| |
Post Conquest Mayan Literature
Crónica de Calkini
| ck11.01 |
....nob nakoc.... esob lae; hetun ah tanbeob lae....
Ah Chulil Ha kalo, Naa Puc Canul v batabob cahanob to cuchi.
Ti to cuchi ti to cahi dzul yicnalob.
Ca u lukiob vay Calkini.
Naa Hau Canul v Canul batabob ah Chi Caan kalo, Naa Un Canul
....nob Naa Hau Dzul u kaba v kul Naa Mo Canul ....
Na Bich Canul v yoxnac yah canob .... Maxcanu kalo,
Na Hau Canul v batabob ah Kul Calam
v kul ah kulcob v canac yah canob.
Ah Kul Chim v yoxnac yah canob Ah Noh Cacab kalo.
Naa Chan Uluac v batabob ah Kul Chan
v kul ah kulyah v canac yah canob Ah Becal kalo.
Batab Nauat v batabob.
Na Un Canul v batabob cuchi v ppatah
ca bini tah nab ah kulyah v kul.
Ca tun ti kuchi Naa Chan Canul tuni
ti Pakam v talel ca kuchi.
Lay ti oci ti batabil lae ah kul tu cuch v kul
Ah Kul Huh v canac yah canob Ah Pakam kalo.
U tabal v patan ah Calkini hunppeli ti cah tilob.
Na Batun Canul v batabob Ah Kul Chi
v kul Ah Kul Dzib v canac yah canob
yaabob tuba cuchi xabob ti cah. |
| ck12.01 |
Lay tun v batabob vli vay Calkinie yetel Na Puc Chi v kul.
He Ah Kul Dzibe, bini te yan v mehen tah nabe.
He batabob ti dzoci yn tzolcantic v kabaob
yetel u kulob yah canob lae.
Heklayobi tix xoti v patanob....
tancabal Na Pot Canche vay Calkinie.
He ta .... ool patan hunhuntzuc ti cabe:
hohocot sactan vlum, hokal ti mol cab bayx yiximal,
hokal ti mol cab yiximal xan.
Heuac ma nu.....chul mehentac na.
Caix kaxlic xan hoppol v cabil lahun tzitz ak v pidzil.
Ca oci v bal cuyub oci.
Lahun tzitz ak ix v uakbil kuchil.
Ca oci heuac he ulum yetel yxime yetel cabe thoxbil.
Hetun uakbil kuch yetel pidze
ma thoxbil tu chi dza hun tu chi chumuce.
Ca hoppi v bakicob vba tu pachob.
Ca tun thani v capitannob: "Dzaex ci tun." v than.
Ca tun v pulah vba yokolob tun ca u salamtahob et xakob
yetel culua tulacal
yan yaab u chahi, yani ma yaab u chahi xan
dza dza uac tech cech seb u cha u cibahobi
tu tun v capitannob ti Montexo.
Lay c'ilah yocob u patan lae.
Heuac palen cuchi tu pachen yn yum yan cuchil
tamuk ulic yutzcinabal bay bic yin cav..tic lae.
Tien uaan yicnal yn yum ti Na Pot Canche dzay uch
yokol cheen ti Ix Halim u kabae
ti uaan yahau yaxche cuchi |
| ck13.01 |
ti utzhi yalan tulacal vay Calkinie.
Heix u batabilob tijx cin tzolcantic
yetel u kilib u kabaob tin ualah canale.
Lay yanob ca uchi pach yumil vay lae la u kuk....
u kabaob lae yalan lae tinmenel lae
hetun ca yumil dzulil coon ah Calkinie
lay Pacheco ca yax yuminahe huntul munach
kubi ti Ix Cheen Uitzil u kaba
mul manbil tumen cah caca sap u tulul
ca kubi helae
maiman kin tac binie tac lae,
va tali carpintero, ah menche v kaba, suy kup u hool.
Ma kebani ca atan yx chan ma Señorai.
Lay tun man kin tac yuminic lae.
Huntul ppentac kub ti Na Hau Tzel u kaba u ppentac Na Un Canul.
Mul manbil ix u chi ti heuac ma chucpah
ca sap u tohol col u chioe cantah tumen v nucil vinicob.
Heklaobi cahan v chij ca ti uli dzulob lae.
Lay tah kubul teob lae
Ah Kul Canche, Na Canche, laobi lae.
Bay xani hun tzuc xanie hetubci tuhob
yn chibal yn talice Moobili, ah sidzba ....
Moobilix ah kekex olali bax ti can xani.
He in noh sucun ti Na May Canche.
Ca ti lukiob te ych cah Mayapane yetel u batabob ti ah dzui.... Canul
Heklay chibal talic: Ah Ytzam Nauat, Ah Canche.
Heklay cahicob ytzlah lukiobix Mayapane
yetel Ah Tzab Canule yetel Ah Kin Canul xan |
| ck14.01 |
yetel Ah Yaabca Canul xan yetel Na Lim Canul
tah chacah Canul yetel ix ca Pacab Canul yetel Na Bich Canul.
He batabob tin tzolah lae, bolontulob.
