FAMSI © 2001 - David Bolles

FAMSI © 2001:
David Bolles

Post Conquest Mayan Literature

	zuyua than yetel naat

i001	zuyua than yetel naat utial c' yum gobernador mariscal helelae tu canppel kin yuil Septiembre, tu haabil 1628 lic yutzcintah u yanal maya than lay chicbezahaanil caanal yoheltoob uinicoob himac yan u uilal
i005	ti u huunil dzibaanil u zuyua than yetel naat bin u naatabal tumen u batabil cahoob yetel halach uinicoob manahantacoob ti alcaldesil yetel regidoresil lay uchic u cahtal ti tzuc uaxim lae tu lakin Ich Caan Ziho ti yan u luum uchic u yantal u pakali yetel u solar
i010	uchic u cahtal lae bin ix kuchuc tu kin u holol u bel xan talel u than u halach uinicil, chac u than ca bin uluc chac ix u buc xan helelac tu zuyua than
i015	lay bin u than, lay bin u kat u halach uinicil cah lae ca bin u kuchuc tu kin u dzocol u than Ah Ox Ahau Katun lae ca bin culac u yanal katun, Hun Ahau Katun lay tun bin yanac ichil u yanal katun lae bay alanil lae
i020	he ix katun helelae, Ox Ahau Katun oxppel haab u binel ca lukuc tu tepal dzoc ix u kuchul u kinil u dzocol yahaulil yetel u tepal halilibe; manahan ix u yanal katun, Hun Ahau Katun lae culaan ichil yotoch Ah Ox Ahau Katun lae
i025	yulate, tan u dzabal u chaan tumenel Ah Ox Ahau Katun lae zubultzil bin bin baloob tu cahaloob kat naat cu talel ichil u katunil licil u dzocol helelae ti kuchul tu kinil u katabal u naatoob u batabil cahoob ua yoheloob uchic u taleloob u uiniciloob yahauliloob
i030	lacaloob camaac u than tulacal u cħibaloob talicoob ua tzolaan u talel u batabiloob, u halach uiniciloob ua cħibaloob ahau ua cħibaloob batab; ti u hah canticoob 1; he ix u yax chun than bin katabac tiobe
i035	bin u katabac tiob u hanal ci bin u than halach uinic tiob; bay bin alabac ti batabobe mehene, ca a talez ten kin tin plato, ca a lathab ta kab ti cħicaan lanza caanil cruz tan chumuc u puczikal ti ix culaan yax balam yokol, u kikic u kikele
i040	zuyua than u naatabal he ix kin bin katabac tiob lae lay yahau tzabil hee he ix lanza yetel caanil cruz cħicaan tu puczikale lay lic yalice lay cici thane
i045	he ix yax balam culaan yokol, u kikic u kikele lay yax ic, balam yanie zuyua than 2; he ix u ca chich than bin katabac, bin alabac tiobe
i050	ca xicoob u cħaob u dzomel caan utial yilah halach uinic bahun u caah yan in uol in uile, uchi in uilae; ci yalabal tiobe he ix u dzomel caane, lay pome zuyua than
i055	3; he ix u yox chich than bin katabac tiobe, bin alabac tiobe ca u kaxoob nohoch na; uac thil u uaan, hun dzitil yocmal he ix nohoch na lae, lay yahau ppoc lae zuyua than
i060	4; he ix u can chich than bin katabac tiobe, bin alabac tiobe ca nacac yokol yahau zazac tzimin, zazac u nok yetel u zuyem zazac u zoot u machma tu kab tamuk u zootic u tzimin ti yan olom kik tu lol u zoote, ti uil u lukule he ix zazac tzimin lae, lay yocil xanab tzootz ciil kaane
i065	he ix zazac zoot lic yalabal lae, yetel zazac nok yetel zazac zuyeme lay nictee, zazac u dzue he ix olom kik tu lol u zoote lic u katabal tie lay takine yan tu chumuce, yoklal tu lol u kikel likul u kikel ix ma na, ix ma yum u talel lae
i070	zuyua than 5; he ix u ho chich than bin katabac tiobe, bin alabac tiobe ca xicoob ti yotoch ca tun alabac tiob tune mehenexe, he ix ca bin talaceex a uilenexe tu kak chumuc kin uale
i075	caput paleex huk a taleex ca bin uluceex uaye ti yan a ualak pek ta pacheex he ix a ualak pekeex lae u nachma u pixan c' cilich colel ca bin uluceex
