| Cuceb |
| |
| c001 |
Cuceb
Oxlahun Kan
Oxlahun Kan tu Hunte Poop cħab u lac katun ti Ho Ahau
ti haab 1593 cuchi
tu holahun zec yal kaba |
| c005 |
heklay u cuch licil u talel ualic lae
he uil tu kinil hi u cħabal katun lae
Mayapan u uich u kex katun
tu kinil u yemel yaal kuk, yaal yaxum
tu kinil uil chibil al, chibil mehen |
| c010 |
tu kinil yan ox multun tzek
pail akab ppix ich, pail akab cħamil
ox hublah cot
ox dzalab u nak yaxche
tu kinil uil yan zappal hail |
| c015 |
tu kinil yan thul caan chacil
uaan ti dzadz, uaan tu xul ix tan beil ha
okom yol ix dzibaan yol nicte tu kinil uil tu katunil uale
ti tali u yanal than yokol ah chaante, kinich chaante
ca zihi ual tu caanile |
| c020 |
lay bin utzac oxlahun Kan lae
tu haabil 1593 yetel 1594 u lubul lae
hunil Muluc
lay ca bin culac hun Muluc
ual tu kinile ti u thantamba uitzi
yokol u zuyil cab, yokol ah uuc chapat |
| c025 |
uucte u cuch, uucte u ppic
ti ual tu capiz tun u zatal a uex, u zatal a nok
tumen yal u mehen zatay uinicil
tocaan u uah, tocaan u ha ti tu chii
|
| c030 |
cabil Hiix
cabil Hiix ual u kin dzon bacal tza uale
tu kinil hopom kak tan yol peten; elom ti cab, elom caanal
tu kinil u cħa och pak col
tu kinil okotba ti caan |
| c035 |
zatom uah, zatom kauil,
okom cuy, okom icim tu hol can be
ti hun yuklah ti cab, ti hun yuklah ti caan
bin pecnac xux, bin pecnac oyotz
tu than Ah Bolon Yocte yetel Ah Bolon Kanan |
| c040 |
lubaan u uich chakan, lubaan u uich paa
tu kinil u lukul u xotemal pahal
uaan ti cab uaan ti peten buluc cħabtan, u mehen ah uuc eb
lay tun tu kinil ual uchom ti chi kaknab
hean u chi Chac Mumul Ain |
| c045 |
hean u chi Chac Uayab Xooc
tu kin u molba xux ti yala ha, tu yala yoch
ualacil ox uudz katun uale
tu kinil u yahaulil Ho Ahau Katun uale; tu yoxppel tun uale
|
| c050 |
oxil Cauac
oxil Cauac ual u kin u pec tu cħeenil, u pec tu yactunil
binel u caah u tzacle kauil
binel u than u ximbal te akab
u tzotz ha tuux ual yukic ha |
| c055 |
tu kinam uiih yala uah; tu chii ual u uiihic yala uah
ti cħabi u puczikal tumen ah uucte cuy, ah uuc chapat
ti to tu kinil tu katunil uale u uiilnom che, u uiilnom tunich
yokol culaan tu cħeenil, tu yactunil
nicte ual cu tucħub |
| c060 |
nicte ual u uah ti yahaulil
lay u uah lae
tu kin u cħa cuch lae, tu yoxpiz tun uale
ti to uil Ah Oxlahun Ahau uale
Buluc Cħabtan, Buluc Ahau, Bolon Ahau |
| c065 |
lay u lukul u cuch
lay ix lic u dzocol cabal kol, hote u cuch
ca ti luki ti yahaulil
lay u kinil oxil Cauac lae
|
| c070 |
Canil Kan
Canil Kan ual u kinil tu tzelep katun ti Ho Ahau.
Tu kinil, tu katunil ox kokol tzek
Auatnom yaxcach tu hol can be, tu hol can lub.