Laobi ti yet cantah in noh sucun ti Na May Canche
Chunpahice laobix ti yacunte cahob yetel u batabilob
ti yacuntabix tumen cahob xan.
Ti tu cuchah vinic yn noh sucun Bitun
v cah uchic v banal v cuchteel tulacal baal
tu chi yotoch tu popol naob.
Ca hopp v mul canob ti ca tal v paabaob.
Ca likiob ca talal ti cahal
ti ca alah cu mentiob tun yan
ca ti bini Na Bich Canul te tu Chi Caane yetel Na Un Canul
catulob batabi
ti bay hoppic v xabalob ti cah lae
v benel tan chac Ah Canul Siho yetel u cuchteelob
yetel yayikalob Na Un Vicab yetel ayikal Chan
v cultal tun batab vay Calkinie.
Heklay tun v batabil Ah Tzab Canule cumlahic v kul ti Ah Kul Canche
Na Moo v naal
Lay v chibal Na May Canche yetel Batab Che.
Lay v chibal ti Cimi te manie yetel Ah Balam Dzul
manan chibal tiob
heuac teob ti sati te chakane
Ca tun ti cumlahi Ah Kin Canul te Sac Nicteel Cheene
ah Kul ti naal v kul yetel Na Can Cauich yetel Ah Kul Ceeh
hex ah Dzitbalcheob lae he Na May Canche ti c'alahe,
vlen tun kin batabile tumenel v hel canil,
v batab katun batab hic Dzitbalche yetel yah Kin ti Ah Kin Coyi |
| ck15.01 |
heklay Chuuen Coyi.
Heklay cim tu chun bilche te Hecel Chakane
yetel ah Kin Tun Ah Chac, v paal kaba Ah Kin Chac v cappel v kaba.
He u batab katun lae.
Ca ti liki v katunob Ah Chakano.
Heklay vchic v cimsahob te ti Cuychee.
Te tu cimsahob ma xocben vinic.
He batabob v batab katun lae.
Chaanili vba ti cimil hoppis bac tu hol chac.
He v bin ych katun yetel ca u dzaah yukan.
Caix u dzah yutun xan.
Ca u kapinah chimal tu kab yetel u naabte
ti cimi ych katun yetel u cen tin ualahe.
Lay ti yutzcinah tu tancab Kuche.
Vchic u cimil tu holcanil tu batabili xan.
Heuac he yutun yx katic v nictel yetelix Kan Cotom
tu kul cali v nabal tuci ix Kan Cotom
yuma tuci Canche holcan ychil u bel tu holcanil.
Lay chibal toon lae.
Ti yan v mehen, oxtul.
He v nohol v mehene; Naa Pot Canche yal Yx Ikal.
He yidzine: Naa Chan Canche, yidzin Naa Chan Canche
yetelix Na Batun Canche, Siyah v pal kaba, Yx Chan Pan ti u na.
Yalanix hex yoxtul v mehene: Na Chan Ix v kaba, Xana v paal kaba.
V catul yal Ix Chan Pan ti ca u cha v tan v nohol vinice.
Lay Na Pot Canche v chaicix yix mehen Ah Kin Can.
Ti tun sihi ah col che yetel Ah Ytzam Canche
v tak tu tan cantulob ti mehenil |
| ck16.01 |
cantulobix v chuplilobilix vay ti sihion Calkini lae
cimenili Ah Tzab Canul.
Ca ti uli kul vinicob lae.
Lay tun Naa Pot Canche ti kamiob ti patan.
Ca ti uliob tu tancabale ti ta can v batabob ti men.
Lay Na Canche Canule, lay Na Pot Canche tu dzan uba tu tan kul vinicob.
Tanlah ti yan v ppentac.
Lay Ah Cot Mas v kaba yetelix Cahum Kuk v uinic.
Ti tun ti alabi batabil tumenel dzul yetel u haan ti Na Couoh Mut
yetel yidzin .... Na Chan Canche yetelix Na Batun Canche
v canan vinic v mehen yalic he Na Pot Canche lae.
Lay cuchmail cah vay Calkini lae tu tancabal.
Ti uch u kubul patan ti Montexo capitan
ca ti uliob vay Calkinie yetel u holcanob tu pach.
He ca hulob tal Sac Nicteel Cheene
paybe ulci v kekenob yetel u culuaob ti Gonsalo v capitan culuaob lae.
Hetun ca huliob v dzulilob tune
hun chup kin tu Chun Caan cu sastal ti likin ca uliob.
He ca tali v kuchulob tu hol cah vay Calkini lae.
Ca dzoniob tu hunten.
Hetun ca kuchiob tu uol chakane tijx dzoniob xani huntenhi.
Ca tun kuchiob ti yotoch tun tix dzoniob tu yoxtenhi.
Bay tun v cibahob lae.
Ti hun mol ah Calkiniob v pakteob
v dzocol yulel v patan hunhuntzuc ti cabe.
Ca tun v kubahob ti capitan lae chuyub pix kin ti hatzcabe.
He patan v kubahob lae: hokal yiximal ti mol cab,
hex yulumale hokali xan, lahuyoxkal v pulil cab, |
| ck17.01 |
hun kal xuxac pidz, v bal cuyub oci, bayix v sac kuchil xan.
