| mn001 |
U Kahlay Thoxic U Kaax, Mani 1557
Tu cahal Mani tu holhunpiz u kinil u Agosto
ichil yaabil de mil quinientos y cinquenta y siete años. |
| mn005 |
U kahlay thoxic u kaax tumenoob al mehenoob
yetel halach uinic Don Francisco de Montejo Xiu,
gobernador uay ti noh cah Mani lae,
yetel ix u chayanil gobernadoresoob bay yanil u dzibal lae.
U hunmolcinahubaob ti multumut icnal halach uinic |
| mn010 |
yetel escribano Don Francisco de Montejo Xiu,
gobernador uay ti cah lae,
yetel tu cuchcabal Tutul Xiu
yetel al mehenoob Don Francisco Che, gobernador ti Cul,
Don Francisco Pacab, gobernador Ox Kutz Cab, |
| mn015 |
Don Diego Uz, gobernador ti Kax,
Don Alonso Pacab, gobernador Dzaan yetel Mona,
yetel Don Juan Che, gobernador Mama,
Don Alonso Xiu, gobernador ti Kit,
yeteloob ix u chayanoob gobernadoresoob |
| mn020 |
yanoob tu cuchcabal Manie yetel u chunthanoob.
Ti hunmoloob ca u multumtahoob yanil u nah tu thanoob
u xoticoob yetel u dzaicoob u xukiloob
u dzaicoob u cruzil u xul u hol u kaaxil u coloob
u cahaloob u cuchteeloob hunhuntzuciloob. |
| mn025 |
Lay tun u chun u chicilbezicoob u xul u luumoob
Ah Canuloob yetel Ah Acan Cehoob yetel Ah Cohoob
yetel Ah Cuzumaob yetel Ah Zututaob
yetel u cuchcabal Ah Cacaloob
yetel Ah Hunactiob, Petu, Calot Muul, Tzuc Cacab. |
| mn030 |
Dzocaan tun u tumticoob
ca yalahoob yanil u nah u yemzicoob
u batabil cahal gobernadoresoob
taloob ti hunhuntzuc ti cahe.
Ca tacoob uay chumuc cah Manie lae |
| mn035 |
ca utzac u cħaicoob cacatul u chunthanoob tu pachoob
ca utzac u yilicoob u xotol u chi kaax, u chi luum lae.
Ca tacoob uay chumuc cah Manie lae
ca utzac u cħaicoob cacatul u chunthanoob tu pachoob
ca utzac u yilicoob u xotol u chi kaax, u chi luum lae. |
| mn040 |
Heklay u kabaob al mehenoob uliob uay ti cah lae:
don Juan Canul, gobernador Num Kini
yetel don Francisco Ci, u lak;
don Juan Cocom, gobernador ti Coh;
don Gaspar Tun, gobernador Cuzuma; |
| mn045 |
don Juan Cocom, gobernador Zututa;
don Gonzalo Tuyu, gobernador ti X-Cacal;
don Juan Hau, Gobernador Yax Caba.
Layobi gobernadoresoob tu cahaloob lae yetel u regidoresoob.
Layobi ti kami u canil ti hohobakal ha |
| mn050 |
yetel ti hohopac pati yetel ti tatac xik u hulul chachac kan
yetel ti hunhunkal (hohokal) u hulul yayax tunichil.
Tamuk u yekabtabal tumenoob ah kuleloob don Juan Nic
yetel Diego Camal yetel Pedro Maz yetel Pedro Coba
ti hun moloob ti yotoch don Francisco de Montejo Xiu, |
| mn055 |
gobernador uay ti noh cah Mani ti hanal lae.
Oxppel arroba ci zati tamuk u mul canoob ca u tumtahoob ti bay lae.
Heix don Juan Cocom, gobernador Zututae: cimil u caah cħapahaan.
Ma uli Melchor Canche, Pedro Ucan:
tuxchitabiob tumenel don Juan Cocom, Zututa. |
| mn060 |
Lay kamiob u matan caniloob al mehenoob lae.
U yaxchunitac xoti u chi u kaaxiloob
utial Ah Acan Cehoob yetel Ah Cohoob yetel Ah Monaob.