Tu than ca tu likil, auatnom cuy, auatnom icim, auatnom ah yaa. |
| c075 |
Ulom, u kat u kuchil Chac Uayab Xooc
hom che, hom tunich
tu kinil yan ah uuc chuuah
elom u uich tu cab, tu cħeenil
auatnom chum kin uoo |
| c080 |
tu kinil ti canil Kan u chabalhal u than
ulom u yanal than yokol zac bob, yokol chac bob, yokol mazuy
ti ual tu hopiz tune Ah Ho Ahau u pec Ah Buluc Cħabtan
tal u caah yalic u than kin, u than uooh
u tichpahal uay uchom yokol Ah Num Itza |
| c085 |
lay u than u kat u kuchil ca ti liki yalic u than
u mehen kin, u mehen akab
ualac ti uchom u kin u chibiltamba holil och yetel chac bolay
ti ix yulel u yanal thani
ti canil Kan uale u kin u pec caan, u pec luum |
| c090 |
nactambanom ah kin, nactamba u luum ichil peten, u tuch katun
ca ti culhi ix lay ual bin u nahin tu kinil uale, tu katunil uale
Hoil Muluc
Ho Muluc u kin u cħaic u bel, tu kin u choch ich |
| c095 |
ti tun u yalic u xeic u than, u xeic lay u lukahe tu chie
u cħalamtic u pic
ti Ho Ahau ual u kin ichil ho Muluc
tu kin yanhom uiil uah hun pach tzucubil, yanhom uiil ha
tu tepal tu hunal yoklal ppatal u than |
| c100 |
tu zipic u cuch, tu tatah than tu bel tu hunal
uaan ti dzadz, uaan ti bulux
nicte yukul ti kin, ti akab ti ix tan beil ha
hun yuklah ti cab
tu kin tepal ualac hun uadz hun dzon hi uale |
| c105 |
tu kinil hi u pec tu cħeenil, ti yactunil
tumen bay uchci ti Ah Itza
ca liki tu cal ya
ca u ppatah u cħeenil, u yactunil
tu kinil u hokol ich luumil che, ich luumil tunich
yal u than u xotemal kin, u xotemal katun uale |
| c110 |
uacil Hiix
uacil Hiix u kinil u lubul u tzol cħicħ katun
ti ual u colal ex, u colal nok, cħabtan kin
tu kinil u habic caan tu pachil luum ti chac bolay |
| c115 |
lay ul tu kin tzayal caan
u pacte ah tem poop, ah tem dzam
ti tali u xeic lay u lukahe tu chie
lay het man tu cal
ti ma tupani tumen u tzootz |
| c120 |
tumen u conic u mehen ah max
can bini ual u haulic u choch u yex
u max kin, u max katun
u manab cabal he bal u than
chac u uex |
| c125 |
tali ti xaman, tali ti chikin
tu kinil, tu katunil u conic u yal u mehen ah uuc zuhuy zip
tu kinil yan zip u than, zip u chi
ti uil uchom pax cabal, uchom zoot caanal
tu tzol cħicħ katun |
| c130 |
ti ulom u uadz katun
tu kinil hatal hat
bay chich hebtambanom caan, hebtambanom muyal
tu uich kin, tu uich :U:
ualac hun uadz, hun dzon hi uale |
| c135 |
mamac bin a dzab cech ah mab nae, cech ah mab yume
tech u uadz, tech u dzon hi katune
zati u canil, zati ual tu pache
tu kinil yan u molba zohol a uokol
ma a uex, ma a nok |
| c140 |
ma tu kin utial ah mahan koh, ix mahan naile
uucil Cauac
uucil Cauac u kin tu uucpiz tun tu Hunte Poop
tu kin u cħa zabac u max kin, u max katun, multun tzek |
| c145 |
tu kinil u lachlam pach chac bob
tu kin u paic u coo
tu kinil u podzic u yicħac cab coh
bini tac u kanche te u pix
bini ual u tan u yoc, u tan u kab,
tumen u zidzbic uah, u zidzbic ha |
