Image - Cacao Pod Vessel - K6706 © Justin Kerr FAMSI © 2001:
David Bolles
 

Modern Rituals

Felipe Paz

rp001    ti colel cab  
 kaytabi tumen yum Felipe Paz, Te Coh
 
rp005    tu bu, tu bu
cin yukul u vino u diosil in yumbil
ti tun u yikel colel cab
ti colel ek tun, ti colel chac
tu bu, tu bu, tu bu u vino dios yumbil
rp010    oxhun kin, oxhun akab
oxhuncabalac ca zuten c' yikel bacan le x- cichpam holmobil yum
tuux tun cin dzic u santo zuhuy vino tu bel le colel cab,
      colel peten
tixnac uxnac zayo zayobil in yum
rp015    ti x- cichpam x- colel estranjera divina reina yum
cin ppoic u xikoob cin dzic muk u xikoob
ti lol tail ti lol dzidzilche ti lol catzimil
      ti lol bacan chucmilo
ti lol zebalmilobil yum
rp020    tu bu, tu bu, cin yukul u vino dios yumbil in yum
tu bu, tu bu ci boc ci boc caanacnac
ci u toppol u loloob u cheob bacan ti u montañao in yum
ti x- cichpam x- colelbil x- ppo balam u ci ppocuba xunan in yum
utial nachcunzic bacan le yumen le yikel le bacan le xulabe
rp025    utial u nachcunzic bacan le yumen u yikel bacan le zakalo
utial u nachcunzic bacan le yikel le yumen le cipchoho tohol be
utial u nachcunzic ziruhoob ti bacan le muchoob
u nachcunzic tulacal kinam xunanoob in yum
oxhun kin, oxhun akab
rp030    oxhuncabalac cu tal u zuten c' yikel kuobil yum
yacotunen behlae yumen ca tun ca yan tune cabe
ti colel cab colel peten
ti colel ek tun
 
 
rp040    ti colel cab
 kaytabi tumen yum Felipe Paz, Te Coh
 
cilich maben in yumen
rp045    ti colel cab, colel ku, colel peten
oxhuncabalac cu tal u zuten c' yikel le colel cab
x- cichpam colelbil x- holo
ti colelbil ku
yacotunen
rp050    ca talen bacan a cichcelmil
ti colel cab, colel peten
oxhuncabalac cu talo
bacan tuux ppenah ti u montañao
tuux tun amal tu ca uil lolol
dzidzilche u lol
rp055    takan tail lol u lol, catzimil lol xan
tzankalac, tzankalac
tu bu u yukul u santa vino
tuux cu yukul le colel cab, colel peten, colel ku
colel ku, colel cab divina reina yumen
didivina sagrada tu pilixil yumen
rp060    tu yukala yumen
antes tune colel caben yumen mu kalo ti am xan
mu kalo tu kaan am mix dzudzaan chuchuptonilo
nachcuntic toholtic nachcuntic xan
le xulabobe mudz a lol ti le colel cabe yumil,
      colel peten, colel ku
rp065    hinhulil
hunhulul talen tzankalac in yum
ti tuxnac uxnacxpil uxbil c' yum hai
ti colel ek tun, colel peten, colel holo
ti colel cabobil yum
rp070     
ti noh cilich kaba dios tuxteex ti colel cab
ti colel peten, ti kuil le caba tu chilcuntaltic colel
      ti xunan cab
ti bacan yan x- cilich bacab
rp075    he cu yemelo tuux talo divino xan ti nohol lakin ik
      chikin ik nohol ik
ca zuten c' yikeloob xan cu tal le colel cab uaye yum
ua ma thoxenen xan le hanalo cabo xan
dzidzilche tu kamilo xan
rp080    tuux cu toppol u cabilo xan
ti bacan dzidzilche xan yetel u cabilo xan catzim
tu cabilo xan x- tailo
tulacal u cabil montaña
ci u boc ci u budz u hanal xan
rp085    tu c' x- cichpam x- colelbil x- holo xacuba x- cichcilicheex
teche x- cichpam holmo
texe x- cichpam colel cabeex
x- cichpam colel ek tun
a x- cichpamil ca tu tzentah tu zuhuy kuil cab
rp090    ti kuil peten
ti noh kab dios yumbil
 