Lay u patanob tu kamah Montejo yalan yaxche ti Ix Halim lae.
Ca tun ti hoppi v thoxicob yxim
tu batanbaob tumen v tupilob ti ah tacan tupil yalabale.
Ma ohelan u kabae.
Maix u tanciob yulmal xan baix toxci yulmal xan.
Baix thoxci v patan, he ix u kuchile hun banhal u cibah
Ca tun hoppi v ba kik thol, chotun ca thani v ca vitanob
ca yalah dzaex chaex tulacalex.
Ci yalabalob hetun tucob yan yaab u chah yan ma yaab u chaah
tu than huntul tulacalob chuplal yetel xiblalob.
Batun cu caluac tiob lae.
Lay u chun tu tancabal Na Pot Canche lae.
Hex almehen cabob ah otochnal, laobi lae.
Lay u batabob Na Chan Canul v cuchma yilah yuchul buuach lae
te ta can tu nij yotoche ti yan tu can tu yotoch Naa Pot Canche lae.
Lay u tabtahob tumen dzul.
Lay u chayah v naal lae,
Na May Tayu yetel Na Chan yetel Ah Kul Couoh yetel yah canob.
Laobi lae naante tu chune.
Lay yah Kin lae ah kinob:
Ah Kin May yetel Ah Kul Ah Nabantunalo Na May Tayu huntuli
ah dza ti ya huntul xani ah cha uil huntul xani
Ah Dzuun Che v ppentac Ah Chauil lae, Ah Chuuen Chay v catul v ppentac.
Laobix v nucil ah Calkiniob lae.
Laobi ti cahani cah vay Calkini lae |
| ck18.01 |
He tu tan v beel cahobe
laobi lae Na Hau Kumun, Ah Tzab v pal kaba
heklay v yum Juan Kumun u kaba.
Ca ti oci ha tu polob tun
Na Cahun Che lay v mehen cahie Juan u kabatah.
Ca oci ha tu pol Na Cahun May, Ah Xun May v coco kaba,
Na Puc Cime, Ah Pach Uitz v coco kaba,
Na Dzul Cime, Na Couoh Mut v haan, Na Pot Canche.
Heklay ti oci ti batabil v mehen vay Calkini lae
Na Chan Couoh, Ah Na Ytza v coco kaba,
Na Ahau Ku manan v chibal ca ti zatiob
Na Chan Che, Ah Kan Tzohom v coco kaba,
Na Puc Uc, Ah Tup Kabal v coco kaba,
Na Puc Uc huntul xan Ah Xochil Ych u coco kaba.
Laobi cahan vay ca ti kuch kul uinic lae
lay ti mansiob ya uay Calkini lae bobilila
mali pimo loobi ti pul cuch tijx ma bolil sansamal
ca hatz u be v cuchab bay pocboc lae Chulil Ha tu tancabal
Na Puc Canul, Ah Cen Canul v pal kaba, Na Cabal Batun u ppentac.
Tu tancabal ah kul Canche lic v likil vay Calkini lae
tu tancabalix ah kin Canul
lic u kuchul pocboc xan bateelbil u lukulob to balcabix
u talob tzayan v tal yah tohlil tu pachob.
He Ah Lin Canul lae, u ppentac yah cuchab yetel u uinic.
He tu yaabhal cuchi lic u toc likil v mehenob
ah tok v nohol u mehen yetel Ah Chim Canul yetel yidzin.
Hotul u ppentac v yumob.
Hotulix u uinic xan tu tancabal ah kul Canche
lic u banalob yetel v cuchob tulacal lae |
| ck19.01 |
yan yan ceex almehene,
ma baxal cani ya ti hun lukul u canilix mama ueneli
hauix u manlahal uinic ti be tumen he tu xotal be
tumen laac mace to balcabil
v xoticob be xen ua ci cech ah alcab ti kaax laac ti pocche,
u ben yalcabob sahacob tu chuculob
ti cuchob maalma ti cuchi tumen dzulob
ti cuchi tulacal nu chi ppek tan ban tac u cal ti mascab
mucub chibali pek ta nok cech uinic u cah tiob ti Chuyche.
Tabi keken Chuyche tei keken ta nok cech uinic
Ti cuchiix chuplal xan.
He u cuchteix chuplal ta nok tijx ma pic.
Bay u cuchul ah ci.
Ma hunten, caten utzcinabi v cantic lae.
Yaabhijx u tenel, ma xocbeni.
Lay ti c'utzcinah yetel ca yumob vay tan be Calkini lae.
Maix tu cibahob ah pocbocob ah tanbeob
yetel ah pak muchob yetel ah nabob.
Bay ti cibah ah tulacal lic katic lae.
Heex bel ti Hoe baix tu cibah ah Chulil Ha yetel ah Chi Can
yetel ah Maxcanu yetel ah Chakan Cabob ti ah Dzibilkal.
He u batabile: Na Couoh Canul v naal, Na Mo Uc v kul.
Bay xan he batabob tzolanob canale xaban v chayob ti cab
ti culahe hun mol tun hulicob vay Calkinie,
vay ti liki tu tan Ah Tzab Canul.