| c150 |
hach co u uich ti yahaulil, ca ti liki tumen buluc cħabtan
ualachi ual u tupul u kak u yala Ah Itza, u xotemal Ah Itza
ox uudz katuni uale
uaxacil Kan |
| c155 |
ti uaxacil Kan tu Hunte Poop tu uaxacpiz tun uale
ti Ho Ahau uil u kin ti thuchaan ti yactunil
elom uil uitz, elom uil calap, elom yokol cab;
hopom kak ti noh zucte
elom uil kaknab u chi zuz
elom zicil, elom kume, elom macal |
| c160 |
dzamal ual u cib katun Ich Caan Ziho
uchom ual u napptamba u cuch Ah Itza
u kamic u cħicħ, ya u cuch
uakom chaltun
bin xobnac nom, bin xobnac ceh tan zacil chakan |
| c165 |
kithom Ix Kan Itzam Thul tu chakanil, ti uitzil
ti uil u uich ah matob, ah ni tob, ah may cuc
tu kinil, tu katun zactunil tu cuch haab
zac u yex, zac u nok
tu kinil yan u yiklil ha |
| c170 |
bin u kat u kuchil yala kin, yala buluc cħabtan, tu bulucpiz tun
tu uaxacpiz tun bin uchom uale
bolon Muluc
bolon Muluc tu Hunte Poop talom tun yal kaba Ho Ahau |
| c175 |
u yalic u than ah uuc yol zip
ualac tu kin numen chuen, numen celem
tu kinil u talel u mehenancil noh xib, u yalancil ix nuc
cħabtan kintan, cħabom u than u zuyil cab
u max kin, u max Ah Itza |
| c180 |
tu kinil yan tzintzin coc xul, tu kinil yan tzintzin bac tok
tzek u uich, cheeh u uich
kithom be, kithom heleb; kikhom be, kikhom heleb
tab ua xaman, tab ua chikin, caanal ual u uich
kacbal u cal ti ahau can |
| c185 |
likaan u che, likaan u tunich yokol u na, yokol u yum
tumen ah uuc yol zip, tumen uuc dzac zidzil, uuc dzac tzootz
tu kinil ti ualachom ah hahal katun ca koch u uich ti yahaulil
bin u dzocez u than, ix chaante u uich
emom u luk yokol u uich pal |
| c190 |
ualac bin u ximbal te akab, bin u ximbal te kin
ti u uich ti caan tu bolon tun
lahun Hiix
lahun Hiix tu Hunte Poop; tu kinil tu katunil u tepal Ho Ahau |
| c195 |
emom caanal ual, emom caanal udzub; u ual yetel yudzub ah tepal
tucħub ual u caah, uacunah u caah
tu kin u cħaic u tepal
ppatal u caah, uacunah u caah, tu uaan te accunah u caah
tu than tu luch, tu dzam, tu poop, tu kanche amayte ku |
| c200 |
ual lic u cultal, ca bin culac tu hanal
tocol u caah u than, tocol u caah u luch, tocol u caah u lac
tumen ppatal u caah tu kin, tu dzap tun
tu kin u hel poop, u hel dzam
hokom ich luumil che, ich luumil tunich |
| c205 |
yalab u than, yalab u can
zihil u caah u luch, uchebal yukul
tu kin choch ich; cħocħ ual u luch, cħocħ ual yukul
tu kin u tzol poop yax bolay
u ulmah tu chi chucaan yaal |
| c210 |
tu kin u cħa matan ah piltec
tu kinil tzayal; tzay u ne can, tzay u ne bob
ti ual uchom tu kin u cħa kak ah uuc yol zip; tu kin toc zidzil
zatay hail
tu kin u lukul yala poop, yala u luch, yala u lac |
| c215 |
uatal u caah tu tuncuy u pix ah kin
yax u pix coc tun numya
amayte u uich tu yum yala ah dzam
cu dzabal ti u yalomal ah poop tu caanal
lay u pacat buluc cħabtan |
| c220 |
ualachi tu yautic u pixan ziyan tun chac
ualachi hun uadz, hun dzon hie