rp100    utial u kaholtic u kohaanil uinic
 kaytabi tumen yum Felipe Paz, Te Coh
 
tin xolaan pix tan tin yocol a than
rp105          tu noh kab x- cichpam colelbil luz
ti x- cichpam colelbil zaz tuna tu nohol u kab santo cruz yerbatero
tuux anac kin tu nohol u kab a cichcelemeex ti noh mani
ti Mayapan ti Uxmal ti Chi Cħeen Itza
ti Zac Muyalil Na
rp110    tu nohol u kab a cichcelmileex
ti x- cichpam colel maben tuna ti colelbil zaz tuna
cu dzaen u zazcun cu zuhuy baal u uincli le chan zuhuy angel yumen
tu nohol u kab zuhuy maria tu nohol u kab yumil jesu cristo
ti padre eterno ti espiritu santo
rp115    cin katic licencia ti a cichcelemileex yumen
calaan yumeex ti noh lakin ti chikin ti nohol ti xaman
tuux banta hatzah zizah hol tun a cichcelmileex
ichil u col ti yan beo ua xan ich u tan na
ua xan ti yocol ti yol lolol iko chibal iko
rp120    ua tu yocol ti u kakaz ikoba
in kat tin uilah in yumen tu nohol u kab a cichcelmileex u hahil
ma in tuzic mix humppel zizah hol
in kat in dza tu bel tu nohol u kab a cichcelmil yumen
ua tumen utial in dzac ten
rp125    tin katic licencia ti a cichcelmil tuux cin thabic santo ciba
cu zazilcunzah u hahil tu nohol u kab a cichcelmileex
teex ca zazilcunzah ti caan, ti luum
teex ca dza luz tun tu nohol u kab a cichcelmileex
seis dias ca zazilcunzah luum
rp130    bey tun xan cin cħocħic cin uacħic licencia
ti a cichcelmileex x- cichpam colelbil zaz tuna
a zazilcunz ten tu nohol kab dios espiritu santo
x- cichpam colelbil maben tuna, balam tuna
ti yum santa cruz yerbatero, ti yum santo cristofil pech
 
rp140    Santiguar
  kaytabi tumen yum Felipe Paz, Te Coh
 
ay in yumen, behlae in kaz hunppel noh santiguar
rp145    tu nohol u kab a cichcelemil yan u miztic caan ti u muyaloob
yokol hunppel zuhuy angel, ti humppel niño
tumen u henaanmah tulacal ikal kakaz ikoob
tu tazic ten u mama uay tu yokol
tin xolaan pix ti a cichcelmil
rp150    tin katic zazaz zipil tuux cin miztic ikal
cin pictic cin cħocħic tu zuhuy cabecera
tu noh kinil viernes ti zuhuy las doce kin
uacħcabalac dzu yem cin uacħic ikal tu zuhuy frente
      tu zuhuy celebro
rp155    tu zuhuy moyera tu zuhuy plumon tu zuhuy pecho
tu zuhuy boca estomago tu zuhuy hoboncabil
ti x- cichpam x- colelbil salvacion
ti x- cichpam x- colelbil santa rita colelbil santana
colelbil santa rosa colelbil santa clara colelbil santa marta
 
rp160    santiguar
 kaytabi tumen yum Felipe Paz, Te Coh
 
ti x- cichpam colelbil luz ti x- cichpam colelbil zaz tuna
rp165    behlae in mentah huntul santo
cin miztic tulacal ikal kinam ikoob
ti chan zuhuy angel
cin uacħic ikal tu zuhuy cabecera
      yetel le zip cheil balma in machmah
rp170    cin cħocħic tulacal ikal kinam ik tu henah
le mala ojo ike le tan luz be ike le mozon ike
      le cabal zooy mozon ike
behlae tun in yumen tech ca miztic caan ti muyaloob
tu nohol u kab san bartolo tumen u yax acil uinic
rp175          yetel yum santo isidro
te xan cin miztic ikal cin pictic cin huztic cin xotic
cin peczic cin pulic tu pul kin tu pul akab
cacapul cin bin in miztic ikal
tu tan noh xaman tu noh u kab yumtziloob ti can titzil luum
rp180    tuux cu tzanchactic tulacal ikal metnalilo
      tu tanchumucil kin zuhuy kin
tu noh yoc kan chic balamo cu peczic ikalo
tu noh kab dios espiritu santo
      ti tanchumuc u yaxil caanal ti noh metnal
 
