| lt200 |
Don L. Superior Politico, D. Felipe Rosado,
Tihosuco 1. de Abril, 1848;
In yamail noh talan tzicbenil yume.
Tin kamah a tzicben huun fecha 27 ti le mez dzocilo.
|
| lt205 |
Bay xan tin kamah u tzicbenil huun yum Gobernador D. Migual Barbachano
yetel u tzicbenil yum cura D. Jose Canuto Vela.
Tin kamah xan u copiail le Acta uchic u kamic u juramentoil
yetel u bastonil u gobiernoil yum D. Miguel Barbachano.
Cin ualic tin tzicbenile yume ca yanac a mukolticeneex
|
| lt210 |
tumenel ma tin nuctah tu zebali ti a tzicbenili huunexi
u motivoile tumenel tan in paktic
utial in uuyic ti in uet comandantoilobe in uic bax cu yalicoob.
Bey tuno in yume tac bay u dza uilah
ma u yaloob ten mix manbali le in uet comandantilobo.
|
| lt215 |
Cin ualic tun ti a tzicbenil dzoc in cħa nuctic tulacal
bax cu yalic ten a tzicbenil
hebix licil u tza nuctic ten a tzicbenile tulacale bax ca dza nuctico.
Cimac yol c' yumil ti dios.
Dzocebal bay xan in manbal luumal xan.
|
| lt220 |
Cin ualic tun ti a noh talan tzicbenil tune
tal in caah tun ti cah Peto yetel tulacal in tropaoob,
tumen tun tulacal u capitaniloobe yetel u tropailobe.
Hach tza ca yanac u kubul ten tulacal le armasoob cħab tiobe.
|
| lt225 |
Tza ca yanac u kubul tumenel Trujeque yetel u gobiernoil dza u ordenil
cat yanhi u molchahtiobe.
Cin ualic tun ti a tzicbenile bahun le u armaobo molochahio,
yume: dos mil quinientos armas cħaan tiobo
ma ocaan u chucaan comandanteobi; chen tin partido.
|
| lt230 |
Cin ualic tun ti a tzicbenile
hach tza cu yanac u kubul ten tu cahil Peto
tumenel u tzicbenil yum gobierno
tu yoklal in kubic tiob in tropaob ti le cah Peto.
Hasta ma in kamic leti le armaobo ma tan in ualic ti a tzicbenil
|
| lt235 |
tuux uchac in than yetel a tzicbenil.
Bey bic tumenel tan u dza nuctic ten a tzicbenile
bicil tan u pronunciarticuba tulacal cahobe
yetel hebix licil u dza nuctic ten
u tzicbenil yum Gobernador D. Miguel Barbachano
|
| lt240 |
porque hencex cah ma tan u pronunciarticubae
tza cac ilab ix cu cutal yetel u dzocol
tumenel ma u kat u pronunciartubae: señal que enemigoob.
Cin ualic ti a tzicbenil xane leti le ca betci yuobo.
|
| lt245 |
Cin ualcabtic u pachobo ca yanac u kubultenoob xan:
u kabaobe: Trujeque = Juan Vasquez Vega = Cecilio Camillo =
Miguel Bastion = Manuel Muños.
Leti le cin katic ca yanac u kubul teno.
Cin ualic ti a tzicbenile xane leti le men loboob yan tu nohol ti Kaxo.
|
| lt250 |
Cu yantal in kuchul ti cah Petoe
cin uilic max capitanil cin bin in tuchi ti.
Le cu yalic ten a tzicbenil ichil a tzicben huune.
Hali u xul in than ti a tzicbenil yume.
|
| lt255 |
C' yumil ti dios u canaan ta santo pixan tu yabal haab: ten
Jacinto L. Pat, Comate.
|