lay ix u kinil bin uchebal ca bin uazak pachnacie u katunil uale
lay u kinil yokotba ahau tun, ah ni poop, ah ni toc, ah mazuy
u kinil yahal cab lae; ca ix emec tun ah kinchil, ah chac chibal |
| c225 |
lahun Hiix tu kuchul tu kinil u chacmitan numya Ah Itza
yetel u xotemal yal u mehen uay ti tzucubte Ziyan Caan Mayapan
ti u tupic u dzocol tu kinil uale
lahun Hiix uale ti u dzoc tun uale
tu kinil ox cuchlahom yal max |
| c230 |
ox dzalab u nak yaxche
ox cħuylah xuthen
tu kin u cħa u matan ah piltec
tu kin u cħa tzootz, u cħa u matan oyotz
tu kin u cħaic u matan tu hol can be, tu hol can lub |
| c235 |
ti emom u cuch uitz yokol mazuy
uay uchom Mayapan tu may ceh, tu xau cutz mani
uay u manel tulacal; uay u yuchul u dzoc lae
lay u katun ca bin okotnac chacdzidzib
yetel chactun ppilix tu mayactun
lay uaan tan chakan |
| c240 |
ti u yuchul uale; lay u cħicħil, u mutil halach uinicil
lay ca bin babal zithnac ix uixum, u cħicħ ahau
u dzoc u than Buluc Am, lay Moteuczomae
uaye u dzoc tu may ceh
uaye u manel tulacale; ca ix bin u yalahoob Mani |
| c245 |
uaye u cahal Ah Itzaob, alab tiob tumenel Ah Moteuczoma
u tunil Ah Itzaob tumenel Ah Buluc Am u kaba
uchom ti to tu katunil; bini ual uchom tumen
lay u katunil ca uchi Hapay Canil
tu kinil u cħatamba mumul al |
| c250 |
auatnom becħ tu kab yaxche
u dzoc cotz, u dzoc zidzil tu yahaulil Ho Ahau uale
tu kinil u ualcuntic u luch, u yedzcuntic u poop
cħa u caah ti yah kin u kex ah kine tu hol poop
he ix lay ta uex yetel ta nok, u buc tu than |
| c255 |
lay u koch tu lahun tun uale ca bin hokoc tu cħeenil, ti yactunil
buluc Cauac
buluc Cauac tu Hunte Poop, tu bulucpiz katun
ti to cu tepal ah ca kin poop, ah ca kin dzam |
| c260 |
edztal u caah u luch ah okol koh
uatal u caah ah koh bacab, ah can tzic nal
ti cultal ti tun ual tu bulucpiz tun katune
hokaan ah can tzic nal, ah can ek, ah zac dziu
tu kinil, tu katunil u cħaic u bel ah can tzic nal |
| c265 |
tu kinil u cħaic u bel ix tolil och
tu kin u dzamic u ci katun tu bulucte xul uale
u hokol u yanal than, u yanal can
ti uil tun okotba ti ku caanal; tu kinil u tzayal caan
u cħaic u yanal u yex, u yanal u nok,
u yanal ah tem poop, ah tem dzam |
| c270 |
ti u uich ti caan ti yahaulil
lic u talel tu patbe katune
u cħaic u bel chac bolay can yetel chac bolay ul
ualachi u cħatamba Ah Itza tan yol che, tan yol aban
ti yautic u pixan ziyan tun chac |
| c275 |
tu kinil, tu katunil u numya uaye; ual u numya tu cal ya
u manez u yal u mehen Ah Itza u xotemaloob kin, u xotemaloob akab
tu kinil u multamba xux tu hol che, tu hol aban
tu kinil u multamba yikil cab, Chac Uayab Cab
ceex ah num, ah zatmile |
| c280 |
lahca Kan
lahcabil Kan tu Hunte Poop u lahcapiz tun
u kinil u yalic u than kin
u thantamba u kuchil u mehen kin, u mehen akab |
| c285 |
ualac uil cabal, ualac uil caanal, ti ual tu lahcapiz tun
elom caan, elom luum, u dzoc zidzil
bala ua ma uchome kintunyaabil
