| cx001 |
Crónica de Cħic Xulub I
(Pages 22-23, Regil ms.)
Uay tu cahal ca yum Santiago Cħic Xulub yetel Max Tunil
kuchci españoles tu hol kaknab |
| cx005 |
lay utzcinic u tzolbenil u belel in yumoob
uay ti cah Cħic Xulub
Bay ah Dzulub Pech u kaba cuchi ti mali ococ haa tu poloob cuchi
yetel lay Na Kuk Pech u kaba cuchi xan
u yax mehen Ah Kom Pech taloob ti cah Max Tunil |
| cx010 |
yetel taloob ti Pac Tun likuloob Cucamis
tin ualal yahauliloob: Na Dzacab May, Dza Kum Cħel yetel Holcan Ku
yetel u chucanhan halach uinicoob yan Campech
cu ocan halach uinic Ah Cum cuchi
lay kamiob kul uinicoob cat yax banoob tu cahaloob |
| cx015 |
u dzahoobix patanoob xan
tix culhi capitan Don Francisco de Montejo
yetel adelantadolobi capitanoob yetel Aranda
leobi okcoob ti luum uaye
te yan cuchi Tzuc Mukule yetel kul cab onkin yanhi yan |
| cx020 |
ca luki cat tali tah Ox Cum tux cah tijx tan u tepaloob Na Batun Pech
yetel Ah Kin May tu batabil Batab Pool
yetel Ah Kin Caamal yetel Na Cantinal yetel Batab Canul
ti lic u batabil tah Ox Cum onkin yan
cat taloob Max Tunil yetel tu Lahtuna onkin yanhiobi |
| cx025 |
yetel yan tijx yalakobi u kekenobi tan u tepalobi
Na Batun Pech, ah kin May Ocom Cetz
yetel Ah Kul Canche yetel Na Chan Pech
yetel Na Kuk Pech lae culah uiniciloob Max Tunile
yetel tah Lahtunoob |
| cx030 |
lay kamiob españolesob yetelobix tu dzahoob patan
likulbil uinicoob tu tibilil yetel pucsikal
minan katun tu yolahoob uchci yetel dzaicoob patan ti españolesob
laili tu tibilil u pucsikaloob cici yacuntahobi xan
tumen kul uinicoob lay españolesobe |
| cx035 |
ti bin yanobi ca binoob tu hol kaanab Ni Tun Elmay
yilaboob kaknaboob ti yanhiob
ca binoob Tzunul tu hol kaknab Dzilam tu ahauil Na Mul Cħel
onkin yanhiob cat taloob tu caten Max Tunil lae
cat taloob tululpachoob ti tun lukuloob te Max Tunil lae |
| cx040 |
cat binoob Campech tu caten tix yanobi
cat bin dzabi patan tiob ah Max Tuniloob
tu binzah patan tiob ulum yetel ixim
yetel cab yetel lauac baal cħuhucil
tix u ppatahoob u kekenoob yetel u caxoob |
| cx045 |
yetel yucastilla yetel yulumoob lae
calemhi u bisal patan tiob tumen Na Chan Pech
lay tumen uchi u binobi Campech u binesoob patan ti españolesob
lay kul uinicoob lae Na Chan Pech
lay cu tuxchitabal tumen batab |
| cx050 |
ti u bines patan Campech
laix u yax ilah u yulel padresob lae uay ti luum ti Ho uaye
lay Na Chan Pech, Gabriel Pech u kabatah
ca oc ha tu hol tumen padresob lae F. Luis Biarpando [Villalpando]
yetel Fray Lorenzo, Fr. Angel yetel F. Juan de Erera |
| cx055 |
ca tun binoob ca talob pocob tok u yax hedzoob luum
ca uchi concista uay Max Tunil lae yetel Bena. |
| |
| |
| cx100 |
Crónica de Cħic Xulub II
(Pages 23-26, Regil ms.)