rp190    Santiguar
  kaytabi tumen yum Felipe Paz, Te Coh
 
--- --- toon tulacal u kaz meyahalo
rp195    ti tech cin katic licencia ti le noh kin behlae
ti nohol kab a cichcelemeex
      ti x- cichpam x- colelbil zaz tuna maben tuna
ti santo viernes
cin uacħic ika tulacal u kinam ik
rp200          tu zuhuy cabecera yal estomaglesia
ti maria benita tu zuhuy cabecera tu zuhuy celebro tu zuhuy plumon
tu zuhuy pecho tu zuhuy boca estomago tu zuhuy hoboncabilil
oxhuncabalac tali ca tzicbaleex tuux ppenaheex ti santo noh na
noh kakal ti x- akab cħeeno ti Mani
rp205    ti u x- cabal cħeenil Mani, ti u x- cabal cħeenil Uxmal
ox uan cin in uinceex
ox uan cin in thanic ti u yum ti u noh kab balam
oxhuncabalac tali in tzicbal yumtziloob ti can titzil luum
ti tun x- cichpam x- colelbil salvacion ti colelbil liberada
rp210    cu dzam u pul u bendicion utial in cħocħic ika tu zuhuy cabecera
tu zuhuy celebro tu zuhuy plumon tu zuhuy pecho
      tu zuhuy boca estomago
zuhuy baal u uincli tu zuhuy venasiloob tu zuhuy baciloob
hadzaantacoob tumen kinam ikoob
rp215    ten cin miztic, ten cin pictic, ten cin cħocħic, ten cin uacħic
ten cin ppechatic ika tu pul kin tu pul akab yokol cuarenta baras
tanchumuc tu noh yaxil caanal
cin tzanchactic tulacal ika chibal ikoob
le hocħ ike, le xocħ ike, le kam mukul ik, le lamayil ik,
rp220    le tan luz be ik, le ho bolon ike, le uacax ike, le zinaan ike,
le chiaxchio ike
tulacal le iko le lamayil iko,
      le kam mukul ike hadzmah le ziz yole
behlae cin uacħic cin cħocħic
rp225    tu nohol u kab yum santo cruz yerbatero noh mani
ti yum santo cristonosifani pech ti yum santo cristo acan balam
tu nohol u kab colelbil zuhuy maria padre eterno
tech u miztic caan oxhun kin oxhun akab
oxlahun ca dzu yem kin, oxlahun ca dzu yem akab
rp230    cin lay ikal tu zuhuy cabecera tu zuhuy celebro
cin lay ikal tu zuhuy plumon,
cin lay ikal tu zuhuy boca estomago xan
cin miztic ikalo
cin pictic cin huztic cin pulic tu pul kin tu pul akab
rp235    tu noh kab balam ti ah bolon biz peten
 
rp240    Santiguar
 kaytabi tumen yum Felipe Paz, Te Coh
 
jesus maria yum behlae tu noh kab u dios yumbil
rp245    ti las doce y cuarto tin katic u licencia
ti u nohol kab ti dios yumbil padre eterno
tu nohol u kab bacan in yumil jesu cristo colelbil zuhuy maria
utial in patal in santiguartic hunppel zuhuy angel
yetel bacan xan ti jose ramos tu nohol u kab dios
rp250    behlae tun cin kat tu noh u kab
      x- cichpam x- colelbil zaz tuna maben tuna
tu noh kab dios espiritu santo
cin cħocħiktic cin uacħiktic tu nohol u kaba yumtziloob
tu zuhuy cabecera tu zuhuy celebro tu zuhuy plumon
rp255    tu nohol u kab a yum cin cħocħiktic cin miztic ik
ti x- colelbil zaz tuno
oxhuncabalac ca tali in tzicbal ti yumtziloob
tanchumuc zuhuy kin zuhuy akab
tu nohol u kab thul caan chac tu colel zaz tun --- --- ---
rp260    ti x- colelbil ek tun, colel ek chac
asi ti ah dzibil chac, --- chac, --- chac, --- chac,
papa chac, zinaan caan chac, thul caan chaco
ti x- cichpam colelbil maben tuna tu nohol u kab in yumtzil yumen
oxlahun --- ---
 