lay bin uchebal okotba ti Hunab Ku
u yokzah ich ah tepal cochom |
| c290 |
uucte haab kintunyaabil
bin uakac chaltun, bin elec u ku cħicħ caanal
bin hopoc u kak zucte tu cal chakan, tu hem uitz
ti tun zutnom tu cħeenil, ti yactunil
u cħa pak och |
| c295 |
tu yokotba ah kin tu tuncuy u pixe; yax pach ah kin, yax u buce
oxlahunpiz u ppic mocol u kax nak
amayte u uich ah kine
lay bin ocbal tu cħeenil ti yactunil tu caten
bin kamac u payal chi bin tu yactunil |
| c300 |
bin cimezuba tu kokolil ah tem poop, ah tem dzam
ti ual u dzocol zidzil, ti ual u dzocol cotzie
ca tun zutnac ti yactunil, tu cħeenil tu caten
ti ix u tal tun u yanal than, u yanal can
bay yalci noh Chilam Balam; he ix binaci, he ix maaci lae |
| c305 |
lay bin ilic tac pach tac tan u yalomal u mehen Ah Itza
tu chactun numya uale
ti uchom uale, ti hedzom tu luumil zac nicteil
tu petenil cuzamil, Mayapan uchom uale
te tu cal cħeen, tu cal actun tan zacil chakan |
| c310 |
tu kin dzam cot, tu kin yan paa
ti ual uchom yokol u chanil cab, u buc chanil uitz
tu zezebil u max kin, u max Ah Itza
ti ual yalic u than ix ma yum, ix ma na, tu kinil, tu katunil uale
ti tun u kinil u yalic u than u xotemal yal u mehen Ah Itza |
| c315 |
bini ual tu kinil Ho Ahau tu lahcapiz tun uchom yukulil zum ci
u chaan katun, u cheeh koh che
can edzlic u luch, can edzlic u lac, can edzlic u xec
tu katunil Ho Ahau tu lahcapiz tun uale
|
| c320 |
oxlahun Muluc
oxlahun Muluc tu Hunte Poop u yoxlahunpiz tun
ca bin emec hunil Oc tu Hunte Poop u kin u tepal
ca bin emom poope, emom dzame, tu yoxlahunpiz tun uale
tu kinil mul tepal, tu yala tepal caanili |
| c325 |
hunacil u luch, hunacil u lac
uchebal u mumulchitic u yala ha, u tzotz ha
u ppuyul u xelel yala uah, yala u tzotz ha
bin u mumulchite tu kinil, tu katunil Ho Ahau uale
ti hokaan Chac Mumul Ain |
| c330 |
ca culhi ti yahaulil ti ho abnal tok katun
uayi ual uchom chac nacul tun Ich Caan Ziho
ti Zaclactun, tan chakan tu puczikal peten
tu kin u tucħub katun yokol u petenil Ah Itza
uchom te tan chakane bin u tzacle u mehen kin u mehen akab |
| c335 |
hi ix uchac, hi ix ma uchac
lay u than cech ah mab nae, cech ah mab yume
u uudz katun
hunil Hiix
hunil Hiix tu Hunte Poop u canlahunpiz tun |
| c340 |
tu kinil tu katunil ualci ual u xixticuba ah xixteel ul,
Chac Uayab Xooc
tu kinil u tzay kak, u tzay ne xooc
lay ual tzaylic; ca tzayi ti caan, ti muyal
tu kinil yuklah chaan
tu kinil u macal u uich kin, u macal u uich :U: |
| c345 |
tu canlahunpiz tun uale zataan xiuit tumen ah koh che
num chi tu na, num chi tu yum
numen chuen, numen celem
zataan yala halach uinic
mananhom u hel, mananhom u hel kan |
| c350 |
zatal u caah, tu cħaah Chac Uayab Xooc
tu kinil multun numya, multun tzek
mamac bin ca dzab tu kinil chaan, tu katunil uale
mananhom uil yala u xotemal Ah Itza
ualac xaman, ualac uil chikin u nupptamba |
| c355 |
chibalnom tun u bobil uitz
