| yk001 |
U Kahlay U Chi Kaax Yax Kukul
Uay tu yotoch cahal Yax Kukul
tu tabal u provinciail Merida de Yucatan lae |
| yk005 |
tu kaba ix c’ noh ahau rey ah tepal,
lay yahaulil tumen c’ yumil ti dios,
lic kabanzic yuchucil
tu kaba c’ yum señor encomendero Gonsalo Mendes,
capitan uay tac luumil lae yetel tu kaba ix yuchucil |
| yk010 |
c’ yum señor don Francisco de Montejo,
gobernador y capitan general,
adelantado,
an tumen c’ noh ahau rey ah tepal de su magestad
yetel tulacal uinicoob nohxibtacoob ho tu cakaloob |
| yk015 |
layiloob cuxaniloob ti ma tac señor espaniolesoob
uay tac luumil lae.
Lay tun tumenel lic dzaic hunppel informacionil derecho
tu tanil bataboob tzucentzuciloob tu hunhunppeliloob
uay tu hol cacaboob tu pach c’ tocoy nailoob |
| yk020 |
lay tuux cahantacoob ti ma tac espaniolesoob
uay tac luumil lae.
Ti ix yanoon ca talzaboon uay tu mektan cahil
c’ yumilan cilich Santa Cruz de Mayo,
uay Yax Kukule, |
| yk025 |
tumen in yum Macan Pech u maya kaba.
Cu yahaulil ti batabil kabanzabi uay ti cah lae.
Ca ix ti likoon ca binoon tu hol kaax tu pach c’ tocoy nailobie,
toon coon gobernador yetel alcaldes,
regidoresoob yetel escribanos uay ti cah Santa Cruz de Mayo, |
| yk030 |
Yax Kukul lae,
yetel tulacal u nucil uinicoob,
nohxibtacoob,
yoheloob u pach u tocoy nailoob cahaniloob.
Ca taloob uay Santa Cruz de Mayo, |
| yk035 |
ca tu yalah c’ yum alcalde mayor don Thomas Lopes
tali Guatemala lay ulzabi tal nachil
u thanil u ppizlahal luumoob
u tzenticubaob cahanoob tulacalobe
ti maix u haual baal kubenaan yan ichil noh auto lae |
| yk040 |
talzabi cici nucbezaan toon.
Lay tun lic utzcintic forma derecho de proceso
uay ti yoc cħeen Chac Nicte |
| yk045 |
yoklal u hahil licil c’ dzaic c’ firmail
con justiciail helel
tu lahun cakal u kinil u yuil de abril
de mil quinientos cuarenta y cuatro años:
don Alonso Pech, gobernador; |
| yk050 |
Gabriel Tun, alcalde;
Pedro Canul, regidor;
Daniel Ppol, regidor;
Juan Matu, regidor;
Pedro Mum, escribano; |
| yk055 |
Juan Matu, escribano.
Testigos,
in mehenoob: don Lucas Pech,
don Miguel Pech,
don Juan Pech, |
| yk060 |
don Gregorio Pech,
lay hidalgos.
Testigosoob u nucil uinicoob: Francisco Ake,
Andres Hoil, Diego Tun, Diego Moo,
Diego Chuc, Gaspar Uc, Pedro Ek, |
| yk065 |
Francisco Cen, Miguel Ppol, Pablo Oxte,
don Francisco Canche, Juan Uc, Francisco Canul,
Juan Zel, Cristobal Camal, Pablo Ppol,
Pablo Ek, Miguel Zel, Francisco Canul,
Cristobal Ek, Gaspar Zel, Francisco Ppol, |
| yk070 |
Cristobal Chim, Pablo Meex, Gaspar Couoh,
Francisco Chable, Lucas Baz, Clemente Baz,
Juan Oxte, Alonso Ku.
|
| yk075 |
U yax chun lae uay yokol cħeen Chac Nicte
yan noh ppictun tu xaman tu hol cħeen.