Ca ti bini ti batabil tijx Bacab Cheen,
laix ca pacab Canule yetel u cuchteelob yetelix u kul ti Na Chan Coyi.
Ti yan ti batabil tijx Bacab Cheen.
Ca uli kul uinicob te Chan Potone. |
| ck20.01 |
Ca tu molah uba batabob.
Ca ti tuchitabi tumen batabob te Chan Potone.
Bay xan he ca hun molhi cah vay Calkini lae yaab ua u canob.
Ti huli Ah Tzab Euan v batabob Ah Mopilaob.
V cante v canob ti Naa Chan Canul, v Batabob ah Calkini.
Caix tu nuch cantahob yetel yet Batabil
natab vchac v colob v cahalob ti yanix v Bakaal Haaob.
Ti huliob mali ulucob ti tzucen ....
be lay v chun v hun molcinah ubaob Ah Calkini
yetel v batab Naa Chan Canul yetel yah canob.
Ti hun molob tun tu yotoch Naa Pot Canche.
Ca ti hoppi v canan colob yetel Ah Tzaab Euan v batabob Ah Mopila.
Tijx yan yah canob tu pachob yetel yidzin ti Ah Xoc Euan
nama yix vtiaal Ah Kin Canche yatanob Ah Kul Xool
v canac yan canob Ah Kul Chi yox nac yah canob.
Ti yanix v Bakaal Haaob yetel Uciob
tamuk v canacalob lay v batab ah Calkiniob.
Ti hun molobix ca ti yekab ta ti kaax tiobe yan tu likin cah Calkini
lay tu lah ti yokol Akal ti Halal yetel yokol Akal,
Tzemas Akal c'alac bin u col Ah Mopilaob tac tane
ti maix ppentac kaax loe
licix yalic Na Hau Canul v batab Ah Calkini yetel Naa Pot Canche lay lae.
Mamac bin ocsic ya ti ych ca mehenob ti kin |
| ck21.01 |
lic v ulel talci tac tane
maix uchac ocsabal ya tiob tumen yal ca mehenob tac pach
uchmal xane tumenel ah ydzin sucunilon a uetelex
ci tun v thanob v Batabob ah Calkini
ca dzoci v canan colob yetel v batab Ah Mopila.
Caix yalah v batab Ah Calkini
va bin dzococ v banal calakob tzucen tzuc ti cahob vay Calkini lae.
Te u binel v colob tanxelil ....
hol tal ti utze vaix bin u kat tex xane
teex tun a uohel ua uchac a dzaicex v colob tu yam a colexe
heuac tu canil v talel ca bin a beltexe
Ca tun v katah Ah Tzaab Euan, v batab Ah Mopila
va tab yan v dzal kaax te ti xaman lae
vaix tab yan v xul u kaax ah Becalob xane.
Ca tun yalah v batab Ah Calkini ti Na Chan Canul
yetel Naa Pot Canche, Na Chan Che
he yokol akal Tzemez Akal ti u xul tu chakanil
tijx maix tix tu xamane yoklal ti cahi Na May Tayu
yokol akal Tzemez Akal nucte vinic yoklalli xan
lay u xul ca luum
manac Tzuc Xaan
manac chumuc yahau chakan uaye xaman akal Xicinchah,
manac tiix Koch Yol,
manac tiix Cal Xub,
manac tijx Calak Ya.
Ca tun v thucub tu xul v kaaxil ah Halachoob ti xaman v u....
Chochola yohel Batab .... yetel .... Canul yetel Na Chan Canul lae
ti likul ti Pakam ca kuchi Becal |
| ck22.01 |
Ca oc ti batabil Becale yoheloob u xulil kaax lae
yohel ix Ah Tzab Euan, u batab Ah Mopilaob lae
he lay u sicinail lay kaax lae:
u kaaxoob Halacho yan tu xul cah Chochola lae.
Lay ix sicinail u kaaxiloob Ah Mopila laob xan.
Lay u chun mamac bin thanac maixmac bin auatnac xane.
Bayix u yancunabal u tu tusbil thanil
yan pahebal v canil v xulil ca kaaxil lic cu dzaic teex lae.
Maixmac bin dzaic multun xanie
yoklal v chun yoc yail yetel cimsah tanba
va bin dzabac multun tu dzoc kaaxe,
binix pecbesabac amal u tenel tumen v kazil vinicobe
ti kin tac tan licil ca binele
lay u chun ma uchac v ppictuntabal v chi kaaxe.
Lay u xul hecen ti c'alah teexe
maix uil a uiliceex v helbesabal
ti kin lic u talel tac tane tumen hach yaabil cah
lic u talel u cuchic chan chan Calkini lae.
Ci tun u than Na Chan Canul, v batab Ah Calkini
yetel Naa Pot Canche, Na Chan Che, Na May Tayu, Na Batun Uc.
Ca dzoci v canan colob yetel v batab Ah Mopila.
Lay tun u yuyuba Naa Pol Huchim, Ah Ceh Huchim.
Ca bini Xicinchah yetel Na Un Chi yetel Naa Batun Tacu
yetel Naa Chan Chi, Ah Xoc Chi v kaba oxtulob ti mehenilob lae |
| ck23.01 |
Naa Batun Che, Na Canche ah keuel uinicoob lae tulacal lae.