ti ual uchom tu canlahun tun uale u numya kin, u numya katun
emom xulab, emom Chac Uayab Cab
paic tu cħeenil, ti yactunil
lubaan u koch halach uinic |
| c360 |
bay yalci tu kulem dzib yetel uooh ah kinoob
ca yihoob tu ppicil katun; uchic yilabal u lubul u koch katun
tu zipic Hun Ahau
ca dzab uuc dzacab libro u xoc Ah Teppan Ciz yetel Ah Buluc Am lae
ualac tu canlahun tun |
| c365 |
ti yuchul lubaan u koch halach uinic, u mumuk halach uinic
ti yuchul uay zatay batabil tu canlahunpiz tun uale
cabil Cauac
cabil Cauac tu Hunte Poop u holahunpiz tun |
| c370 |
u chektamba katun; tu lah u than Ah Ho Ahau
emom u ta, emom u ton
hokaan tab, hokaan halal tu holahun tun uale
u kin u pacat cot ich ah tzay kanche, ah hay kin bak,
Ah Toc, ah dzudz
lay hi u kinil u muxul tun, u muxul kan |
| c375 |
tu kin u tuctal halal
hokaan kinich chaante, tu than buluc cħabtan
bini uil ledznac u cħibal yokol u dzulil cab, u buc chanil uitze
ma u cħa u matan ix titibe
tu kinil chetun cimil |
| c380 |
hadzcab u caah, hadzcabnahi
lay ix caah cunab xe kik
lay u munal u kax cuch katun ti Ho Ahau Katun u haabil uale
tu hunte uil katun, tu hunte uil haab u paa col Ah Itza
kaxaan ti che u coil kin, u coil katun |
| c385 |
ma ix ual yohel u ximbal te kin, u ximbal te akab
zutucnac ual u puczikal tumenel u coil kin, tumenel u coil katun
ca colab u canhel ah can tzic nal bacab
talel u caah u dzocol than
tu kinil ual cabil Cauac tu yuchul yukbanom cab |
| c390 |
ti tali u pacax emel katun, u katun ix tolil och
u munal katun, u tzacil katun, u baxal katun
bin u naate ua yan ah kin ua dzacan u pixan lae
oxil Kan |
| c395 |
oxil Kan tu Hunte Poop u uaclahunpiz tun
u kax cuch katun;
he ix yahaulil caboob, kaxaan u uich ti ualac yahaulil
mamac bin thanic u baxal katun
tu kinil oxil Kan colbom yekel chac bob, zac bob
hodzom u yicħac, hodzom u coo u balamil Ah Itza |
| c400 |
manac tu kin chac bul ha, chac bul ik
hokaan u uich ku tah poop, tah dzam
yoklal tal u caah u binel ti che, tu tunich
u pacte u kohbal
binel u caah u luch, binel u caah u kanche, binel u caah u poop |
| c405 |
tu cħabe be ah ox Ahau uale
ti tali u yanal than;
u hel ahaulil, u hel ah kin tu heltamba katun
talel u caah u helic u luch, u helic u lac, u helic yahaulil
talel u caah u molba al mol box
ti u talel u hel than, u hel yahaulil |
| c410 |
ualac xaman, ualac chikin ti to tu uaclahun tun uale
u zut u petenil ti yahaulil katun
ti to ualac yahaulil Ah Ho Ahau uale tac pach tac tan uale
Canil Muluc |
| c415 |
Canil Muluc tu Hunte Poop u uuclahunpiz tun
u kuchul u kinil u tzay katun
tu kin mumul uiil katun utial u mucul uiil katun
u kuchul u kinil zac haylah bac yoklal balam haabil
ox multun tzek, ox kokol tzek |
| c420 |
ah miz peten; kintunyaabil; maya cimlal
tu kinil ukah, tu kinil uiih
bin u manac ha
bin u ticinac zayaboob tu noholil luum
bin kikhalac be, bin kikhalac heleb |
| c425 |
auatnom bulcum tu hol cah