Cacathil in binel yetel in uidzin Na Chan Pech
yetel u cuchteiloob,
u mektan cahil lay in lak yokol ppictun. |
| yk080 |
Chikintan u binel yeteloob latulah u kuchul
yokol cħeen Kancab Cħeen.
Ti yan ppictun.
Layli in binel yetel Ah Mococ Haob chikintan
u binel tzol multun tulacal |
| yk085 |
latulah u hokol yok be binaan tac Mococ Ha,
binaan Yax Kukul.
Ti yan ppictuni lakin be,
yan cruzi tu chum tzalam.
Cu manel chikintan in binel yetel Ah Mococ Haob |
| yk090 |
latulah u kuchul yokol cħeen Dzadza.
Yan cruzi ti noh sicina.
Ti yan ppictuni ti noh titz luum lae.
Ti cu zuti nohol chikin u binel.
Layli in binel yetel Ah Mococ Haobe |
| yk100 |
latulah u kuchul yokol cħeen Kan Pepen.
Ti yan u ppictunili cu manel noholtan u binel.
Layli Ah Mococ Haob in lake
latulah u kuchul yokol cħeen Chum Catzim.
Ti yan cappel multuni. |
| yk105 |
Ti cin ppatic Ah Mococ Haobi.
Ti ix cin cħaic in yum don Diego Pech,
Ah Cumkal yetel u cuchteeloob.
Cacathil in binel yeteloob.
Noholtan in binel. |
| yk110 |
Tzol ppictun tulacal u binel latulah u kuchul tu chum Mul Ac.
Ti yan u ppictunil.
Ti cin ppatic Ah Cumkali.
Ti ix cin cħaic in yum Ixkil Itzam Pech,
Ah Zic Pach, |
| yk115 |
yetel u cuchteeloob.
Cacathil in binel yeteloob.
Noholtan in binel latulah u hokol yok be
binaan tac Zic Pach taban tac Yax Kukul.
Ti yan cruzi yetel multun. |
| yk120 |
Ca manac noholtan u binel yetel Ah Zic Pachoob
latulah u kuchul yok Halal Actun.
Yan yaalil.
Ti yan ppictuni ti lay noh sicina luum lae u titz.
Ti cin ppatic Ah Zic Pachobi. |
| yk125 |
Ti ix cin zut ti lakintan in binel yetel Ah Noloob
latulah Ah Na Mon Pech yetel u cuchteeloob
ca chuc Huhbil Cħeen. |
| yk130 |
Ti yan multuni.
Ca manac lakintan u binel.
Layli Ah Noloob in lake latulah u kuchul yok cħeen Chac Abal.
Ti yan multuni.
Ca manac lakintan u binel. |
| yk135 |
Layli Ah Noloob in lake,
tzol tun u binel tulacal.
Ca kuchul yok cħeen Kan Pepen.
Ti yan multuni.
Ca manac lakintan u binel. |
| yk140 |
Layli Ah Noloob in lake
latulah u kuchul yokol cħeen Cacabil Utztae.
Ti yan ppictuni.
Ca manac lakintan u binel.
Layli Ah Nolooob in lake |
| yk145 |
latulah u kuchul yokol cħeen Chac Hil.
Ti yan ppictuni.
Ti cin ppatic Ah Noloob.
|
| yk150 |
Ti cin cħic Ah Euanobi.
Lakintan u binel yetel Ah Euanoob
ca kuchuc yokol cħeen Tah Tzek.
Ti yan multuni.
Layli Ah Euanoob in lake ca manac lakin xaman u binel. |
| yk155 |
Layli Ah Euanoob in lake ca kuchuc tu cacabil Ticin Muul.
Ti yan ppictuni tu nohol.
Ti cin ppatic Ah Euanobi.
|
| yk160 |
Ti lay noh titz luum lae noh sicina ti cu zut xamantan u binel.
Ti cin cħic in yum don Martin Pech likul Kum Cħeel
yetel u cuchteeloob.
Cacathil in binel yeteloob xamantan in binel
latulah u kuchul tu cacabil Yax Icim, nohoch muul. |
| yk165 |
Tu lakin yan multun, cappel.
Ca zutnac chikintan u binel.