Bay tun nacicob v colob tulacal
emicob tu lak cabal Tah Puc, ti Sinab, Koch Yol yetel Ytzimte,
yetel Pacante, Kumtun Ah Mopila tal Tzemes Akal yetel tal yokol Akal.
Ti hoppi u mulcantoob can
v hoppol u canil tumenel ca batab yetel u batab Ah Mopila.
Lay tun cun ylabil u thuloob u chicul v kahlail v kaba u chi kaax
ti c'alah ti cal ca mehenoob camac u c'olaloob v satal yikoob.
Ti uchion sati tac pach uchmale.
Maixmac uchac u tacic u thani
maixmac uchac v tacic u can.
Yan pahebal ma chan oc yaili
maix chan sauinali
maix uchuc yauat uinic tumen ma utialie.
Heklay u chun licil cu dzaic v titoloil ca than coon Ah Calkini.
Calac yilabob yetel ualmehenob Ah Mopiloob
tu pach vchome tu tanob ix bataboob.
Lic ca mentic ti kin ca yanile he tu bentiunos de abril de 1579 años.
Lay v hahil yanil ca firma dzocebal te lae.
| Dn. Fransico Chim, gobernador | Juan Canche | Juan Ku |
| Alonso Canche | Agustín Ci | Diego Uc |
| Gonzalo Canul | Batab | Juan Canche |
| Pablo Cauich | Jorge Canul | Pedro Kuk |
| Alcaldes | Batab | Escribano |
|
| ck24.01 |
Lay cin tzolic lic ca patcaantic ti ychil can,
coon Alonso Canche yetel Pablo Cauich, ah Numkini noh xib,
yetel Francisco Chable c'ilah u dzocol u canil.
Lay oci u thanob, oci u ppisob lae.
V xot canob lae.
Lay oci tu hol u mis beob lae ah kalah cul....ob lae.
Lay oci tu chun Yx Calak Ya.
Ti oc u canobie tzetzel lakin xaman.
Binci u canob.
Ca oci tu chun Yx Calak Ya ....
te mani yokol akal tah Cal Xube,
te mani yokol akal tix X-Cum Akale tu lakin lae tu X-Cal Xube.
Te hoki te tu chun muul tiix cech yole.
Te mani tu xaman akal Tah Puc.
Ca hoki tu xaman akal Xicinchah, tu uadz chakan.
Tu chun uadz ti buktun pakci cruze.
Tu chun beec bel hiui ca hoki nak chakan ti chanap.
Ca hoki ti xnob hun dzeedz a ualma tu v xul u thanil.
Layix u xul v than Don Miguel Canul noh batab, v batab ah Calkiniob lae.
Bay nuchpahci u canob yetel yet batabilobe.
Ca dzoci u moltal cah uay lae.
Lay u xul u kaaxil ah Calkini lae tu than Don miguel Canul lae.
V hach hahil, v hach tohili xan.
Maix tusbil canob lae.
Vayhi ma hunhunpayoon tac kaaxil coon ah Calkini |
| ck25.01 |
lay oxtzuc tuba cahob lae.
Laix u hahil ca than.
Tu ca hahcuntic tu tanob batab Don Jorhe Canul,
gobernador vay ti cah Numkini,
tu tan alcaldesob Pedro Ayil, Martin Cauich yetel Pablo Cauich, noh xib
yetel Pablo Baalche, Mopila,
yetel regidoresob nucte uinicob, ah cuchcabob lae.
Layix u chun tu dzaah u kaba almehen Don Jorhe Canul gobernador,
u yohel dzib huun cen yah dzibulob huun lae,
Jorhe Canul, Pedro Ayil, Martin Cauich, alcalde.
Layix u kaba v nucil uinicob dziban cabal lae
| Mechor Hau Rgor. | Miguel Ake Luis Chan - |
| Francisco Chable = | Ah Mopila - Miguel Can - |
| Ah Pakam -- | Juan Canul Ah lukul bel.... |
| Juan Tacu, Mopila | ....no = |
Lay oci u than noh batab Don Miguel Canul lae
tu chun Ix Calak Ya tu bel Becal,
Tah Cal Xub yokol akal che tu lakine tix Cum Akal,
tu lakin Ix Cal Xub, v lakin ix Koch Yol, tu chun muul Koch Yol. |
| ck26.01 |
V manel nak chakan tu uadz chakan Xicinchah
v manel u colob ti chanap
v manel u xul v colob
ca xic ti Tzemez Akal yetel ti Matu
u xul v thanil tu hol u kaaxil Ah Sac Luumoob.
Lay u xul tu than Don Miguel Canul, noh batab.
Vay ti cah Numkini tu cuchcabal San Luis Calkini
heleac tu hoppel u kinil mayo ychil haab 1595 años
hun molob Batab Don Jorhe Canul
v gobernador ah Numkinilob nucte uinicob,
v chun than alcaldesob yetel u chayaanob ah belnalob
ti yalah Don Jorhe Canul v payalob tu nucte uinicob
ohelmail ulci cah vay Calkini lae.