Ten cen Don Pablo Pech uali Gobernador uay ti cah Cħic Xulub
lic uutzcinic u tzolbenil in yumoob
Bal numya u mansahoob ca uchi concista |
| cx105 |
uay ti cah Santiago Cħic Xulub
Lay Ah Dzulub Pech u kaba cuchi ma ococ ha tu pole cuchi
yetel Na Kuk Pech u kaba u yax mehen Ah Kom Pech taloob,
taloob ti cah Tumul
Catun culcinabi, u canante u cahal u yum uay Cħic Xulub |
| cx110 |
ti minan u manate u talel señores españoles
uay tu luumil Sipatan, Yucatan
lay tun in halach uinicil uay ti cah Cħic Xulub
ca tun uli Sr. Don Francisco Montejo yetel señor adelantado
uay ti Peten lae ichil yaabil 1538 años ca uchi lae |
| cx115 |
laili batabil u cahi ca uli señores españolesob uay Max Tunile
laili kami yetel u yabal cilmak olal
yetel u yabal tanlah yetel lay yax dzai patan yetel u siloob
yetel u cil hanaloob españoles
heklay Aranda yetel Don Francisco Montejo adelantado |
| cx120 |
yetel u chucanil concistadores
ca uli uay Max Tunile tu tancabal Na Chi Maye
ti yan uliob ca binoob ilabiloob
yetel tibabiloob cioltabiloob uchic u yuleloob
ca tun u dzah u siloob tiob mai to ococoob ti cah cuchie |
| cx125 |
Chen bel sutul cahoob cuchi uay ti luume
ti tun likuloob cu binoob tu Hol Pay Dzunul, tu Hol Payil Dzilam
tancoch ti oxppel haab cahanobi tiobi yan cuchi
ca bini u kubulte in yumoob tiob lay adelantado u kabae
lay sutnahi ti uay ti luum lae |
| cx130 |
yetel dzabi hunppel cħuplal Ix Kahun Kuu tiob senticoob tiob
lay dzuloob lae tumen in yum te tun yan Pay Dzunuli tu Hol Pay Dzilame
ca tun tali katuntabiloob tumen ah Cupuloob
ca tun lukobi ca binoob cahtal te Ecabe,
Kantanen Kin u kabae u luumil cah laciob |
| cx135 |
ti ix yanoob cuchi ca katuntabi tumen ah Ecaboob
ca tun lukcobi ca binoob Chauac Ha
ti tun ocobi te manoob ti cah Tix Dze Kom ti u kaba cah manciob.
Ca kuchiob ti cah Tix Cumcuub u kaba cah kuchciob, ti Num u kaba
ca tun binoob u dzacal u Chi Cħeen Itza u kaba |
| cx140 |
ti tun u katahoob u rey cah u thanobi
ca alabi tiob yan ahau: "Yume" ci yalaloob.
"Ti yan ahau Cocom te Xeleb Nae yume" ci yalabaloob tumen Na Bon Cupul
cu lukuloob tun Chi Cħeen Itza lae
ca tun kuchiob yicnal Ahau Cocom te Ake |
| cx145 |
"Yume, matub a binelex telae minan satacex"
ci bin yalabaloob tumen Ahau Ix Couat Cocom
ca tun uakahiob ca tun binoob tu tutulpachoob
ca kuchiob Chauac Ha tu caten
ca tun kuchiob tu Hol Payal Catzim Yucal Peten |
| cx150 |
ti tun nacoob ti kaknab
ca tun binoob ti cahtaloob tu tutulpach te Tzeleb Nae u kaba
lay yax calahcilobe
ca lukoob uay ti luumobe lay yetun Chakan Potune
uucppel haab cahanobi ca ix u hoksahubaoob te Campeche |
| cx155 |
lay adelantado Don Francisco Montejo u kaba
lay yax dzuloob lay mani ti luum uaye
ti tun yan Campech cuchi ca tun u katahoob patan
ca ix uyabi u thanoob tumen u Batabil cahoob tulacal
ca tun hoppi u bisabal patan tiob te manoob ah bisah patan ti kaknabe |
| cx160 |
te ix bin in yum yetel Ix Kil Itzam Pech yan Conkale
lay ulahi in yum ca bini u bines patan yilaboob