i080	he ix caput palil lic yalabal tie tu kak chumuc kin ca bin xic u cumtanma u boy lay licil yalabal hukil u binel ca bin kuchuc yicnal halach uinice he ix yalak pek lic u katabal tie, lay cħuplile he ix u pixan c' cilich colelbile
i085	lay yahau candelas, hach chacobe zuyua than 6; he ix u uac chich than bin katabac tiobe, bin alabac tiobe ca xicoob u cħaob u puczikal ku citbil ti caan
i090	he ix ca bin a talez tene oxlahun yal u taz ti teppan u pach zazac potz he ix u puczikal ku citbil lic yalabal tiob lae, lay kane he ix u taz oxlahun yal lic yalabal tiob lae lay yahau uahe, oxlahun yal buul yan ichile he ix zazac potze, lay zazac noke; lay bin katabac tiobe
i095	zuyua than 7; he ix u uuc chich than bin katabac tiobe, bin alabac tiobe u binel u cħaob u kab choo yetel ox bal hax yetel cuxul ak lay bin u ciilte in hanal zamal, yan in uol in hantante
i100	mai uil lob u kuxul u chun chooe; ci yalabaloob he ix u chun chooe, lay chope he ix ox bal haxe, lay u ne huhe he ix cuxul ake, lay u chochel kekene he ix u chun chooe, lay u chun u ne chope
i105	zuyua than 8; he ix u uaxac chich than bin katabac tiobe, bin alabac tiobe xen mol ten u mac yit dzonot, cappel zazaci, cappel kankani yan in uol in hantante
i110	he ix u mac yit dzonot lic u katabal tiobe lay chicame, cappel zazac chicami yetel cappel kankan chicami zuyua than u naatabal uchuc u chucul u batabil cah
i115	ca pul tu tan ahau yax halach uinic, u yahau mazeual lae he u thanoob lae ua ma tan u naatabal tumen u batabil cahobe okom oltzil, ek tapayhom akab, cħa kax thantzil yotoch
i120	okom oltzilhom, okom bulcum tan chumuc tancab yicnal ah al meheniloob ah cimil ma u naaticoob, ah cuxtal bin u naaticoob lay bin yanac yokol u batabil cahoob lay yet ppizaan u hochbilaan oheltabal yail bin dzocebal yahaulil lae lay kaxaan u kab tu tan yetel yuma che, cħa payan u zumil
i125	binzabal u caah yicnal ahau, yax halach uinic lay u dzoc batabil; lay bin yanac yokol u coil kin, u coil katun bin yuboob ya, ca bin dzococ u baaloob u batabil cahoob lay bin yanac tu kinil lae hidzebal u than katun ca bin dzococ ah ox Ahau Katun
i130	chucom u batabil cahoob tumen minaan u naatoob lae bay bin uchuc u chucul u batabil cahoob lae kahlay uchebal u dzaicoob u hanal yax halach uinicoob ca bin u katoob u hanaloob hicħom u caloob, xotom u ni yakoob, colom u uichoob
i135	tu kinil lay bin dzocebal lae he ix cħibale ti ix u hokzicuba tu tan u yum ti caclam pix uchebal yoheltabal yanil u cux olaloob ti ix u kubul u poop yetel u dzam tiob xani lay yet ppizaan yilabal u hochbilaan
i140	ci oltzil yilabal u cħibal halach uinic ti luum uaye lay bin cuxlac tu kinil, lay ix bin kamic u yax vara xan bay tun bin hedzluumnabal u cħibal maya uinicoob uay tu cahal Yucatan tu ca zut lae dios paybe dzocebal uay yokol cab lae lay u hahil ahau bin tac u kat toon
i145	lay c' tepaliloob, lay c' kuiloob lae tunoob, kanoob; yetel bin katic pakal ci balche hemac minaan tie, cimzabal hemac bin tzicice, diosil u caah tu thana mai uil yoltic dios yuchul tulacal baal dzibaanoob lae
i150	bay xan he ix al mehenoob, u cħibal bataboob yohelma biix talicoob u uiniciloob yetel yahauliloob yetel tepaloob ci oltzil yilabal u cux olaloob u mektanma u tzicilteiloob tu tanil yax halach uinic
i155	bin ix cici kubuc u poop tiob yetel u dzam tiob tumenel c' yum yax halach uinic lay u poop yetel u dzam baxtabi, mucluumtabi u uich popochektabi tu uich luum, bibilyabi tu chochopay