Caix ti payalon Bocan Che yetel Pedro Uc,
ah Calkiniob hach ah Calkini noh xibob.
Laix ti hulob tu tan batab Don Jorhe Canul
laix ti payob: Juan Chinab, ah Dzitbalche noh xib Calkini
bin uchic hach Calkini
u yum yet payciix Anton Che yetcahal Dzitbalche yohelob
ca ti cahciob ah col Calkiniob
caix cat bin thanob tumen Don Jorhe Canul.
Caix ti hoppi v canticob v canob lae.
Yohelix bin v cani. |
| ck27.01 |
Laix bin v yax yohelob lae.
He bin cah ca cahanob Pacante
lay yohelob bin v kaba uinicob cahanob Pacante lae
yetel ti Sinab baix ti Ytzimte yetel ti yakalil Tah Puc.
Caix bin cahanob Xicinchah lae yetel Tzemez Akal.
Layix ti ma tu yohelob bin tulacal
mix bin v kin u tal yulel kul uinic cuchie.
Binix bin u tohcabtob hibal yohelobe.
Lay bin u kaba ....ob cahan patante lae
ah Calkiniob cahanob tulacal
heex u chun uchic v payalob lae nuxibob lae
ca utzac ca tzol dzibtic u canil v hahal v thanob
caix utzac v hahal than yokol kaax lae
uoklal tocol u cah u colob vinicob ox tzucob ti cah lae.
Lay Ah Numkini, Ah Mopila yetel calakob Ah Pakamob lae.
Laobix Ah Becalob tocic u colob yetel v kaax v colobe
caix ua tu hun molcinah ubaob uinicob ah colnalob
lic u tocol u colob lae
caix ti yalahob tu chun u thanob
caix utzac v katabal u belob u katiobe
laix licil yocol yetel u hoppol ca dzibtic lae v hahil u tohili xan
manan u kin u talel yocolob kul uinicob vay tac Petenil cuchi
tac cahal coon vayil uinic lae.
Laix u kabaob yan ohelilob lae. |
| ck28.01 |
Bin ca dzibte u kabaob uinicob ohelmaile
caix tac dzibtah u kabaob uinicob cahanob
yokol akal lae ah Calkiniob uchi
caix ti yalahob ten cen Alonzo Cob yn dzibte u kabaob.
Ma yohel dzib huunob
laobi testigosob Alonso Canche, Juan Chinab Dzitbalche
yalaob nucte uinicob lae cu thanobe.
Binix bin u cantob hibal yohelob.
Te bin hoppoz u canob ti Pakam yanac cah tac lae.
Lay bin u yax chun uinic yohelma Alonzo Canche ah Calkini lae.
Heix Alonzo Canche lae
hach ah Calkini yoheli bin kaax tulacal v kixilob ah Numkiniob.
He bin cah ya ti Pakam tac lae ah Calkiniob
bin cahanobie uchben cahob ti Pakam ah Calkiniob lae
manan bin u kin dzul cuchie
laix bin cu hoppol v dzolob v kabaob lae
ah Calkini bin cahan ti Pakam lae.
Ti Pakam Na Chan Canul cah ti Pakam
ti Pakam hach ah Calkini cuch lae.
Lay oc ti batabil Becal lae
cantulob ti mehenil lae
yetel Na Batun Canul u kaba yidzin Ah Man Canul v pal kaba,
Na Batunilix v kaba yidzin.
|
| ck29.01 |
Ah Kul Chi v kulob Ah Tzoom Che
v Tzoom Chi v kaba, Naa Puc Chi v naal.
Naa Chi Teec yah kinob ca ti cahlicob ti Pakam lae
hach Ah Calkiniob lae.
Heklayobi tun binob ti cahtal Xicinchah lae
ti yax cahob Xicinchah lae
ti yan v colob
ti yan v tocoy naobi hach Ah Calkiniob lae
Pacante: Ah Calkini cahanob Pacante lae
lay v kabaob v yax chunitac lae
Na Chan Dzul v naal, Ah Ceh Dzul yalabal hach Ah Calkini lae
Naa Chan Dzul yidzin.
Te cimi Dzitbalche catulob.
Lay cahanob Pacante lae.
Te yan v colob ti Sinabe yetel Itzimte yetel Tah Puc
lay tu pach cob v colob lae ti cahanob ti cah Pacante lae
manan v kin dzul cuchi.
Laobi v kaba Ah Calkiniob cahanob tu pach akal Xicinchah lae
ti cahanob catulob batabob Becal lae |
| ck30.01 |
Ah Calkiniob cahanob tu pach akal Xicinchah.
Heklay v tabal v canob yokol Akal ti Halal yan v ppentac
lay v taban v canob lae ti cahlicob Xicinchah lae.
Naa May Tayu, Ah Dzacab Tayu v paal kaba
v chun v thanob ti cahlicob Xicinchah
Ah Kul Xool v kulob ti cahlicob Xicinchah lae Ah Calkiniob lae
Naa Hau Cocom v lakob ti cahlicob yokol Akal lae.
Ti yan v colobie
Naa Chan Vc v bal Naa Puc Dzib, Ah Xoc Dzib v paal kaba lae,
Na Chi Tec yan kinob.