rp270    Santiguar
  kaytabi tumen yum Felipe Paz, Te Coh
 
jesus maria tu kaba dios yumbil dios mehenbil dios espiritu santo
rp275    tan in bin xolaan pix tu tan tulacal le yumtziloob
ti can titzil luum ti can titzil caan
tu nohol u kab zuhuy santa maria yetel padre eterno
tan in katic u poder in santiguartic huntul zuhuy angel
ti cuatro homcabil ti yum jesus cristo
rp280    ti bacan xan cin cħocħiktic tulacal kinam ikoob tan luz be ik
zinaan ik, xocħ ik, kam mukul ik, lamayil ik, tulacal dzon ikoob
ti x- cichpam colelbil zuhuy santa maria padre eterno
tu nohol u kab bacan ah balam
ti xocħ balam ti x- cichpam colelbil x- po balam
rp285    ti tun x- cichpam colelbil x- pixatic ti x- colelbil x- cesaria
ti x- cichpam colelbil x- uacħikoob xan
cin cħocħiktic cin uacħiktic cin miztic tulacal ikoob
ti santo zuhuy homcabiloob ti x- cichcelemeex yumen
oxhuncabalac ca tali santo dios ti tanchumuc zuhuy kin zuhuy akab
rp290    cin cħocħiktic cin uacħiktic tulacal le kam mukul iko
      le lamayil iko
utial u ziztal u yol le zuhuy angelo
yetel bacan xan cin xolaan pix xan
cin santiguartic tu zuhuy cabecera u zuhuy celebro zuhuy plumon
rp295    zuhuy pecho zuhuy boca estomago zuhuy homcabil
oxlahun ca dzu yem kin oxlahun ca dzu yem akab
cin uacħic cin miztic cin pictic cin puztic cin xotic
      yetel zipit che
tu pul kin tu pul akab tu noh kab dios yumbil
tanchumuc ti yaxil caanal nohol xaman
 
rp300    Santiguar
  kaytabi tumen yum Felipe Paz, Te Coh
 
jesus maria tu noh u kab dios yumbil dios mehenbil dios
rp305          espiritu santo
cin bin xolaan pix tu tan yumtziloob
ti can titziloob xan utial u patal in santiguar
ti dios padre yumbil maria carmen ti humppel santo martes
bacan xan tu santo diosibil
rp310    tin papalikoob cin uacħikoob ti x- colelbil salvacion
ti santo martes santa octavia santa marta tun
      tu noh u kab yumtziloob
cin cħocħiktic u kakaz ikoob tulacal u kinam ikoob
tu zuhuy cabecera, u zuhuy celebro zuhuy plumones xan
rp315    zuhuy pecho zuhuy boca estomago zuhuy hoboncabil
tulacal le iko kam mukul iko le lamayil iko ho bolon iko
      uaxac bolon ik
tancaz moo iko ti mozon iko
ti homcabilo cin cħocħiktic le can kaz ike
rp320    le zinaan ik cin cħocħiktic ti kam mukul ik lamayil iko
ti noh kab in yumiloob cin bin ximbaloob ti kaxe
yetel in yumbil dios espiritu santo
oxhuncabalac tali u tzicbal yum
tuux ppenah ti santo zuhuy noh na ti Uxmal Chi Cħeen Itza Mayapan
rp325    ti bacan ti Itzmali xan
in katic u poder ti le yumtziloob ti Mayapan
tin katic xan ti Itzmal
ti x- cichpam colelbil zaz tuna bala ti x- cichcelemeex yumen
cu talel cu tokah u balamo x- cichcelemeex yumen
rp330    tuux yan u balam ti le akabo
ti akabo tu noh u kaba yumtziloob tan in cħocħiktic tulacal ikal
kakaz ik kam mukul ik
cu hoppol bacan tu nohol a kabeex cichcelemileex ikexe bey ike
cin bin ci xolaan pix xan ti le iko xan
rp335    cin pulic ikal pul kin pul akab yok cuarenta baras
tanchumuc ti yaxil caanal nohol xaman
 