Ti Chac, bel ti Ho tu xaman ti Chac
tzolaan u multunil ti dzabi cruzi. |
| mn065 |
Hoal u kaba cħeen bay u benel tzolaanil lae.
Zac Muyal Na ti dzabi cruzi u xul u luumoob Ah Cohoob.
Kochil Ha ti dzabi cruzi.
Cħeen Chakan ti dzabi cruzi.
Cizinil, Dzoyola, ti Chulul, Itza, Acan Zip, |
| mn070 |
Tipkal ti dzabi u xul u luumoob, u kaaxil,
u hol coloob Ah Max Canuloob, Ah Becaloob, Ah Canuloob.
Kaxab Ceh, Chac Nocac, ti Calam, Zacto ti dzabi u xul u luumoob,
u hol coloob Ah Canuloob, Tzimez Akal.
Ti Oppol ti dzabi cruzi
|
| mn075 |
u xul u luumoob Ah Cal Kiniob, Ah Becaloob.
Ti Yaxche, Zuzila, ti X-cab Cħeen, Dzepico, Zahcab Cħeen,
Ti Opil Cħeen ti dzabi cruzi.
Lay u xoylanil u luumoob utialoob Ah Canuloob lae.
Lay dzibaan xuk ppictun u caput likzah |
| mn080 |
yetel u chichcunah u thanil juez Felipe Manrique de Comision
tumen señor gobernador.
Ca kuchi te Uxmale yetel yah tzolthanoob ti Gaspar Antonio.
Lay u chichcunah u dza xukil
yetel u dza ppictunil halach uinic don Francisco De Montejo Xiu, |
| mn085 |
gobernador te Mani yetel provinciaob tulacal lae.
Ten uilah ix cen Francisco Cab, escribano, yah dzibul huun lae.
Hetun u hoppaanil u tzolol
utial Ah Maniob, Ah Mamaob, Ah Kitoob,
Ah Cuzumaob, Ah Zututaob, Ah Aboob lae. |
| mn090 |
Haba u kaba cħeen tu xaman ti X-Cħobenal Mani.
Ochil ti dzabi cruzi.
Ti Kanbul, Ca Dzockal, ti Yaal Ahau, ti Chuum, ti Tuk,
ti X-Noh Bec ti yan noh xuki.
Ti dzabi cruzi. |
| mn095 |
Ti Ca, Ti X-Conil Cħeen, ti Calah Tzo ti dzabi cruzi.
Ti dzabi ah canaanoob hol kaaxi Diego Itza
yetel Juan Balam u xul u luumoob
Ah Cuzumaob yetel Ah Humunoob.
Heix ah canaanobe hol kaaxie Ah Kitoob. |
| mn100 |
Bay binaanil u tzolaan ti Chulul, Ti X-Uah, ti X-Kin Xac.
Ebtun u xul u luumoob Ah Maniob yetel Ah Aboob.
Ti dzabi cruzi yetel ah canaani hol kaaxi Francisco Camal
yetel Francisco Chi.
U xul u luumoob, u xul ti ix utial ah Zututaob. |
| mn105 |
Heix ah canaan hol kaaxobe Ah Maniob.
U benaanil u tzolaan ti Chi May,
Pacax Ua yokol cħeen Meex Che Oc.
Batab Na Batun Tucuch, Ah Mamaob, u kaba.
Ti Nicte, ti Haaz Che, Tah Ma Ciz Tan |
| mn110 |
u xul utial Ah Maniob yetel Ah Aboob
yetel u xul utial Ah Zututaob.
Ti ix dzabi cruzi yetel ah canaanobi hol kaaxobi Diego Tut
yetel Pedro Tut yetel Francisco Tut, Ah Maniob lae,
dzabiloob tumen halach uinic don Francisco de Montejo Xiu, |
| mn115 |
ah canaanoob lae.
Yax Copoil, ti Cucul, Chac Dzidzil Na,
ti ix yan ah canaani Ah Ceh Xicum,
cahaan tumenel don Francisco de Montejo Xiu lae.
Ti chi chi caan Hol Cah Francisco Cauich Ah Mani, |
| mn120 |
lay canaanmail u chi kaax lae.
Ti ix dzabi cruzi.
