dzamanobi.
Ca binoob Ti Cul, Zac Luum Cħeen.
Tix Tohil Cħeen ti tohi yolobi. |
| h240 |
Ca binoob Balam Kin u petenil ah kinoob.
Cħeen Cħomac, Zac Nicteil Dzonot, Ti Yax Cab
Uman, Ox Cum, Zanhil, Ich Caan Ziho
Ti Noh Na, Noh Pat, Poy Che Na, Chulul.
Ca kuchoob tu titz luum Cumkal; ti cumlah u titz peteni. |
| h245 |
Zic Pach, Yax Kukul, Tix Kokob,
Cuca Cħeen, Balam, Bolon Nicte Xaan.
Ek Ol; Ek Ol u kaba cħeen uaye.
Tix Ueue; Tix Ueue u kaba cħeen uaye;
u hum tal; tal hun hatzi.
Tix Kani Macal, Tix xaan. |
| h250 |
Yum xul; uchci u yumtic u haan.
Holtun Ake, Acan Ceh, Ti Coh, Ti Cħahil
Ti Chac, Mayapan Ich Paa, Yokol Ha.
Ca binoob Na Bula, Tix Mucuy, Tix Kan Hube, Dzoyila.
Ca kuchoob Ti Zip; Ti Zip u thanobi, Ti Zip u canobi. |
| h255 |
Ca hoppi u hedz luumoob yahauobi.
Ti yanhal yah kin Palon Cabi.
Heklay yah kinobe Mutecpul u kaba.
He ah kin Palon Cabe: Ah May.
He ah kin Mutecpule: Ah Canul yetel Uayom Cħicħ ix xanumili xan |
| h260 |
yetel u catul ah Chable; ah Ich Caan Ziho, Holtun Balam u mehen.
Lay u chaah ix yaxum chakane.
Ti tun kuchi u lak ahauobi.
Lay ahauobi u nup u thanobe ti yahauliloob
ti Buluc Ahau Katun u kaba.
Ca u hedz cabobi, ca ix u hedz luumobi. |
| h265 |
Ca ix cahlahobi Ich Caan Ziho.
Ca emoob ah Holtun Ake.
Ca emoob ah Zabac Nailoob.
Ca tun kuchoob yetun yet ahauliloob.
He ah Zabac Naile, u chun u uinicil ah Na. |
| h270 |
Ca tun u molahubaob te Ich Caan Ziho.
Ti yan ix poop ti balam; ti lic yahaulili Holtun Balam
--- --- --- ti tu cħeene; ti lic yahaulili pochek ix dzoy
lay u chun u uinicil ah Copoe; Tutul Xiu ix telo ual xan
chacte ahau, chacte u luumil |
| h275 |
uchuc yahauliloob Teppan Ciz yah kinoob; lay ichtabi lae
lay ah ppizte ppiz u luumilobe
he tun lubte u luumil; u lubobe uuc lub cab ah may
he tun accunte; u xukil u luumoob ah accunte
u xukil ah miz; mizte u luumoob, lay mizcit ahaue |
| h280 |
he tun hedzci cab tiobe, lay ho yahal cabe
he tun te yahal cab tiobe tumte ahau, tumte yahal cab tiobe
ca hoppi yocol patan tiobe tu chi cħeen
ti kuch uchci u kuchul u patan cantul uinicobe
buluc ahau u kaba u katunil cuchi |
| h285 |
ti baxlahi patan te Cetel Ace, u pakte uchi yanile
ca tun emi u patan Holtun Zuyua
te Cetel Ace ti cethi u thanobi
Oxlahun Ahau u katunil cuchi
ti u kamahoob patan halach uinicobi. |
| h290 |
Ca hoppi u tepalobi, ca hoppi yahaulilobi, ca hoppi u tanlabalobi
ca hoppi u kuchul u pululteob
ca hoppi u pulicoob ich cħeen
ca uyabac u thanoob tumenel yahaulili, mahal u thanoob
lay Hunac Ceele, lay Cauich u kaba u uinicile |
| h295 |
ti cu thical tu hol cħeen ti nohol
ca tun bini cħabal u than, ca tun hoki yalab u than
ca hoppi u cħabal u than, ca dzuni u than
ca hoppi yalabal ahauil
ca culhi tu cuchil ahauob tumenoob |
| h300 |
ca hoppi yalabal halach uinicil
ma ahau cuchi, chen u bel Ah Mex Cuc
ca ix alabi ahaulil u pulben Ah Mex Cuc, Coot bin u na
ca bin caxtabi tu uitzil
ca bin dzuni u cħabal u than |
| h305 |
lay ahau lae, ci tun yalabal
ca tun hoppi u naczabal caanal na ti yahaulil
ca hoppi u pakal yebal
ca tun culhi ti caanal na ichil oxlahun ahau uac tepal
ca dzuni u kuchul uyabal u than u kin, u :U:a Ah Mex Cuc u kaba |
| h310 |
ca u pulah nadzan Baca u kin Ah Mex Cuci
ca yancuntabi, ca hoppi u yumintabali
ca hoppi u tzicili tu kaba Ah Mex Cuc
ca tun tzici, ca tun tanlabi te tu Chi Cħeene
Chi Cħeen Itza u kaba tumen ti bin Ah Itza |
| h315 |
ca u lukah u tunil cabi, u tunil uil cuch Itzam Luk
ca bin ichil ha, ca tun hoppi yocol numya te Chi Cħeen Itzae
ca tun bini te likine, ca kuchi yicnal Ah Kin Coba
talel u caah Uaxac Ahau Katun cuchi |
| |
| |
| h320 |
Uaxac Ahau Katun
Uaxac Ahau u kaba katun uchci u tepal
ca tun hoki u hel katun, ca tun hoki u hel yahauob |
| |
| h325 |
ti numni c' ahaulili cu thanoob yah kin tiob
ca ti yoczahoob kintunyaabil
he cu talel kintunyaabila cu thanoob |
| h330 |
ti eli dzidz, ti eli u chi kaknab; u kaknabil numya lae
ci yalabal caanal lae, ci yalabaloob
ca chibi u uich kine
ca oklenhi u uich kine
ca tupi u uich kine |
| h335 |
ca haki yoloob caanal
ti eli cu than yah kin tiob
ti dzoci u than c' ahaulili cu than yah kin tiob
ca hoppi u tucul dzib pach kin
ca yubahoob, ca ix yilahoob :U: |
| h340 |
ca taloob yahaulili caboob
he ix tziu nene
lay ti ocez keban toon u munil cab
ca tali, ca bin dzococ u than katun, u tzacil katun
ca ti talzabi; bic a thaneex ceex yahaulileex cabexe |
| h345 |
ti oc tun u than u yanal katun
u dzoc katun talzabi ix tziu nene
ca ilabi u picul katun tiob
ca hoppi u cimzabaloob
ca utzcintabi u yoyteel u zak cheil |
| h350 |
uchebal u cimil
ca hoppi u chulul tumenel Ox Halal Chan
ca hoppi u payal chi yahaulili caboob
ca bini u kikel
ca cħabi tumen ah cehoob |
| h355 |
ca tun hak yoloob caanal
u dzoc kin, u dzoc katun tiob |