rp340    emzah yukul
  kaytabi tumen yum Felipe Paz, Te Coh
 
jesus maria yum behlae
rp345    tu noh u kab dios yumbil dios mehenbil dios espiritu santo
cin xolaan pix tan tin uokol tu tan tu noh u kab ah yumtziloob
tu noh u kab ah cacaboob ti lakin ti chikin ti nohol ti xaman
ti can titzil luum can titzil caan yumen
oxhuncabalac tali u tzicbali yumtziloob tuux ppenah dios
rp350    santo zuhuylaloob cacaboob uol tun a uiihteex ox kinaco
tuux talo xan santo estebano yumen
tu nohol kab a cichcelemeex u kin behlae santo martes
ti las once y media tu zuhuy kin cin bin xaxaklanci xan
ti bacan ti x- cichpam x- colelbil maben tuna
rp355    bacan ti x- colelbil zaz tuna
ti bacan xan u kahzic ti le yumtziloob yetel u yum ikoob
ti mesa xan cu ocol ti kaxo ximbal kax
ti le mesa cu kaholtic oc kax ah kakaloob luum
ti nohol lakin xan cu taloob nohol ik chikin ik nohol ik
rp360    ti can titz luum ti can titz caan
ti tanchumuc caan ti tanchumuc ti muyal ti tanchumuc ti luum
tin katic u licencia utial a cichcelemil yumen
tech ca miztic caan ti muyaloob
dza ten u poder utial in kubic in meyaho
rp365    behlae tun u chilcuntaltic tu nohol kab cichcelemech
utial cin emzic tulacal u kaxiloob tu nohol a kab a cichcelemech
tuux ppenah ikaloob tu nohol yok cab luum
ti u ximbaloob ah balamoob Holtun Balam
tu kaba dios espiritu santo
rp370    tin kubic tun tu nohol u kab in yumen padre eterno
tuux cin katic u licencia tu yum ikoob ti can titzil luum
behlae tun tu nohol kab a manah yum ikoob
tu yoczic tu chumuc kaxoob yum balam
tu kaba dios espiritu santo tin cħactic u hol balam
rp375    ti kan chic balamo ti can titzil luum
 
rp400    cħa chac
  ay in yumen
cilich maben in yumen
cin xolah tu chun mesa tata actun tu chun caan nohol lakin
behlae tun in yumen cin holbezc u zuhuy
rp405    yet zebi caanacnac ci boc ci boc u bin
tu can titzil luum tu can titzil caan ti can titzil muyaloob
ti tanchumuc ti can titz muyal ti tanchumuc ti luum in yum
cilin culun cu than in yumiloob in yum
tu chum caan noh lakin tuno yok bacan tzimin
      yum san miguel arcangel
rp410    yum san rafael yum san xavier arcangel in yum
tu noh u kab san elias in yumen
cu kukul santo muyalil tuux cu toppol u yebil nohol lakin
tzankalac hepalac u tal u zubenil yumeniloob in yumen
tuux cin can cu belil in yumiloob
      tu noh u kab x- cichpam colelbil luz
rp415    ti colelbil zaz tuna maben tuna
cilin culun cu than in yumil
ti yok tun uinc noh lakinil in yum
oxhuncabalac cu taloob cu zuten c' yikaloob
zohlil yetel u muyalil yebil noh lakinil in yum
rp420    uacħcabalac dzu yem
ci u taloob u uacħ u zuhuyil yumiloob tuux uatic u santo muyalil
utial u hoyahtah le zuhuy chacben colo
utial luum ca coloob luumil keban
behlae tuni in yumen
rp425    cin kat than tu tan u mesa in yumil
yum san miguel arcangel yum san rafael arcangel
yum san xavier arcangel in yum
behlae tuni in yumen
tuux cin xolaan pix tan in yum
rp430    tuux cin pecz u zuhuy hai ti noh ha noh cacab noh holtun in yum
yocol yil caanacnac tan in yum
tzankalac hepalac cu tal u zubenil in yumiloob
oxhuncabalac cu tal u zuten c' yikaloob
cilin culun cu than in yumil tanchumuc ti can titz muyaloob
rp435    oxhuncabalac cu tal u zuten cab u yebiloob
caanacnac ci boc ci boc ulil u santo vino
cilich maben in yumen
behlae tu noh a kab a cichcelmil cin uocol uolal
cin xolaan pix tano tun in yumen
rp440    utial in kat u santo zaya ti dios yumbil
tu bun, tu bun tin yukul u vino dios yumbil
tu noh yok u yum caan ikoob in yum
tuux cu toppol u molino lac yem u zac muyalil
cu zacil muyaliltzil yok ti tzimin yum chaco
rp445    ti mul caan chacoob balam tun chacoob
ti holbezah balamoob in yum
tu noh yok balam cin yumtzil balam cin uinco
      ti tuppiloob in yumtzil
ti x- cabal cħeen Mani ti Uxmal ti Chi Cħeen Itza ti Mayapan
ti Zac Muyalil nin caah kukuz zac lahun taz muyalil
rp450    ti yebil ua ti nohol lakin

Previous Page  |  Table of Contents  |  Next Page

Main Index

Return to top of page