i160	u coil kin, u coil akab yal ix buyuk, yal coil, u mehen kaz ah ca kin poop, ah ca kin dzam u maxil ahaulil, u maxil katun lay ximbalnahoob ichil ah ox Ahau Katun
i165	he u than bolon buth ichil u puczikal u cħibal al mehenoob ahaulil uinicoob lae licil tac yalabal ti ah belnaloob u binel u cħaobe u batabil cahobe ca ix xic u cħaob
i170	1; mehene, xen cħa ten u lol akab uaye; ci uil yalabal ca tun xic ti caclam pix tu tan halach uinic katic tie yume, he ix u lol akab lic a katic tene in uet talac yetel u zaz akabe, ti yan tin uicnale; ci u than
i175	bala mehene, ua ti yan a uicnale ti ua yan yax ix dzoy ta pache yetel noh copoe yume, ti yan in uicnale, uet ulice bala mehene, ua a uet ulice, xen pay a lakoob ten lay huntul noh xibe, bolontul u mehene
i180	yetel huntul ix nuce, bolontul u yale yume; ci u than ca bin u nuce; in uet ulic, uay yan tin pache payanbe u taloob ten ca tu ulen in uilech bala mehene, ua uay yan ta pache xen mol ten u tunichil chakan, u cħicħil chakan
i185	yeteloob ca tacech u lotmaob tu tzem ca tacoob ua halach uinicechi be, ua tech u cħibal ahau uay ti luum lae zuyua than he ix u lol akab lic u katabal tie, lay ek ti caane he ix u zaz akabe, lay :U:e
i190	he ix yax ix dzoye yetel noh copoe, lay ah cuchcabe, otlom cabal u kaba he ix huntul noh xib lic u katabal tie, bolontul u mehene lay u na yoce he ix huntul ix nuce lic u katabal tie, bolontul u yale lay u na kabe
i195	he ix u tunichil chakan, u cħicħil chakan lic u katabal tie u lotmaob u mehene lay becħe zuyua than
i200	2; bay xan mehene, cex a yax haan alabi tech ma alahaan a pacte u uiche uay yan tin pache, yume bala mehene, xen cħa ten yibnel caan uaye ti a talel ti lakin ca bin taceche, cuchpach u tal tech
i205	cay bayac be yume; ci u than, ca xic tun zuyua than he ix u yax haan ti yan tu pach ca tu kuchie, lay u pach cae he ix yibnel caane lic u katabal tie lay patbil pome, oxlahun ual u patal
i210	he ix licil yalabal tie cuchpachil u talel tie te yan u boy tu pache, tzelep kin cochom zuyua than 3; mehene, halach uinicech, ah tepalechi xan
i215	xen tun cħa a yax cuentese licil a payal chie he ix u yax cuentese lic u katabal tie, lay kane ca tun katabac ti tun ua bahun kin cu payal chi yume; cu than; tu hunte kin cin payal chi yetel tu lahun kin cin payal chi
i220	baax kinil licil a naczic a payal chi yume, tu bolon kin yetel tu yoxlahun kin Bolon ti Ku yetel Oxlahun ti Ku citbil, lay in xocic in cuentes lae zuyua than
i225	4; mehene, xen cħa ten a uex utial in uic u boc uaye yetel nach u boce, u boc in uexe, u boc in noke, u boc in bake paynum u boc tu dzu caane yetel tu dzu muyale yetel in yax pakab chie yan in zac hothe, ua halach uinicechi be yume, bin in talez; ci u than
i230	he ix u boc yex lic u katabal tie lay paynum u boc tu dzu caane yetel tu dzu muyale lay pome thabil, elel u caah he ix yax pakab chi lic u katabal tie, lay muxbil cacau chucuae zuyua than
i235	5; bala mehene, xen tun talez ten u yax kikel a uix mehene yetel u pole, yetel u homtanile, yetel u chac bacele yetel u kabe, yetel u bake lay tin uilah a macic ti zuhuy cate yetel u yax kanche a uix mehene
i240	ez ten, yan in uol in uilae; uch in dzab tech licil uil yacal tin tane, licil uil u uakal uokole cay bayac be yume; yet tal u dzic u xicin ah bol cabeh in pakech yetel, ca tun xic tun he ix u yax kikel yix mehen lic u katic lae, lay maya cie