Ti Zizbic ti ix dzabi cruzi
yetel ti yan ah canaani hol kaaxobi
tumenoob don Gonzalo Tuyu tal ti X-Cacal |
| mn125 |
yetel don Juan Xiu, Hunacti,
yetel Diego Cauich yetel Diego Mo taloob ti cah Hunacti lae.
Lay u xul u luumoob Ah Cacaloob yetel Ah Hunactiob lae.
Binaanil u tzolaan ti Tzalam yetel ti Kan Chunup,
ti Nocac, ti Chich Muc, Bitun Thul. |
| mn130 |
Ti ix dzabi ah canaan u xul u luumoob Ah Kaaxoob
yetel Ah Tzuc Cacaboob,
Juan Uitzil tal ti cah Tzuc Cacab ah canaan.
Bay ix binaanil u tzolaan ti Yoch Haal Ku,
Tah Xocħ, ti Tanamche, Xixom Kuch, ti Naac. |
| mn135 |
Ti dzabi cruzi u xukil u luum tu pach Calot Muul.
U xul kaaxil, u xul luumil Ah Maniob
yetel Ah Ppencuyutoob ti chichcunabi
yetel ti chicilbezabi tumenel juez Francisco de Magaña.
Heklay ppictun dzabi yetel cruz paki |
| mn140 |
tumenel halach uinic don Francisco de Montejo Xiu,
gobernador te Mani.
Ti X-Becan Zahcab ti yan cruzi.
Tah Pacab, Tah Muul Ox
he tun u xul u luumoob Ah Aboob yetel Ah Ppencuyutoob. |
| mn145 |
Ti X-Kan Xaan, Tzuc Ek, Zi Kaax, Tah Coh, ti X-Yaya, ti Cħulte,
ti Kom, ti X-Kinil:
lay u xul u luumoob lae.
Dzabi ix u xukil u chi u kaaxoob Ah Yaxa Haob
yetel Ah Culoob yetel Ah Ox Kutz Caboob. |
| mn150 |
Lay dzabi u chicul tumenel al mehen don Francisco Montejo Xiu,
gobernador, halach uinic tu noh cahal Mani
tumenel c' noh ahau ti nuestro rey ah tepal.
Bin ix oczabac tumenoob tulacal uinicoob
bin ilic u dzibal xotanil u chi kaax ti bay yanil lae. |
| mn155 |
Ti Mucul, ti Kan Izte, Calot Ku, Na Batun K... cahanic.
Tah Cul, Ne Om, ti Hazcat, Tanamche, Ni Buul, ti Hotbil Yaxche,
ti Cutza he tun u baale.
Bay ix binaanil ti likine.
Ti Hac Chah, Yaxa, ti X-Komil Cħeen, Na Cul Che, ti Yax Neil,
|
| mn160 |
Akal Tu Mac, Can ...
Lay hun tzuc lae.
Ti Tun Cuy, Yax Ha, ti Ho Lal, Hoppel Cħeen:
Huntul Chac yetel u chayan lae.
Ti Kini, M..., Cimabil Ha, ti Ho Ban Tzalam, Dze Kum Che, |
| mn165 |
Tu Mac, Kan Tun, ti Chac, Cik, Zac Cuc:
Huntul Chac Cun Pich, Na Chan Pech, cahaan.
Ti Muul, Na Chan Icipit ti Thoth: he tulacal dzibaan lae.
Bay xotaanil tulacal utial Ah Culoob ti chikin he ix ti likine
utial Ah Ox Kutz Caboob lae. |
| mn170 |
Ah canaan hol kaaxoob Alonso Cocom yetel Andres Euan,
Antonio May ah canaanoob ca utzac u yilicoob
ma u yanhal yanal uinic u tzente ubai.
Ti hun moloob gobernadoresoob, alcaldesoob,
regidoresoob ti cabildo, uay ti audencia |
| mn175 |
ti noh cah Mani tu tan halach uinic don Francisco de Montejo Xiu,
gobernador uay ti cabecera ti noh cah Mani lae,
ca tu multumtahoob yanil u ilal u chichcunabal u multumutoob
yetel u tzolaan yalmah thaniloob
yan ichil u tituloil uchic u xotol u chi c' kaaxil |
| mn180 |
yeteloob batabil caboob
tali ti likini, tali ti xaman, tali ti chikin, tali ti nohol.
Heklay u multumtahoob gobernadoresoob likuloob
tu provinciail tulacaloob lae.