buluc cħabtan, bulucte ti chuen u uich tu tepal
okom ku, okom yol baalcah
ti tun u kahzic u yum yetel u na
ox uudz katun ca cimie, ca zatie yalan che, yalan abane |
| c430 |
tumen u than kin, u than akab
lay bin uchebal ti uuclahun tun
bayili ichil uuc dzacab uooh dzab u xocoob ah kin Chilam Balam
ca u xocah u codz katune yetel ah kin Na Puc Tun
u yah kin Hun Uitzil Chac, Uxmal |
| c435 |
lay bin u hokzah tu uooh anahte bin
tu than ah kin cħel, yax naatab
ti yilah licil u lubul u koch
lay alab tiob Chilam Balam tumen Hunab Ku, Oxlahun ti Ku
lay bin lubul zinic balam haabil, hun co yol yaabil uale |
| c440 |
tu than uooh dzib lae; binaci, maaci xan uay yokol chapat che
ua ix ma uchac toone uchom ix yokol uah, ua ix yokol ha
yoklal ox koch u than katun lae
bay chicaan ichil u uooh katun ichil anahte
uay ual tu xaman cab, tu nohol cab, uay tan cah Mayapan |
| c445 |
ti uil u manabticuba ah uuc chapat
ti ix uil u manabticuba ah uuc yol zip uale
hoil Hiix
ho Hiix u uaxaclahunpiz tun;
u kuchul u cuch kinil u hidzil katun uale |
| c450 |
tu kin u kaxal u cuch Ah Ho Ahau
ti tun u munal ah co pauahtun
ulom tu cal ya
auatnom pax che, thannom tan yol ha
u kuchul u kinil u cheehtamba ix tolil och |
| c455 |
ti tali u helep thani
u cumtal ti ahaulil ah uuc tut
lay u than tu uaxaclahunpiz tun
ti ual u zutup peten, u pacaxhal Ah Itza
bin ual ximbalnac koh cib uincliz |
| c460 |
heuac hidzhal u than tan chumuc ha, ix tan yol chulul ha
ppatal u caah zatay ahaulil
cħehel u than
ti tali yutzil ahaulil
uatal u caah u hel u luch, u hel u nok |
| c465 |
ti uchom hadzalbom koh che
he tun ti buluc Ahaue
tu kin u zalam poop
u paclam pacat koh che, cheehnom koh che mazcab
tumenel ca kin ci, ox kin chaanal |
| c470 |
tu kin u zutup tu cħeenil, ti yactunil
uchom u cħatamba mehentzil, he boh tu tzelec
u pacaxhal u than yoklal kuchi
tu kinil u zutup Ah Itza
likul tu cal ya tu cal ukah, bay ual bin ualaknahbal |
| c475 |
u kat u kuchul tu yanal yactunil
ti uchom u pec caan, ti uchom u pec luum
humnom Ix Chac Chuuah tu cħeenil, ti yactunil
tan u cucul it koh che tumen chac uen co, zac uen co
ah maben tok, u chaan katun
|
| c480 |
uacil Cauac
uacil Cauac tu Hunte Poop u bolonlahunpiz tun
u kuchul u kinil paylam kab
ti ual tu kinil, tu haabil uale maya cimlal
yetel u hach pictamba ah uucte cuy yetel ah chacmitan cħoc |
| c485 |
tu kokol box katun
ti uchom tu chi kaknab
lay ah mazuy, dzidzomtun; chac hubil ahau, zihomal
lay u kinil uchci u zin choch Kukul Can
tu katunil u cucul it ah chichic zoot |
| c490 |
ti uchi u chichic zoot katun
ti hokaan u cħa u matan
ca bin u becħkab ti tu bolonlahunpiz tun
u kinil u chichic zoot katun tu caten
naktamba u than cabil becħ yetel ix tan yol ha |
| c495 |
u cħab u matan coil cħabtan, u coil mehen
yal u mehen tzintzin coc xul
ma ix tan yalic u than ua bin ilabac
tu kinil, tu yaabil uacil Cauac
u uatal chic che numen yol
