| lt100 |
In dei nomine
Ah hun yuk oc olal ahau ah tepale.
Yoklal teexil ca cħuylic ceex ah tepal,
licil ca dzaic v uich c'alab olal teex,
|
| lt105 |
ti ocaan ti c'ol bay u nah c'ocçic ti c'ol,
a yamailooneex ceex ah tepale,
lay ix tah oklal ca dzibtic huun teex
tu pach padre fray Gaspar de Nájera, ah maya than,
cu benel ta taneex v canteex ti baal yan u nah toon loe,
|
| lt110 |
okotba ca caah ta taneex ceex ah tepale
ca a uokçeex a uicheex c'okol tamuk a uocçiceex ca tibil okotba.
Ceex ah tepale yumileexe ohel teex mail bahun anat aba coon
tumen a vichilanobeex, bay ca[nan]tahanil hele,
tumen a vichilan don Guillén de las Casase.
|
| lt115 |
Chin pulba ca caah ta tan ca a dzacbeçeex
yaabil culhebal vay v mektan toon ceex ah tepale,
yoklal lay hach kanaan toon uchebal c'ilic yutzil kin
va bahun bay c'ilmail hele yoklal hach ca yama ca yamai[l] xan
tumen bay hahal yum ca caah tie.
|
| lt120 |
A uohelmeex iuil ceex ah tepal dzabci u yatzil
ca ya yumil ti fray Diego de Landa, yahau caan vay maya cuchie.
Okotba ca caah ah tepalileex ceex a tuxchiteex v hel toon
yacunicoon yetel anticoon tac numyail,
ohelticoon ix bay u cibah ca yum.
|
| lt125 |
Dzabi u yatzile San Franciscoil padre
a dzabeex ca yumte ceex ah tepal,
yoklallobi tzenmailoonlobi, tzecmailoonlobi ca yumoob
talci ca xpianoil uay tac luumil mayae yumile ahaue.
Yohmaon a dzabeex ca yuminte
|
| lt130 |
yohel ix ca than a dzabeex cananticoon,
va uchace ca utzac ca çebel kamic v yacuneex nah
yoklal ua bin a tuxchiteex ti yahau caanil tac yam ma ohmaicoone
bin ca ca manez numya ti latulah yohelticoon
yetel yoheltic ca numya yetel ca uincile.
|
| lt135 |
Tumteex yumile tohneb c'ol a cibeex ceex ah tepale,
bay taachil a vutzciniceexe,
licil iuil a vubiceex mail v yanal padresob
payal te toon yetel tzeec toon
tu yanumal catolicoil oc olal ceex ah tepale,
|
| lt140 |
heuac San Franciscoil padre ocçoon ti xpianoil
laix yam tzeec toon tu pectzil evangelio,
padre fray Luis de Villalpando
yetel ulakoob uchie San Franciscoil padres
tzecmailoon hele xane.
|
| lt145 |
okotba ca caah tah tepalil,
ca a uokçeex a uicheex c'okol coon a palil, a cuchcabal
ca a tuxchiteex u yaabal u pimil padresob toon
tu pach padre fray Gaspar de Nájera,
ci u talel ta toon u chacaancun yetel u cante ca numyail.
|
| lt150 |
Teex loe tac u pimil padresob toon ah tepale
ca utzac u xelicoob v cich uahil u than Dios toon.
Be yumileex ahau ah tepale
va ix ca uchucac a uiliceex ca numyail cat uch lae!
Ocaan ti c'ol binil a dzabeex
|
| lt155 |
u pimil yah tzeculoob yanumal ku toon
tac than pimcunexcoob yah anatil ca lukul.
Yumile, manaan tu pach lahunkal u tzucul cah cahanoob
vay tac peten lae
hex c'ah tzeculoob tac maya thanile,
|
| lt160 |
ma kuchanoob ti lahuncakaloob tac thani.
Otzil yilabal u cimiloob ca lakob ti hun hun tzuc ti cah
ti mamaac chochicoob tu keban,
bacac ix hach dzacaan yol padreob u tanloon ti xpianoil tilobe,
bahun u dzab ma pimoob,
|
| lt165 |
tayici c'ahau ah tepale
pimcunoob padresoob tu pach padre fray Gaspar de Nájera
yoklal lay u than likul nachil a uicnaleex ceex ah tepale
bin ix a uanteex tamuk a dzaiceex a dzayatzil u mat be.
Ma bahunppel tuba ca payma ti Dios ceex ah tepale
|
| lt170 |
uahma u dzamal ca toh olal yetel ca hun olal
bay ix ca hanal xane.
Cahina yolte c'ilab a icheex;
ca tuchie ma iuil bahun ca cici ol ti ceexe.
Heuac ma uchac tac thani, yoklal nachileex yan toon,
|
| lt175 |
Dios nachcunic v çithan a uahaulileex
yetel a tepalileex yokol cab
caix u dzaab u yaabal kinteex a cuxhebeex ti toh olal
bay u dzib olmail ca pucçikaloon v yanhal teex ceex ah tepale.
Uay ti dzibnoon maya tu uacppel u kinil enero 1580.
|