i245	he ix u homtanil yix mehene, lay u hobonil cabe he ix u pol yix mehene, lay zuhuy cat ti dzamlic cie he ix u yax kanche yix mehene, lay u couoh tun cabe he ix u dzic u xicin ah bole, lay u zulil cie he ix u bakel yix mehene, lay u holil balchee
i250	he ix u chac bacel yix mehene, lay u cheil balchee he ix u kab yix mehene, lay u kab balchee he ix u uakal yokole, lay calhal u than ca tun xic u dzab ti tun le culuba cħu u than, tezcun u than ca bin kuchuc
i255	yume, he lay a uix mehen ta dza in canaante lic a ualic tech yume, tech ah tepale; ci tun u than u mehen tie bay tun mehene, uet halach uinicile, uet ah tepalile kahaan ua tech, a uohel ua; ci u than lay tun u yax kikel a uix mehen lic in katic tech lae
i260	oxlahun num tun u manel u kikel yix mehen tu tan tu yokol yix mehen ti cheehlic tu tancabal; hiii ci tun yokol tamuk yilic, ti chinlic tamuk u than bay tun mehene; ci tun u than tamuk yokol; halach uiniceche
i265	bay tun mehene, ah tepalechi xan, bay uet halach uinicile bin tun in kub a poop yetel a dzam yetel a ahaulil tech mehene, atial tepalil, atial ix ahaulil xan tech mehene zuyua than bay tun bin dzocebal u thanal u batabil cahoob
i270	ca bin lukucoob yicnal yax halach uinic te tu pol petene ca tun xicoob ti yotoch ti tun yan ti yotochoob, tan u dzaic u hanaloob halach uinic tan ix u katic u hanal tiob xan bay bin binebal u tzolic lae, lay yan cabal lae
i275	zuyua than 1; mehene, ca a talez ten can cot chacdzidzib yan tu hol actune tin uatal yokol in yax pakab chi, chac nicen ti uil ualic u pput yokol in yax pakab chie ca bin kuchuc tin tane
i280	cay bayac be yume he ix can cot chacdzidzib lic u katice, lay ciuie he ix u pput lic yalice, lay yom chucuae he ix u yax pakab chie, lay cacau dzocaan u hucħul zuyua than
i285	2; mehene, ca a talez ten u cħicħil akab yetel u hocħil akab yet tal u dzomel caan, hach yan in uol in uilae uaye cay bayac be yume he ix u cħicħil akab lic u katice, lay hoyobe licil u tocabal pome
i290	he ix u hocħil akab lic u katice, lay kane he ix u dzomel caane, lay pome zuyua than 3; mehene, ca a talez ten u bacel a yum
i295	bay ta mucah oxppel haabie hach yan in uol in uilae cay bayac be yume he ix u bacel u yum lic u katice lay dzine pibil, ca xic u dzabil ti halach uinic
i300	zuyua than 4; mehene, ca a talez ten huntul noh xib, lay ma kalaan u botonil u jabon hom to chac u kabae cay bayac be yume
i305	he ix huntul noh xib lic u katice, lay ibache, ix ueche zuyua than 5; mehene, ca a talez ten ox buh caan; yan in uol in hantante cay bayac be yume
i310	he ix u ox buh caan lic u katice, lay thohob zacae, lay yom zacae zuyua than 6; mehene, ca a talez ten u chun ci, u cucutil ci, minaan u kabi ma a lukzic yoli, yet tal ox thol yoc tzitzil
i315	cay bayac be yume he ix u chun ci lic u katice, lay u pol keken pibil ca bin xic u dzabal tie he ix yol lic yalice, lay yake tumen he yakbale u yol zuyua than
i320	7; mehene, ca a talez ten u cozil akab; yan in uol in hantante cay bayac be yume he ix u cozil akab lic u katice, lay pollos ah thel zuyua than
i325	8; mehene, ca a ual yax ix dzoy, otlom cabal u kabae ca u talez ten hun xuxac picħum ti u cħucul yalan noh copoe, ti banaan tu boy copoe cay bayac be yume
i330	he ix u picħum lic u katice lay ek buul ti yan tu yotoch ah cuch cabe lay yax dzoy yetel otlom cabal lic yalice zuyua than