amayte ku u uich |
| c500 |
ca zudz yokol yaxche yaxum
pul yokol uiil u xotemal katun
paybehom ppuz, paybehom koh
pachalhom Chac Uayab Xooc
hokom ah piltec u cħab u matan |
| c505 |
ualac uil chikin u nupptamba u chibaltambail
u dzocol u than Ho Ahau
u uatal oxtezcun
tu bolonlahunpiz tun yuchul chuctamba
ti ualac yahaulil, ti ualac u than talaan ti cib |
| c510 |
lay yan tu ppicul katun lae
Uucil Kan
Uucil Kan tu Hunte Poop u hunkalpiz tun
u kinil u hidzil katun |
| c515 |
talel u caah u cħabe katun ah tem poop, ah tem dzam
bin u ppatab u luch tu cal ya, tu cal numya, ti hidzil katun
cal pul uiil bin u uacunte Ah Uaxac Yol Kauil
ca bin u kuchuc u kinil, u katunil uale
canppel hobon be tali ti caan, hebtambanom cab |
| c520 |
zutupnom ualac oyoch caan ti chikin, ti lakin u cuch ti yahaulil
talel u caah u molba tu cuch tu tepal
ti tun u dzocol u cuch katun
kaxaan u uich
binel u caah u dzam, binel u caah u poop |
| c525 |
yet binel u than tu zidzil katun ti uucil Kan
u kin u pay zaban, heuac yan u uah katun
u kin u pay tok, u pay uah, u pay kauil
ti uchom tu zidzil katun tu uucil Kan
|
| c530 |
Oxlahun Oc uil u kin u chek oc katun yetel canil Cauac
ti uil u ualak u uudz katun
tu kinil u ppatic u poop, u dzam
talel u caah u hel u luch, u hel u poop,
u hel u dzam, u hel u yahaulil
u lubul u cuch Ah Ho Ahau |
| c535 |
u pacat pach uale tu cħa matan
binaan u luch, binaan u poop, binaan yah pulil u than
uatal tu caah u hel cah
halili uchom tu dzoc u cuch katun, tu yaxcheil, tu tzucteil cab
halili uchom tu dzoc u cuch katun, ti to uil yokol Mayapan |
| c540 |
ti uchom may cu u yedz u cħibal tu cħeenil, ti yactunil
ti ix uchom cim cehil, maya cimlal
ti uchom yaxcachil, zibiz zibizil
tu kin u dzoc katunoob, u uudz hun dzit katun
|
| c545 |
Uaxacil Muluc
Uaxac Muluc tu Hunte Poop, u lamay tun
ti ulion cen Ah Kauil Cħel
yetel Ah Na Puc Tun yetel Ah Xupan Nauat
u yah kin noh halach uinic,
Ah Hun Uitzil Chac Tutul Xiu ti Uxmal,
tu luumil tzucubte, tu cuchcabal may cu Mayapan |
| c550 |
ti u cħabal u lac ah ox Ahau
bay uil uchic yalic u than uay Ni Tun Dzala,
uay Pacat Ha ti Chulte
tin tzolah u cħicħ katun, tu hahil zihaanil ichil u cuch katun
likul tu hun dzit katun
tu yax chun katun ti Hun Ahau |
| c555 |
ca luki ti caan, ca ix emi muci yalan luum
ocol ti chocteil yahaulil, ca uch u yax chun zihil
bay ti ca tzolah tu hahil
ti tun uchi uinicili ah tepal noh ahau
lay tin tzolah uay Bak Halale |
| c560 |
tin hokzah ti uooh
tin ualah bin u tohcinte hemac u yohele, hemac ah miatzil
bin yilab ua ma toh u binel uchic in tzolic
uay tu luumil tu cahil Salamanca, Bak Halal
uay ti tzuc peten, noh tzucubte |
| c565 |
uay tan cah Chactemal, tu luumil tzucubte tan cah Uaymil
ti dzoc in dzaic uooh lae tu uaxaclahunte Zac ti bulucte Chuen
coon Ah Kauil Cħel yetel Ah Na Puc Tun ti cahil Uxmal
lay tun u kinil tu bulucte Chuen,
tu holahunpiz kin febrero 1544 haab |