Lay cahanob ti Pakam.
Ca biniob lae.
Heklayobi cahi Xicinchah lae
yaabob yetel cuchteel ti cahlicob Xicinchah lae.
Naa Chan Cocom yayikalob ti c'alicob Xicinchah lae, Ah Calkiniob lae. |
| ck31.01 |
Lay c'ohel coon Alonso Canche
baix cen Juan Chinab c'ohelob v kaba lae
tumen cet Ah Calkiniob vchic lae v tal kinie ti
ca tal yulel Kuul vinicob lae
Ah Calkiniob cahanob yokol akal ti Tzemes Akal lae.
Lay v kabaob lae
Naa May Tayu v kaba v chun thanob ti cahlicob ti Tzemez Akal.
Naa Couoh Muut v lakob Ah Calkiniob lae
v yum Batab Muut v batabtahob Ah Calkiniob lae
Naa Chi Kam ah col yam yayikalob.
Yan v ppentacob, Yx Can Canul v kaba.
Naa Chan Vc v lakob v mehen Naa May Vc.
Lay v haan Anton Che cahan Dzitbalche,
v mehen Batab Che Ah Chan Tunich vchie
Ah Kin Chan yah kinob v yum Naa Un Chan
heklay cimi ti Kuxub Che.
He ca kuchi Batab Canul v batab Ah Chulil Ha tzaclicob
Naa Puc Canul v naal, Ah Cen Canul v paal kaba.
Ti cahlahi ti Tzemes Akale.
Yan v ppentacob |
| ck32.01 |
Na Camal Batun, Ah Kauiz Hau v lak v ppentac Batab Canule ti Matu,
Na Cahum Vc, cantulob.
Heklay v yum Pablo Vc noh xib
cahan tu xaman cheeniix ocolbil cheen ychil Ah Calkiniobe
cuxan Pablo Vc lae.
Yanix v mehen, catul xibil mehen.
Lay v chibalob lae Ah Matuob lae, Ah Calkiniob lae.
Ah Calkini
Hex yalanilob ah Calkiniob yala v chibalob cahanob Pacante lae
Xicinchah ti Tzemes Akal ti Matu vlaya ah Calkiniob cahob te lae.
Lay cahantacob u yum vchi lay cutal ca dzibtic v kabaob lae.
Francisco Che oc tah cuchcabil ychil Calkini
u chibale Na Chan Che ah Calkini.
Juan Kumun lay oci ti tupilile v chibal Naa Hau Kumun
hach ah Calkiniob vchi lae.
Gonzalo Chi lay oci ti tupile v chibal cuchi,
v kaba v mehen Na Batun Chi.
Laobi yala v mehenilob ah Calkiniob lae.
|
| ck33.01 |
Lay hach otochnalob ti cah Calkiniob lae
laobix cahan u yum Pacante vchi lae
Xicinchah, ah Tzemes Akalob u tohilix than lae.
Tulacal vtialil Ah Calkiniob v luumil u colob
yohelix vtialil u yum uchi lae.
Lay yan v colob ti kaax ....an v kaba lae.
C'ohelix coon yah ohelile ....
Alonso Canche tenix cen Juan Chi v nucteil uinicob yn yum Calkini.1
Cin than cen Alonso Canche v hach hahil in than.
Hach uohel tin tzolah ti tan Don Gorge Canul
yetel u chun v thanob alcaldesob
ti hun molon tu tanebal Pablo Cauich, noh xib,
v chun v thanob lae Numkiniob.
Ca tu vacuntah v testigoil yn than cen Alonso Canche
lay Juan Tacu ah cuchcab
yetel huntul vinic Francisco Chable, Juan Pat, Miguel Ake, ah Mopila.
Lay tin tzolah cen Alonso Canche,
ah otochnaalon ti cah Calkini v cahal San Luis.
Caix tin valah ti ah dzib huun dzibte yn firma |
| ck34.01 |
yn mahante tumen ma uohel dzib huune
caix tu dzah v firma batabob yetel firma alcaldesob
ma yohel dzib huunob
ca tin dzah yn firma dzocebal cen yah dzibule
tiacix tu hoppel v kinil Mayo ti hab 1595 años Don Gorge Canul
| Batab, Alonso Canche | | |
| Miguel Cutz | Alonso Cab - | Ah Calkini lae |
| Pablo Balche - | Gno | |
| Pablo Cauich - | Juan Tut | |
| Pedro Ayil - | Regidor | |
| Alcaldesob - | | |
Vay ti cah Numkini tu cuchcabaal San Luis Calkini lae
heleac tu hoppel v kinil V mayo ti yabil de 1595 años
tu chacancunah vbaob nucte Vinicob
kalic v thanob Batabob Noh Batabob V Batabil cahob ca huliob dzule
layix v yax chun Miguel Canul v Batab Ah Calkini |
| ck35.01 |
yetel Don Julio Canul noh Batab v nup u than Don Migel Canul
lay u yum Don Gorge Canul v Batab ah Numkini lae
yetel Don Francisco Ci, v Batab Ah Kul Cab
lay v yum Agostin Ci helelae.