yetel Na Chi May u lakoob
yolal yohelma u thanoob lay españoles
yolal to ti yax kuchi lay dzuloob ichil yotoch ca uloob lae |
| cx165 |
lay tah oklal u chahahoob u lakintoob
ca binoob tu pach patan yet tailtahoob españolesob
lay nachimai lae ti tun u matahoob ti capitanoob u yuob
tix u matahoob Nok yetel Rosario yetel capote
cici ol taboob tumen capitanesob |
| cx170 |
ca lukoob ca dzoci u dzic u sil ti españolesob
yantac ix u binoob ca uliob lay Rosario yetel capo, sayo yetel capote
lay ix Kil Ytzam Pech yan Cumkale
laix in yum u lak yetel ah dzulub Pech u kabatah in yum
lay u noh batabil patan cat binion Campech u kuboob patanoob |
| cx175 |
ca ix uliob tutulpache tamuk u talel espeñolesob Beel Campech
talel tun u cahoob ti cahtal Ti Ho
tuchi ca yubah u taleloob españolesobe
ca bini u dza u sil tiob tu caten u chacuncunubaoob
ti lay in yum Na Kuk Peche batab uay tu cahal Cħic Xulube |
| cx180 |
yetel Ix Kili Itzam Pech noh batab ppatabil cah Cumkale
ti ix oci u siloob tiob tu caten Dzibilkale
ti ix u chucancunah uba tiob tu caten
ca tu kubah u siloob: ulum yetel cab yetel ixim
yetel lauac baal cħuhucil hanal u kamic te Dzibilkale |
| cx185 |
tam u cutale yocoloob ti cahtal Ti Ho
lay Don Franicsco de Montejo Capitan general
yax uli uay ti Peten Ti Ho lae
yetel Francisco de Bracamonte yetel Francisco Tamayo
yetel Juan de Pacheco yetel feraberes |
| cx190 |
lay capitanesob lay uliob ichil yaabil 1541
lay haab ca uli Ti Ho ti cati ti cah tal Ti Ho
laobi capitanes maktanil españolesob ca uli Ti Ho lae
laili batab in yum ah Na Kuk Pech
ca uli españolesoba te Ti Ho |
| cx195 |
laix yax kamcoob patan ca uliob te Ti Hoe
laili cu batabil uay Cħic Xulub
tamuk escribanoil Rodrigo Alveres ichil yaabil 1542 años
tan u toxol cahoob ti conquistadoresob tumen Capitan Adelantado
lay u yax escribanoil Rodrigo Alveres |
| cx200 |
lay dzibtic u xocan patan tu yulel tal hunhun tzuc
ti ca lic bai tamuk u kubic patan in yum xane
ti ix tamuk ban cab patan tiob españoles
tumen capitan adelantado yetel escribano Rodrigo Alvares
ya ichil tun hun tzol haab uluc tun españolesobe Ti Ho |
| cx205 |
Ca tu hoppi u ilicoob u yumil kul uinicoob encomendesob cahoob tulacal
ca ix cħab in yum ca dzabi ti Julian Donsel
lay u yax yumilatah cah uay Cħic Xulub
ca ix u mach u kab yetel tu tan Capitan Don Francisco Montejo adelantado
lay tu dzah in yum tu kab Julian Donsel |
| cx210 |
ca tun hoppi u tan oltic u patan u yumil dzulil u yumil kul uinicil
lay in yum ti Na Kuk Pech lay lae laili cu batabil
ca uli Gaspar Suares, yax alcalde mayor
mayor uay tu Petenil Sipatan Yucatan Ti Ho lae
Caix uli Albaro de Carabajal alcalde mayor xan |
| cx215 |
caix uli oidor Tomas Lopes
laili batab cuchi lay in yum
he u kabatah in yum ti ah Na Kuk Pech
ca oci ha tu polo yetel santo oleoe Don Pablo Pech u kabatah
ca tun haui u kabatic Na Kuk Pech |
| cx220 |
tumen dzoc tun yocol ti cristianoile
laili ili batabil cuchi ca tu anhi santo okolal ti
yetel ti cahoob tulacal