Layli Ah Kum Cħeeloob in lake ca kuchuc yokol cħeen Pizte.
Ti yan multuni.
Ca manac chikintan u binel. |
| yk170 |
Layli Ah Kum Cħeeloob in lake ca kuchuc Ualah Tunich.
Ti yan u multunili.
Ca manac chikintan u binel.
Layli Ah Kum Cħeel in lake
latulah u hokol yokol cħeen Kan Pocolche. |
| yk175 |
Ti yan ppictuni.
Ca manac chikintan u binel.
Layli Ah Kum Cħeel in lake
latulah u hokol yok be binaan tac Kum Cħeel,
binaan tac Yax Kukul. |
| yk180 |
Ti yan ppictuni.
Ca manac xamantan u binel.
Layli Ah Kum Cħeel in lake ca kuchuc Tan Kancab.
Ti yan multuni.
Ca manac chikin xaman u binel. |
| yk185 |
Layli Ah Kum Cħeel in lake ca kuchuc Cħeen Haltun.
Ti yan ppictuni.
Ca manac xaman chikin u binel.
Layli Ah Kum Cħeel in lake ca kuchuc yol cħeen Euan Cauich.
Ti yan ppictuni, yan cruzi noh titz luum lae. |
| yk190 |
Ca zutnac chikintan u binel.
Layli Ah Kum Cħeel in lake u kuchul Yok Muux.
Ti yan ppictuni tu xaman.
Ca manac chikintan u binel.
Layli Ah Kum Cħeel in lake |
| yk195 |
ca manac ca kuchuc tu hol cħeen Chac Nicte
nupic u pach he tuux chunpahie
u ximbaltabal u pach luumoob lae.
|
| yk200 |
Lay tumenel lic utzcintic informacionil yokol oheltabal
tumen tulacal uinicoob,
ah cahnaloob.
Uchmal tu tan kin lic u talel lae
utial u yal u mehenoob c’ yum Macan Pech |
| yk205 |
yetel u mektan cahil u tzenticubaob.
U tocoob u chun cheeloob ca yanac u naloob u tzenticubaob,
u kubic u patanoob.
Lay tumtabi uay lae hanebal ah kinoob.
Hach yaab licil u talel yuleloob uay ti xul u chi u luumil |
| yk210 |
u pach cah Yax Kukul lae.
Tu yuchucil c’ yumil ti dios yetel c’ noh ahau rey ah tepal.
Helel dzibnahen ti mapa
tu lahun tu cakal u kinil de abril de 1544 años,
toon coon cahnal uay ti Santa Cruz de Mayo Yax Kukul, |
| yk215 |
u tabal u provenciail Yucatan de Mérida:
gobernador, alcaldes, regidoresoob,
escribanosoob yetel u nucil uinicoob.
Lay cahaanoob ti tocoy nailoob manic ppiz lae
yetel cuchcaboob lae. |
| yk220 |
Octanoob nacomoob, ho tu cakal uinicoob.
Tu yilahoob tu hahil minaanil oc yail ti.
Lay kaax c’ manic lae.
Hach cilmachi yoloob etzabci u luumil u coloob
ti tzucentzuciloob. |
| yk225 |
Lay tumen cin dzibtic ichil informacionil,
cen escribano ti ma ix tan yocol ya
tu tan kin lic u talel lae,
yoklal dzoc ix c’ dzaic c’ tibil olal ti cuchteiloob
ti ma ix tan u dzaob toon lob. |
| yk230 |
Lay tah oklal c’ utzcintic forma derecho
tu tanil c’ yum capitan don Gonsalo Mendes,
encomendero uay ti cah Yax Kukul,
yetel testigosoob don Juan de Magaña
yetel don Alonso Avila yetel don Francisco Bracamonte |
| yk235 |
yetel don Alonso Rosado yetel don Hernando Arseo
yetel don Juan Pacheco yetel don Rodriquez de Escalona:
lay c’ yum capitanoob tu yilah u hahil u ppizlahal luum
tumen c’ yum juez don Thomas Lopez
uay tu pach cah Yax Kukul lae. |
| yk240 |
Layoob dza yolil u ppizil u luumil
yanhebal santa iglesia ku na
yetel yotoch cah yetel solaroob uay lae. |
| yk245 |
Lay tu tumtahoob biix bin mentabal hunppel mapa tu dzaah toon.