i335	9; mehene, ca a xic chucbil u balamil actun tumenel u ciilinte in hanal yan in uol in hantante balam cay bayac be yume he ix balam lic u katice, lay halebe zuyua than
i340	10; mehene, ca a talez ten uuc yal u pix ix ma yume yan in uol in hantante tu kinil in uilic u hantantabale cay bayac be yume
i345	he ix u uuc yal u pix ix ma yum lic u katice, lay dzotobil chaye zuyua than 11; mehene, ca a talez ten yax tzublaloob uaye ca tacoob ti okot in chaante
i350	yet taloob u pax yetel u zoot yetel u ual yetel u kab pax; lay in pakoob cay bayac be yume he ix yax tzublaloob lic u katice, lay ah tzoe he ix u paxe, lay u koe he ix u zoote, lay u pole
i355	he ix u uale, lay u nee he ix u kab u paxe, lay u chac bacele zuyua than 12; mehene, ca a talez ten u zaz peten; yan in uol in hantante
i360	cay bayac be yume he ix u zaz peten lic u katice, lay u kabil cabe zuyua than 13; mehene, ca a talez ten u tunichil chuh cab, lay elele
i365	yet talel yaalil uchebal in tupic, uay ix u xicil tin tane cay bayac be yume he ix u tunichil chuh cab lic u katice, lay pibil macale he ix yaalile uchebal u tupice, lay u kabil cabe zuyua than
i370	14; mehene, ca a talez ten akab cocay lay hun xaman, hun chikin u man u boc yet talel u ledz ak balam cay bayac be yume
i375	he ix u akab cocay lic u katice, lay chamale he ix u ledz ak balam lic u katice, lay kake zuyua than 15; mehene, ca a talez ten a uix mehen in uilab
i380	lay hach zac hadzen u uiche, hach cichpame; zazac u bocħ yetel u kaxi hach yan in uol ti cay bayac be yume he ix yix mehen lic u katice lay zac luch yetel tzune zacae
i385	zuyua than 16; mehene, ca a talez ten zabel u kabae utial in hantante lay zamacnac u boce cay bayac be yume
i390	he ix u zabel lic u katice, lay melone zuyua than 17; mehene, ca a talez ten yax ix lucum can, yayax u pache yan in uol in hantante
i395	cay bayac be yume he ix u ix lucum can lic u katice, lay u cal ah tzoe zuyua than
i400	18; mehene, ca a talez ten huntul cħuplal hach zac uolol uol u ppul yoc uay in zilic u pic tu ppul yoce cay bayac be yume he ix u cħuplal lic u katice, lay chicame he ix u zilic u pice, lay u dzilic u pache
i405	zuyua than 19; mehene, ca a talez ten huntul cħuplal hach cichpam, hach zac u uich hach yan in uol ti uay in pulic u pic yetel yipil tin tane
i410	cay bayac be yume he ix u cħuplal lic u katice lay hun cot ix tux ulum utial u hantante he ix u pulic u pice yetel yipile, lay u thocol u kukmele ca tun kaktabac utial u hantantabale
i415	zuyua than 20; mehene, ca a talez ten huntul ah canaan col noh xib uaye yan in uol in uilab u uich cay bayac be yume
i420	he ix u noh xib lic u katice, lay u cucutil macal utial u hantante zuyua than 21; mehene, ca a talez ten huntul ix canaan col ix nuc ek tunlah u uinicile, uuc nab u tan yite
i425	yan in uol in uilab u uich cay bayac be yume he ix u ix nuc lic u katice, lay u yax ich dzole zuyua than
i430	bin u kuchuc u kin helelae ti kin tu popochektah c' yum yax halach uinic lae licil tac yulel uay ti luum, tu luumil yucal peten lae ca payic bataboob, ca bin tac bataboob payal u caahoob tumen c' yum halach uinic
i435	teex ua batabe tooni be yume; ci uil u thanoob lae mehenexe, ua teex halach uinicexe uay ti luum lae ci uil yalabaloob lae xeneex cħa xiknal balam, ca a taceex a dzabeex in chaante