laili ix yax machi bara utial justiciail
lay yantah u than ca yumil ti Dios yetel ca noh ahau Rey Ah tepal |
| cx225 |
lay tun ca yum oidor Tomas Lopes ca uchi
lay tun yax dzae u xicin patan ti bataboob ti cahal cahe
laix cimes ban cab patan hitun u dzocol yahalil oidor Tomas Lopes
ca uchi lae ca tun tu lucsahuba tu batabil
ca tun tu kuba uba xan ti u mehen |
| cx230 |
ti Don Pedro Pech ichil yaabil 1552 años
lay cu yocol yaabil lae
he tun yaabil uchi cu meyah in yum ti Dios Pedro Pech Gobernador
uay ti cah Cħic Xulub lae
lahunkal haab Na Hau Pech u yoxtule yetel Ah Tunal Pech u cantule |
| cx235 |
lay u tupiloob lae
lay tun uliob uay ti cahtal yicnal u yumoob Tah Kom Pech
uay tu cah Cħic Xulub lae yetel ulciob tun u cuchteeloob tu pach
ca uliob uaye ti cahtale yetel ulciob yah kinoob yetel u hol popoob
yetel u yah kuleloob tu pach u halach uinicoob |
| cx240 |
ca uliob uay ti cah Cħic Xulube
he ca tu cahiob uay lae
lay ca culcinabi Na Kuk Pech tumenel yum tah Kom Pech
lay yax culcinabi lay Na Kuk Pech lae muktantic cah lae
dzocanili tune u dzabal cah u canante Na Kuk Pech lae |
| cx245 |
ca tun uli u chun u thanoob tu pach
yetel u yah kuleloob tu pach yetel u hol popoob yetel u yah kinoob
lay u kabaoob lae Ah Kul Matu yetel Ah Kul Che yetel Ah Kul Cux
yetel Ah Kin Cocom yetel Ah Kin Tacu
lay u yah kinoob lae |
| cx250 |
laix mektanmail ca uliob uay ti luum Cħic Xulub
yetel ulic u hol popoob tu pachoob
lay Na Chan Ceta yetel hol popoob Xuluc
lay cu hol popi ca u hedzahoob luum uay Cħic Xulub
caix uli u hol canoob yetel u Nacom Ku yetel Nacom Xuluc |
| cx255 |
yetel Nacom Pot yetel Nacom May
yetel Ah Cuy May u kaba yetel Nacom Ek
lay u kaba nacomoob yah mektanul bataboob Na Kuk Pech
ca uli uay ti cah Cħic Xulub
lay chiccuntic u mutul cah |
| cx260 |
laix ali tiob u halach uinicoob ca chichhi u hedzel cah uay lae
tumen nucteiloob layob lae manan u yanal mac tu cahcuna cah
yetel chicunic uay lae
laobi tu batzil yan canal lae----
|
| cx265 |
Baix xan dzocanili yulel españoles ti noh cah Ti Ho
yetel dzocanili u kamal cristianoil tumen uinicoob uay
tal Ah Ceh Pech dzocanili u molol cah
tumen in yumobe uay ti cah Cħic Xulub
caix hoppi u licil u katun españolesob yokol u luumil u cahal |
| cx270 |
ich muloob Ah Kooc Uahoob
ca tun bini in yum Na Kuk Pech tu pach katun
ca tun oci u patan lay uinicoob ah ich muloob Ah Kooc Uahoob
lay tun mektanmail u yumil dzuliloob
ca bini ti katun tu pach españolesob |
| cx275 |
yukah kaah yetel tumen u cuxiloob ti kulbil uinicoob
Heklay españolesobe
ichil uacppel :U: yan in yumobi tu pach kul uinicoob
lay españolesobe ti numya tumen tu dzahoob bal tu lae
yetel kaah ti cħeenoob |
| cx280 |
lay uinicoob ca tu liksahubaob tu catene
lay tun in yum Don Pablo Pech Na Kuk lae
maktanan tumen u chun u thanoob
laobi hach yilahoob yuchul bal tin cantah ti a ulahi xan
ichil in informacion tulacal lae |
| cx285 |
uchebal yoheltabal tumen in cħibaloob in mehenoob tin pach
ti uchen cimic u hach hahila +
Ten Don Pablo Pech. |
