| |
Post Conquest Mayan Literature
Jose Sabino Uc, Autobiography, 1871
| lt600 |
U TZOLAAN BEY IN CUXTAL
dzibtabi tumen Jose Sabino Uc
Uay ti noh cah ti Ho,
helel tu lahunil kin ichil yuil Febrero ti haabil 1871,
|
| lt605 |
ten Jose Sabino Uc in kaba,
H-Na Couoh Uc,
cin bin dzibic u tzolan bey in cuxtal.
Te tu chi noh ha Akul
ti zihen ichil u luum Peten Itza u kaba.
|
| lt610 |
H-Na Menche Uc in yum,
X-Na Kin Couoh in na,
kaxil uinicoob tu cahmatil tu cabil u cobol,
Lacantun u kaba.
Ti cimi in na tu hahil kin cin zihen,
|
| lt615 |
ti lahuncakal kin ichil yuil Deciembre, tu haabil 1856.
Cimen in na,
ma yanhi ulak x-cħuplal ti yotoch in yum,
chen hali oxtul mehen, in zucunoob.
Ca tali ti Peten ah kin Fray Pedro
|
| lt620 |
yetel ulak Capuchinoob.
Ti oci ha tu hol in yum yetel in zucunoob.
Jose Uc u kaba in yum;
Juan yetel Lorenzo yetel Juan Jose u kabaob in zucunoob.
Ma yan nadzaan x-cħuplal utial u dza ten chuuch.
|
| lt625 |
Tu toahen in yum, tu dzahen ti boxac.
Ca ix oci ti cħem.
ca ix u cħemul ximbalnahoob ti noh yoc ha Kancuen,
Pasion u kaba.
Ca ix nacoob xan ti chichan yoc ha, Subim u kaba.
|
| lt630 |
Cappel kin c' ximbalnahoon.
Pah keyem in uukul.
Ca ix c' ximbalnahoon ti kax,
ca kuchoon ti cah Sacluk.
Ti bini in yum tu yotoch batab:
|
| lt635 |
"Yume, hela in h-ma na mehen pal.
Cuxaanto in talez tech, in kubic tech.
Bin in kube in pal ta kab ich a uicnal."
Lay u than in yume, beyo tu alah ti batab.
|
Previous Page | Table of Contents | Next Page
Main Index
Return to top of page |