i440	ca a cici dzaex yuob, ca a cici dzaex u pputoob ca taceex a dzaex in chaante yetel xeneex ca taceex tu zebal hach helelae tac a talexe, mehenexe hach yan in uol in chaante ceex mehenexe, ceex halach uinicexe he ix ma yohele, otzilhom u tucul yetel u pacat
i445	bay mabaal bin yalabal he ix yohele, cilmac yol ca bin xic u cħaob u xiknal balam ca tun tac yetel; tech ua mehene; teni be yume tech ua cħibale mehene; teni be yume cex a lakobe mehene
i450	yume, ti yanoob ti kaxe; u xachetoob balame minaan balam tu thanoob ca tun u man tu tan he ix u balam lic u katice, lay u tzimin ah batabil u kat u chaante lay u tzembil tzimine
i455	he ix yue, lay cascabelese he ix u ppute, lay u chachac kuche he ix u cici dzabile, lay u silla yetel u freno zuyua than yetel naat u naatabal u thanoob

i460	1; mehene, max oc tu nail diose yume, lay ix kalem u kabae 2; mehene, baax kinil takci tu nak zuhuy cħuplale yume, canil oc takci tu nak
i465	3; mehene, baax kinil hokci yume, oxil oc hokci 4; mehene, baax kinil cimci
i470	yume, Hun Cimi cimci be; ti ix oci tu mucnal ti Hun Cimi 5; mehene, baax oc tu mucnal yume, mabentun oc tu mucnal
i475	6; mehene, baax oc tu chac bacel yume, lay chac halal tune, lay oc tu tunil cab te ti caane 7; mehene, cunx u kabe yume, halal tun; lay ix lic u kinbezabal xan
i480	lay oc ti chac zuytunil ti lakin lay oc ti zac zuytunil ti xaman lay oc ti ek zuytunil ti chikin lay oc ti kan zuytunil ti nohol
i485	8; mehene, hayppel kom okop yume, lay licil yauat chul chultahe 9; mehene, tabx yan dzonot lah dzam yaalile minaan u chichil yite, ti tacaan chulul tu hole
i490	yume, lay kunae 10; mehene, cex yax casamientosobe, lubci u muk rey tumenelobe yetel ix lubci u muk uchi yanil halach uinicobe tumenelobe yetel ix lubci in muk tumenelobe xan
i495	yume, lay uahe 11; mehene, ta uilah ua yaxal halal tune yume, cappelobe; ti uaan cruz chumuce u uich uinic
i500	12; mehene, tabx yanoob ah yax oc haobe yanil huntul ix ma na, yan yue, yan ix u tzitz moc xan yume, lay peeue yetel ix ma yume 13; mehene, cex ix topplah kauile yetel u dzomel codzoc yit peehe
i505	yetel kulim paki yume, lay u tuchil ulume 14; mehene, talez ten hokbah caan yetel hokob cooe yume, lay ceh yetel bae
i510	15; mehene, cex ix nuc, uuc nab u tan yite, ix ek tunlah cħuplale yume, lay dzole 16; mehene, ulez ten zaclah cħuplal, ueuel uak u pice
i515	lic u conic zac toke yume, lae cae 17; mehene, talez ten ca cot ix kan; hun cot chachacbili, hun cot ti ix bin xotoc u cali, bin ix ukuc u kikel xan
i520	yume, lay ix kan ceh yetel yax luch yanil chucua 18; mehene, ulez ten hunkal ah koch zinil tunoob uaye yetel catul casadosobe yume, lay becħ yetel mucuye
i525	19; mehene, talez ten zum, ox bal u haxal; in kat in uilae yume, lay huhe 20; mehene, talez ten ci paac tanal in uilab uaye
i530	yume, lay cie 21; mehene, talez ten u mac u hol caan yetel yebal uaye bolon taz lah cab yume, lay noh uahe
i535	22; mehene, ta uilah ua ah noc xamach noh xibe, hach noh u koe hoc tan u tal ti luume yume, lay ah tzoe
i540	23; mehene, talez ten ah canaan coloob, noh xiboob hun tuch u tal u choone yetel yatane yume, lay mumil chac 24; mehene, talez ten uaye ix ah canaan col cħuplalobe zaclah cħuplalobe;
i545	ten ix bin lukzic u picoob yokole, ca tun in hante yume, lay chicame 25; mehene, talez ten noh tzublal in chaante ma uil lob yokotoob ca bin in uilabe
i550	yume, lay ah tzoe 26; mehene, cex yax ah mole yume, lay pul nok yetel pul camisa yetel pul zuyem yetel pul ppoc yetel pul xanabe