Ua ma calmac bin ilic lepp olal tu kin.
Lay u chun lay mapa lae.
Lay bin ilabac u hahil,
bin manzabac tu tan señor gobernador ti noh cah ti Ho. |
| yk250 |
Lay huun lae lay oklal c’ utzcintic hunppel informacionil
yokol hunppel mapa tu pach c’ tocoy nailoob
tu nak kaax Ah Mococ Haob,
hunppelili u chi c’ luumil yeteloob,
bay ix Ah Cumkaloob xan |
| yk255 |
hunppelili u chi c’ luumil yeteloob xan,
bay ix Ah Zic Pachoob xan
hunppelili u chi c’ luumil yeteloob xan,
bay ix Ah Noloob xan
hunppelili u chi c’ luumil yeteloob xan, |
| yk260 |
bay ix Ah Euanoob xan
hunppelili u chi c’ luumil yeteloob xan,
bay ix Ah Kum Cħeeloob xan
hunppelili u chi c’ luumil yeteloob xan.
Lay lakoob tu hol luumoob yanhi ix u mapaob |
| yk265 |
tu tzucentzuciloob cahoob.
Cacanup u ppictunil ti tulacal manic tu chi kaaxoob ti idzin,
zucunil ti machlankabil tu tanil c’ yum encomendero
tan u dzaic u bendicion c’ yum padre Francisco Hernandez,
clerigo yokol tulacal uinicoob uay ti cah lae. |
| yk270 |
Tu kaba dios yumbil, dios mehenbil, dios espiritu santo.
Lay u hahil licil yalabal toon bicil tu kab c’ noh ahau.
Heklay rey ah tepal lic u kubul toon lay u mapail kaax lae
yetel tulacal lay luum tu pach cahal lae yan ti mapa lae
yoklal bin u yamaob lay |
| yk275 |
tumen ca cici yacumtoob tzenticaba cuxlahebal cah
yetel toh olal ca cane santo evangelio ti monasterio
ca utzac u likzabal u tanlahul c’ noh ahau lay cilich varae.
Bay tzolaanil ichil auto ca ulzabi toon
tal ti Ho provision real tal nachil |
| yk280 |
yanhebal coloob naloob, buuloob yetel ic, u baal coloob.
Lay uilal lae tumen c’ utzcintic lay informacion
licil yutztal tumen lay u nucil uinicobe
cħablah u thanoob ti juramento ma ix bin tan yoc yailoob
lay tumen cu yalicoob |
| yk285 |
tu hahil yoloob u cilich kaba dios tulacaloob.
He tuux manal u than huun lae bin utialoob
lay u hahil ti informacion tu betah escribano publico.
Lay cu dzocol hehelae tu lahun cakal u kinil abril
de mil quientos y cuarenta y cuatro años. |
| yk290 |
Don Alonso Pech, gobernador;
Gabriel Tun, alcalde;
Pedro Canul, regidor; |
| yk295 |
Daniel Ppol, regidor;
Juan Matu, regidor;
Pedro Mum, escribano publico;
Juan Matu, escribano publico.
Testigosoob: in mehenoob don Lucas Pech, don Miguel Pech, |
| yk300 |
don Juan Pech, don Gregorio Pech.
Hidalgosoob yetel u mektan cahiloob utialoob lay kaaxoob:
Pablo Ppol, Pablo Ek, Miguel Zel.
Testigosoob u nucil uinicoob:
Francisco Ake, Andres Hoil, Diego Tun, |
| yk305 |
Diego Moo, Diego Chuc, Gaspar Uc,
Pedro Ek, Francisco Cen, Pablo Oxte,
don Francisco Canche, Juan Uc, Francisco Canul,
Juan Zel, Cristobal Camal, Francisco Canul,
Cristobal Ek, Gaspar Zel, Francisco Ppol, |
| yk310 |
Cristobal Chim, Pablo Mex, Gaspar Couoh,
Francisco Chable, Lucas Baz, Joseph Camal,
Clemente Baz, Juan Oxte, Alonso Ku.