Heklay u kabaob lae: don Francisco de Montejo Xiu, |
| mn185 |
gobernador uay ti noh cah Mani lae yetel u chun thanoob tulacal,
yetel don Francisco Che,
gobernador ti Cul yetel u chun thanoob tulacal,
yetel don Francisco Pacab,
gobernador tu cahal San Francisco Ox Kutz Cab |
| mn190 |
yetel u chun thanoob tulacal,
yetel don Alonso Pacab,
gobernador tu cahal San Juan Muna yetel u chun thanoob tulacal,
yetel don Juan Che,
gobernador tu cahal Mama yetel u chun thanoob tulacal, |
| mn195 |
yetel don Alonso Xiu,
gobernador tu cahal San Andres ti Kit yetel u chun thanoob tulacal.
Lay u kabaob gobernadoresoob yanoob tu provinciail Mani,
u mektanma halach uinic don Francisco de Montejo Xiu gobernador
uay ti noh cah Mani lae.
|
| mn200 |
Lay u hahil yetel u tohil uchic u dzocol u multumutoob
yetel u dzaicoob u ppictunil
yetel u pakicoob cruz tu chi u xul c' kaaxil.
Heklay al mehenoob taloob hunhuntzuc ti provinciaob lae:
don Juan Canul, |
| mn205 |
gobernador Num Kini yetel u chun thanoob tulacal,
yetel don Francisco Ci, gobernador Cal Kini
yetel batab Max Canul yetel u chun thanoob tulacal,
yetel don Juan Cocom,
gobernador ti Coh yetel u chun thanoob tulacal, |
| mn210 |
yetel don Gaspar Tun,
gobernador tu cahal Cuzuma yetel u chun thanoob tulacal,
yetel don Juan Cocom,
gobernador tu cahal Zututa yetel u chun thanoob tulacal,
yetel don Gonzalo Tuyu, |
| mn215 |
gobernador tu cahal ti X-Cacal yetel u chun thanoob tulacal,
yetel don Juan Hau,
gobernador tu cahal Yax Caba yetel u chun thanoob tulacal.
Uchebal ix yoheltabal u tituloil
tumenel c' halach uinic c' yum ti gobernadoresoob |
| mn220 |
lic u talel tac tan uchmale bay ix juezesoob
bin tuxchitabacoob ilcoonoob tu tanlahil c' yumil ti c' noh ahau,
ti su magestad ah tepale
yetel ix tu noh tanlahil c' noh yumil ti dios ah tepale.
Uchebal ix u tanlabal u patanoob encomederesoob |
| mn225 |
yanoob hunhuntzuc ti cahobe.
Lay u chun uchic u multumticoob gobernadoresoob
yetel u nucil uinicoob taloob hunhuntzuc ti cahoob lae,
ca ix ma anac uinicil bin dzaic u yanal than cu talelie
albiloob mehentziloob cu talele. |
| mn230 |
Lay u chun yutzcinabal yumil u autoil
tumeneloob u batabil cahoob tulacaloob gobernadoresoob
yetel don Francisco de Montejo Xiu,
gobernador uay ti noh cah Mani lae.
Uchebal ix yoheltabal hahil u tohil u thanoob. |
| mn235 |
Heklay u xotol u chi c' kaaxil yeteloob, coon Ah Manie,
yoklal ix hahil tu dzaah u kabaobi ti u tan ix cen ah dzib lae:
Don Francisco de Montejo Xiu, gobernador Mani
Don Francosco Che, gobernador ti Cul
Don Francisco Pacab, gobernador Ox Kutz Cab |
| mn240 |
Don Diego Uz, gobernador ti Kaax
Don Alonso Pacab, gobernador Muna
Don Juan Che, gobernador Mama
Don Alonso Xiu, gobernador ti Kit
Don Juan Canul, gobernador Num Kini |
| mn245 |
Don Francosco Ci, gobernador Cal Kini yetel batab Max Canul
Don Juan Cocom, gobernador ti Coh
Don Gaspar Tun, gobernador Cuzuma
Don Juan Cocom, gobernador Zututa
Don Gonzalo Tuyu, gobernador ti X-Cacal |
| mn250 |
Don Juan Hau, gobernador Yax Caba
|
