| lt001 |
Yoklal a chinamoob tulacal cech ah tepale
naatah ca cah ti yul olalil hibici u naah tulacal uchebal
ca lukulobe lay tah oklal cech ah tepale
bailcun a tumtic ichil a uahauliloob yah bebezahuloob
|
| lt005 |
ca utzac u tichkakticoob yetel u zazcunicoob
yet u cambezicoob himac mabal yah ma ole
bacix nachacoob yetel pikanacoon yan ti yahaulil castilla tilobe
ca anat ma tan olonil tamen cech ah tepale
bayhi nadzanacoob yane ci a cix tan ol yalabal a xicin
|
| lt010 |
ti hibal hahal yan u nah toon hibici ca cabalil ti cux olal
yetel ca num yolil tu baalubail yokol cabe
lay tah oklal licil ca lic tech cech ah tepale
he ca chunpahi c'ocol ti cristianoil ti oc olal
uchie frailes franciscanos cambezoon ti doctrinas
|
| lt015 |
layob ix tah men u doctrinas yetel u nunyaob coon
u tzectahoob ca u tzectahoob yalmah thanil dios
toon ca hahal yamaobi xan bay ca hahal yumobe
bay ix u cahoob toon bay u yamailoonoob
u hahal mehene tumeneloob tuni kohol yetel cħapahal
|
| lt020 |
nupintabal tumen cizin u ppatcoonoob
hach mai tun pimoob culanoob uay ti luum laye
yetel xana matan yuliloob u chayan taloob
ta tu luumil castillae yoklal nachil yetel pikanil
ta yic okotba ca cah tech cech ah tepale
|
| lt025 |
ca a uokez uich tac pixan
ca a tumte ca a tuxchite frailes franciscanos
toon payic ca beel yetel cambezcoon tu belil dios
u noh laylobi himac tiob yanhiob uay ti luum
binoob tu luumil castilla tu caten telae
|
| lt030 |
layobi hahal ohelmail ca than
licil u tzecoonoob yetel u cambezicoonoob cuchie
lay u kabaob lae: Fray Diego de Landa,
Fray Pedro Gurumiel tu provinziail Toledo
u hach noh laili Fray Diego de Landae
|
| lt035 |
tumen u nohol u yaabal u tibilil
yetel yutzil tu uich ca yumil dios
lay hach yaabil ca pay ti ta hunal tac cristianoile
yetel Fray Miguel de la Puebla yetel u chayan padresoob
bahun a uolah cech ah tepale yoklal ix ca naatmail
|
| lt040 |
yetel ocanil ti c'ol mai camac pakmabac tanlah
lic utzcinic tech cech ah tepale
yb ol toon ta cristianoil puczikal
tulacal bay ix alanil c'ol binil ataba coon
tamen tu zebal cech ah tepale ca yumil ti dios
|
| lt045 |
zazcunic yetel bailcunic u nachcunic a uich
tu tan lahile uay Yucatan tu 11 u kinil febrero, 1567 años.
u chinamiloob a chinam a uah tanlahuloob
udzbenic a cilich kaboob cech ahtepale.
|
| lt050 |
Don Gonzalo Che, cazique de Cal Kini
Don Julio Canul, cazique de Num Kini
Don Francisco Ci, cazique de Kucab
Don Pedro Canul, cazique de Halalcħo
|
| lt055 |
Don Francisco Chim, cazique de Tepakam
Don Lorenzo Canul, cazique de Kalakin
Don Diego Canul, cazique de Kini Lacam
Don Miguel Canul, cazique de Mopila
Don Francisco Canul, cazique de Panbil Cħen
|
| lt060 |
Don Francisco Uicab, cazique de Ziho
|