Xul
|
| yk320 |
U Kahlay U Chi Kaax Yax Kukul
II
Ca tun ppizah hunhun ppizib tu zut pach santa iglesia lae
cahlahbal yalomal in mehenoob chicul kaax. |
| yk325 |
Lay u hahil in firma helel en 8 de mayoile, 1544:
don Pedro Pech, ti don Alonso Pech yetel don Miguel Pech
yetel don Francisco Pech yetel Ixkil Itzam Pech
yetel Ah Tunal Pech yetel Ah Dzulub Pech
yetel tulacal mac cahoob uay tu pach lay kilacaboob lae. |
| yk330 |
He ix mac yax encomendero uay ti lay Yax Kukul lae:
capitan don Julian Doncel, encomendero uay ti cah lae
ti manaan iglesia uay cuchie.
Ca tu yalah ti batab utial ca xicoob u dzaboob u chicul kaax
u luumoon uay tu pach u mektan cahil |
| yk335 |
yoklal tan u ppizitab u chi kaaxoob xaman,
ti likin Cupul, bay ix chikin xan.
Ca tun tu likzahubaob ah matanoob hidalgosoob
yetel u cuchcabaloob
utial u binbaloob u dzaboob u ppictuniloob u pach u cahaloob. |
| yk340 |
Ca tun ca ti likoob utial u bineloob ti kaaxe.
Hun tadz binicoob ti cacab Chac Nicteil,
canppel, oxppel kin dzanaanoob Chac Nicteil yohelticoob
uatub u bineloob u xoticoob u chi luum.
Ca ix tu yalah Ah Macan Pech, |
| yk345 |
"Chikintan cu binel helelae."
Ca ix tu multumtahoob, ca tu dzahoob yax ppictun
tu xaman u hal cħeen Chac Nicte.
Cu binel chikintan, |
| yk350 |
manal ichil tu luum cu kuchul tu hal cħeen Dzadza.
Ti yan noh sicinai.
Tu chun u muulil Dzadza yan cruzi.
Cu binel chikin noholtan, |
| yk355 |
tan u tzolol u yam ppictunil tan u binel
utial u chucic Tix Kan Pepenil.
Ti yan ppictun tu hal cħeen.
Binbal tan u tzolol u yam ppictunil utial u chucic Chun Catzim.
Ti yan noh sicina, ti yan cruzi. |
| yk360 |
Binbal noholtan tan u tzolol u yam ppictunil
latulah u manel Pacabtun.
Layli u binel u tzolol u ppictunil noholtan u chucic Kom Zahcab.
Tan u binel layli noholtan hokbal yokol noh be, bel Zic Pach, |
| yk365 |
yan noh chumuc be yan cruzi, u xul u luum Ah Zic Pachoob.
Binbal noholtan u chucic noh sicina Yok Actun.
Yan halali, ti yan noh sicina.
Yok Actunil halale ti yan cruzi.
|
| yk370 |
U titz u kaax Ah Noloob binbal likintan
tu lakin halal u chicic Huhbil Cħeen.
Tzolaan u binel u ppictunil;
ti yan ppictun tu hol cħeen Huhbil Cħeen.
Binaan likintan u chucic Chac Abal. |
| yk375 |
Tu nohol Chac Abal ti yan ppictunil.
Tzolaan u binel u ppictunil u tal u chucic Kan Pepenil.
Ti yan ppictunil.
Binbal u chucic Uzteil.
Ti yan ppictunil. |
| yk380 |
Binaan likintan, tzolaan u binel u yam ppictunil
hokaan yok be bel Nolo ti yan cruzi.
Binaan likintan tu chikin be tal Tix Kokob ti yan cruzi.
U lak ppictun yan tu chun cacab luum tu lakin be lae.