Vay ti cah Calkini heleac tu hoppel v kinil yuil henero
ti yabil de 1591
tu homolcinob vbaob Almehenob nucte uinicob ca kilacabil
v kahcuntobix v natob yikob tu tan v batabob ti Ah Tzab Canul,
Na Chan Canul v kaba.
Ti maix yaabob cah uaye.
He laobi ah otochnalob lae
Na Chan Che, Na May Tayu, Na Pot Canche, Ah Kul Couoh
yetel Ah Cupul yetel Ah Ceh Pech v chaci v cuchteel Ah Xiuob lae.
Chicaan v luumob yetel v kaaxob ti ca paxi cah Mayapan lae
kahaan toon coon v chibalil
va ma c'oheli tab talone |
| ck36.01 |
Layx v chun bin nutzaclob ca luum ca kaax coon
yala v mehen Ah Canule
c'oheliix hibiciix teil talon ti lakina coon ah maya uinice.
Tiix v talob lae ah Chikin Suyuaob lae.
Mayx vch v tocol vtial hunhunpay boobni coon yal v mehen Ah Canule.
Lay v bel beob lubob tal ti Peten Itza.
Vlci Ah Canul v kabaob lae kokbil yax ni bul beob lae Subbob lae
than Cuc sicina yetel ti kaax ek
yetel tu lakin tiix Cab Cheen yetel tu lakin ti Sucte
tu lakin a yokol akal Yx Calak Che sicina vtial ah Dzitbalche.
Ti yan noh multuni ti nohol vtial ah Dzitbalche
he ti xamane vtial ah Calkini yokol yiba Uxmal
yetel Ochil yetel Noh Cacab
tiix Sac Luum yetel tanxel cah ti Sac Luum v chama cahciob |
| ck37.01 |
yetel Cumut yetel ti hatz cheen yetel kanche ha.
Lay beob chicbesabi toon tumen ca batab Ah Pa Canul,
Ah Dzun Canul v chibal Ah Ytzam Canul, Ah Chuuen Kauil.
Heklay cahcob yah Ytza.
Lay v tzolcobe yetel ti Chulul tu .....
luum likulob ych cah Mayapan Copouatun.
Lay xulcob lae.
Tiix xulob, tiix ualkahob xan v xul luum.
Ma tan v man tu pachob.
Lay c'ohel v xulil luum lae, v luum Ah Canul lae.
Ca tun bini v hatzul Ah Canul.
Heklay ah xaman cabob lae.
Tohix bi[n]ciob xan v chi v luumob Acanceh.
Manaan nak chakan ti Ho tu lakin Vcu
v manel ca v chab v chi v kaknabil.
He lay v hol v kaknabil ti Kopte v xul v kaknabil Ah Canul.
Bayix yan Çiçal yetel Nimum yetel tiix Pat |
| ck38.01 |
yetel Kinchil v kaknabil Ah Canul ti yan Nocac, v Nocacil Ah Cobaa,
he Kinchil Coba yetel Homon Che pach caan v kaknabil Ah Canul
v xul v kaknabil Ah Canul hi Na Kix v kaknabil ah Canul
ti yan v chem ah ki.... Canul
canpay yan licil v caybal v ppentacob
heklay yan Zac Nicte Cheen yanil
ca vlobe dzul v hol v luum ah Canpech u hol kaknab.
Bay hulci v kaknabilob ah Canpech.
Homtun v xul v luum ah Canpech.
Heix ti ah Canulile manan yokol.
He u xul v kaknabil ah Canpech.
Dzaptun v xul tiobi ca tun v cha ah Chan Patun.
Hele tu bolonte disiembre 1582 años
ti dzoci v hol ca ya vay Calkinie Fray Pedro Peña Claros
asmen ox tzac ti haab |
| ck39.02 |
cu mentabal yaabix batabob
ti ca ti tamuk v mentabal hex batabob tulacal lae.2 3
Toon coon Ah Calkiniob Juan de Dios Puc, Don Acencio May,
Bacilio Che, Jose Tziu, Bernadino Chim yetel Francisco Che
Manuel Roman May, yetel Manuel Antonio Pan
ti kuchon ti noh cah cabesera Mani
utial caxantic ti u mapail u cahalob ti Noh Archibo
yan tiob tumenel Don Francisco Montejo Xiu Gobernador
uay ti la Yucatan lae
v hahil dzoc v dzabal ti toon |
| ck40.01 |
c'ilic u hahil tux u xul ca luum yetel ca kaax
u thanic ca mapa dzaan toon yetel ....
....
pach lae lay cu hahtal u than lay mapa pac....
caxantic bay helelae, en beinte de Noviembre de 1821 años.
Juan de Dios Puc
Asensio May, Bacilio Che
Ten Simon Tzab tin uilah u dzabal tiob
tumenel Yum Alcalde Dzul Constitucional yetel Ayuntamientos
uay ti Mani lae
Simon Tzab, Ah Mani |
Notes
- The following appears to be in a different hand.
- Here follows a third of a page of a difficult hand, the text of which appears to be in Spanish. The final word appears to be Crespo with signature flourishes beneath it.
- Here begins yet another hand, apparently written in 1821.
Previous Page | Table of Contents | Next Page
Main Index
Return to top of page |