i555	27; mehene, tabx manech; ti ua manech ti caanal buktune ti nixpahal u hol caane yanil u hol paae heca ti manechie ta uilah ua uinicoob tzayaanoob u taleloob ta tane ti yan bolon chaan yetel yax ah kulele
i560	yume, lay u kulil ich yetel u uabal dzamil ich 28; mehene, ta uilah ua u kaxal yaal kue ti mani yalan u uitzil kue, ti ix oci yalan u uitzil kue yume, ti yan cruzi ti chakani copnebal caan, ti mani yaal kui
i565	29; mehene, tabx cu manel yaal kue yume, te cu hokol zuytune u hol uinic yetel yukul co uinic tu manel tu uol u cal uinic, tu hokol tu chune
i570	30; mehene, max ta uilah ti be zame 31; mehene, tabx ta manzah a lakoob tzayaan u taleloob ta pache yume, he in lakoob lae, ma tan in patab lay in mucut u xotkin diose ca bin cimicene
i575	he lay u boy uinice 32; mehene, max ta uilah ti be ta uilah ua noh xiboob yan palal tu pachobe yume, he noh xiboob tin uilah ti bee, ti yanoob tin pach
i580	ma ix tan u ppatbenobe heklay u na oc yetel yalobe 33; mehene, tabx ta uilah ix nucoob yan u mek zac aloob yetel u lak palalobe
i585	yume, he ix lae, ti to yan tin pach licil in hanal mai to uchac in ppatic heklay u na in kab yetel yalobe 34; mehene, tabx ti manech yanil yoc hae
i590	yume, he yoc hae, ti ix yan te uicnale heklay u bel in pache 35; mehene, tabx ta uilah noh xib kalaan yok tzimin cħacatnebal yoc hae yume, he ix noh xib lae, ti to yan uicnale
i595	heklay u tzimin in pache lic a ualic kalic noh xibe mehene, he ix noh xib yan ta pach a ualic be, chicaan hahil yetel tohil 36; mehene, xen cħa u puczikal tunich yetel u tamnel luum te uil kin c'ilic zamale
i600	he ix uilah hunppelie hauaan, he ix hunppelie nocaan bey u binel ichil mitnale yume, heklay halebe yetel tzube, lay yax batab yetel yax ah kulele he ix u puczikal tuniche heklay u ni cob utial u mac u uol u cal mitnale
i605	he ix u tamnel luume, heklay iz yetel chicame 37; mehene, ca xicech a cħab ix haliz co uaye, hun zuy ual u pole hach cichpam ix lokbayen; teni bin lukzic u pic yetel u buce zamacnac uil u boc ca bin in lukez u buce
i610	hach cilmac in uol ca bin in uilab zamacnacil u boce yetel hun zuyil u pole yume, he ix haliz co, heklay pibil nale 38; mehene, ca tun xicech a cħab noh xib yetel u xiuil tanil kaknabe
i615	yume, he ix noh xib lae, lay ace he ix u xiuil tanil kaknabe, lay ix baue 39; mehene, ca tun xicech a cħab u tunichil yit kax eke yume, lay ah tzace
i620	40; mehene, ca tun xicech a cħab u tunichil chakan uaye yume, lay becħe 41; mehene, ca tun xicech a cħab yax ah menobe uaye, cantulobe
i625	yume, heklay ba yetel tzub yetel haleb yetel citame 42; mehene, ca tun xicech a cħab u chac bacel luum uaye yume, lay dzine
i630	43; mehene, ca tun xicech a cħab yax tzublal yetel yax kayumoob uaye yume, lay cutz yetel ah tzoe 44; mehene, bin a uulez a uix mehene; te yan kin zamal uilabe payanbe bin talebal u dzedzile, pachebal bin talebal u nohole
i635	ca ix cici kaxac u kax pole ti kukmil kax ti yan uil u bocħe teni to uil bin lukzic u bocħe yetel ti yan ah kulel tu pache mehene, ca tun xicech a cħab hun tzuc nicte kudzbene te uil kin uilab zamale
i640	yume, lay kelbil ixim yetel cabe 46; mehene, uay tin cucyah a pectzile yanyan codz ti actun yan a uicnale ca ix a cuclez c'ilab uay tu kintzil hanale
i645	yume, lay tzabil hee

Previous Page | Table of Contents | Next Page

Main Index

Return to top of page

Text links to all pages at this site are available at the FAMSI INDEX