Binal u chucic noh ppictun tu nohol cħeen Chac Hil. |
| yk385 |
Binaan u tzolaan u ppictunil binaan likintan
u chucic u hol cħeen Tah Tzek lae.
Ti yan ppictuni u titz Tan Kancab.
Binaan lakin, tan tzolaan u binel u ppictunil
u chucic Ticin Muul. |
| yk390 |
Tu hol cħeen Ticin Muul ti yan ppictuni,
noh sicina yan cruzi.
Cu binel xamantan.
Tzolaan u binel u ppictunil. |
| yk395 |
Tan u binel u chucic Yax Icim.
Ti yan cruzi.
U noh titz zutpahan chikin-xaman.
Cu binel Tix Ppizteel.
Tzolaan u ppictunil tac Tix Ualah Tunich lae. |
| yk400 |
Tzol ppictun u binel chikintan
latulah u hokol yok be chumuc be talan Tix Kumcheil.
Cu binel u ximbal bay cappel sicinae cu yocol chikintan. |
| yk405 |
Ti yan multuni tu chikin be.
Binaan chikintan tzolaan u binel u ppictunil
u chucic yokol Cħeen Haltun.
Ti lakintan u talel cu binel chikin xaman |
| yk410 |
u chucic noh sicina Tah Euan Cauich.
Ti yan cruzi noh sicina.
Tzol ppictun u binel tal Yok Mux.
Ti yan ppictuni.
Tan u binel u tzolol u ppictunil chikintan |
| yk415 |
u chucic yokol Zahcab Luum.
Ti yan ppictuni.
Lay ti u binel chikintan tan u tzolol u ppictunil.
Lakintan u talel tu lakin muul Chac Nicteil
cu nuptamba u xotol u pach c’ cahal |
| yk420 |
he tuux hoppi lae uay ti Yax Kukul lae
yoklal dzoc u hollahal beob u cahtal cahoob tulacal
dzoc u yantal cahoob.
Tan tun u homolcinahal tulacal maya uinicoob tal chikin, |
| yk425 |
tal ti lakin, tal ti nohol yicnal Ahau Xiu.
Bay cahcunaboon tumen dzuloob lae.
He ix mac tu yax cantah Ah Macan Pech lae
capitan don Francisco de Montejo, adelantado
yetel Julian Doncel. |
| yk430 |
He ix mac chuci Ahau Tutul Xiu u yax batabil Mani lae,
u yax encomenderoil xane, capitan Gonzalo Mendez.
He ix u capitanil Cupul xan, don Francisco de Bracamonte.
Ti ix chuciob ma patanoob Na Tzuc, Na Chan, yetel Na Kuk Pech,
yix mehenoob ah ma patan Pechoob |
| yk435 |
uay ti Yax Santa Cruz Yax Kukul lae.
Lay u hahil u tituloil kaax lae utial u pach cah Yax Kukul
utial don Pedro Pech, Ah Macan Pech,
yax batab uay ti cah Yax Kukul lae.
|
| yk440 |
U dzama c’ yum señor capitan don Francisco de Montejo,
adelantado,
yetel capitan Julian Doncel lae.
Lay u hahil u zihil u tituloil yetel mapail u pach cah lae. |
| yk445 |
Hele en 8 de Mayo de 1544.
Ah Macan Pech, ah cahnal tu cahal Yax Kukule;
don Lucas Pech, u mehen don Pedro Pech;
don Francisco Pech, |
| yk450 |
don Miguel Pech,
don Alonso Pech,
u mehen don Pedro Pech,
Ah Macan Pech, yalomal Tunal Pech.
Heix Alonso Peche, |
| yk455 |
u mehen don Pedro Pech; don Alonso Pech,
mehen ti don Juan Pech,
u yum Bartolome Pech,
mehen ti Diego Pech,
mehen ti Andres Pech. |
| yk460 |
Heix lay u hahil conquistador lae:
don Francisco Bracamonte,
yetel Gonzalo Mendez,
Julian Doncel,
don Francisco de Montejo, |
| yk465 |
Martin Mendez. |
